- Диданд: 72
ҶАШНИ НАВРӮЗИ АҶДОДӢ
26-уми март дар ноҳияи Рӯдакӣ бахшида ба ҷашни Наврӯзи байналмилалӣ чорабинии бошукӯҳи тантанавӣ баргузор гардид.
Субҳи барвақти рӯз занону бонувони фаъол дар боғи фарҳангӣ-фароғатии ноҳия маросими суманакпазӣ гузаронида, бо афрӯхтани оташ ва иҷрои суруду таронаҳои халқӣ шодиву нишот намуданд.
Дар давоми рӯз дар назди муҷассамаи устод Абуабдуллоҳи Рӯдакӣ чорабинии тантанавӣ идома ёфт. Дар чорабинӣ раиси ноҳияи Рӯдакӣ Абдуғаффор Ҳикматуллозода, муовини раиси Кумитаи давлатии идораи замин ва геодезии Ҷумҳурии Тоҷикистон Садриддин Давлатзода, вакили Маҷлиси намояндагони Маҷлиси Олии Ҷумҳурии Тоҷикистон Муҳаммадраҳим Юсуфӣ, собиқ раиси ноҳияи Рӯдакӣ Рустам Акрамзода ва собиқадорону фаъолони ноҳия ширкат варзиданд.
Дар оғози чорабинӣ роҳбарияти ноҳия ва меҳмонон намоишгоҳи оростаи ҳунармандону кадбонуҳои ноҳияро, ки аз маҳсули ҳунарҳои мардумӣ, хони идонаи наврӯзӣ ва маҳсулоти нонӣ иборат буданд, тамошо намуда, ба ташкилкунандагон баҳои баланд доданд.
Дар идомаи чорабинӣ паёми табрикии раиси ноҳия Абдуғаффор Ҳикматуллозода ба муносибати ҷашни Наврӯзи байналмилалӣ шунида шуд. Қайд гардид, ки Наврӯз бузургтарин ҷашни миллии ниёгони мо ба ҳисоб рафта, пайвандгари насли имрӯз бо расму оин, меҳру садоқат ва анъаноти ниёгон мебошад. Тавре ки аз номи он бармеояд, Наврӯз “рӯзи нав” маънӣ дошта, дар аввали соли нави хуршедӣ ба истиқболи соли нав барпо мешавад.
Зикр шуд, ки бо ибтикори Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Наврӯз аз ҷониби ЮНЕСКО ба феҳристи ёдгориҳои ғайримоддии ҷаҳонӣ ворид гардида, дар Созмони Милали Муттаҳид онро ҷашни ҷаҳонӣ эътироф карданд. Ин барои мардуми тамаддунофару куҳанбунёди тоҷик ифтихори бузург ва боиси сарбаландиву сарфарозии ҳар як сокини Тоҷикистон мебошад.
Таъкид гардид, ки гузаштагони мо дар рӯзҳои наврӯзӣ бо нияти нек таҳкурсии ободиҳои гуногунро мегузоштанд, майдонҳои киштро васеъ мекарданд ва барои осудагиву фаровонии ҳар як хонадон замина муҳайё месохтанд. Аз ин рӯ, мо низ ҳамчун наслҳои сазовори ниёгон бояд анъанаҳои неки аҷдодонамонро давом диҳем, то ки ояндагон аз мо ибрат гиранду меросҳои фарҳангӣ насл ба насл идома дода шаванд.
Сипас, муовини раиси Кумитаи давлатии идораи замин ва геодезии Ҷумҳурии Тоҷикистон Садриддин Давлатзода суханронӣ карда, тамоми ҳозирин ва мардуми шарифи ноҳияро ба муносибати Наврӯзи хуҷастапай табрик намуд ва ба онҳо рӯзгори орому осуда ва ба кишвари азизамон - Тоҷикистон осмони софу беғубор ва фазои сулҳу суботи абадӣ орзу кард.
Дар бахши тантанавии чорабинӣ ҳунармандон ва сарояндагони маъруфи кишвар бо пешниҳоди барномаи рангини театркунонидашуда, суруду тарона ва рақсу оҳангҳои ҷолибу ҷаззоб хотири иштирокчиёнро шод намуданд.
Ҳамзамон, дар ин рӯзи фархунда ба 6 ҷуфт навхонадорон аз ҷониби раиси ноҳия Абдуғаффор Ҳикматуллозода шаҳодатномаи ақди никоҳ тақдим гардид.
- Диданд: 85
Баромади муовини раиси ноҳияи Рӯдакӣ Бобошоҳзода Муҳаммадшариф Сангинмурод оид ба муҳтавои мулоқоти Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки бо фаъолон, намояндагони ҷомеа ва ходимони дини кишвар доштанд
Санаи 12 марти соли 2024 дар маҷлиси назоратии назди раиси ноҳияи Рӯдакӣ муовини раиси ноҳия Бобошоҳзода Муҳаммадшариф Сангинмурод оид ба мулоқоти Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки бо фаъолон, намояндагони ҷомеа ва ходимони дини кишвар баргузор гардида, баромад намуданд.
Муовини раиси ноҳия қайд намуданд, ки 9 марти соли ҷорӣ дар Кохи Ваҳдат бо роҳбарии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар арафаи моҳи шарифи Рамазон бо масъулини мақомоти марказӣ ва маҳаллии ҳокимияти давлатӣ, намояндагони фаъоли аҳли ҷомеа, олимон ва ходимони дини кишвар мулоқот баргузор гардид, ки дар он аз ноҳия муовини раиси ноҳияи Рӯдакӣ оид ба идеология, мудири шуъбаи рушди иҷтимоӣ ва робита бо ҷомеа, мудири шуъбаи кор бо занон ва оила, мудири бахш оид ба корҳои дин, танзими анъана ва ҷашну маросимҳои миллӣ, мудири бахши кор бо ҷавонон ва варзиш ва 14 нафар имом - хатибони масҷидони ҷомеъи ноҳия иштирок доштанд. Нахуст, Сарвари давлат кули мардуми мамлакатро ба муносибати фаро расидани моҳи шарифи Рамазон – моҳи парҳезкориву эҳсонкорӣ, хайру садоқат, бахшиши гуноҳҳо ва поксозии зоҳиру ботин самимона табрик гуфта, дар бораи фазилатҳои пурарзиши ин моҳ андешаронӣ намуданд ва барои рафъи камбудиҳои дар ин соҳа ҷойдошта ба масъулин супоришҳои мушаххас доданд.
Дар ҷараёни мулоқот Пешвои миллат муҳтарам Эмомалӣ Раҳмон бори дигар оид ба татбиқи қонунҳои Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ва «Дар бораи масъулияти падару модар дар таълиму тарбияи фарзанд» андешаронӣ карда, аз аҳли ҷомеаи мамлакат риояи қатъии муқаррароти қонунҳоро талаб намуданд. Дар рафти мулоқот Сарвари давлат нисбати ба сафарҳои бисёркаратаи шаҳрвандон ба ҳаҷ ва умра ҷалб намуда, таъкид доштанд, ки танҳо як дафъа анҷом додани ҳаҷ бар муъминон фарз аст ва Паёмбари ислом (с) худашон ҳам танҳо як бор ҳаҷ намудаанд. Аз ин хотир, пешниҳод карда шуд, ки шахсоне, ки маротибаи дуюм ва сеюм ба ҳаҷ рафтан мехоҳанд, метавонанд аз рӯи аҳкому фармудаҳои шариат амал карда маблаѓи хароҷоти онро барои зиндагии шоистаи хонаводаи худ, таҳсили фарзандону наберагон, ободии диёр, бунёди корхонаву мактабҳо, роҳу пулҳо, инчунин, барои кумаку дастгирии ятимону бепарасторон, маъюбону беморон ва оилаҳои камбизоат сарф намуда, аҷру савоби беандоза ба даст оранд.
Сарвари давлат мӯҳтарам Эмомалӣ Раҳмон аз аҳли ҷомеаи мамлакат даъват намуданд, ки бо риояи анъанаҳои накуи аҷдодӣ ба масъалаи анҷоми тадбирҳои созандагию бунёдкорӣ, иҷрои корҳои хайру савоб, дар арафаи идҳо дароз кардани дасти хайр ба эҳтиёҷмандон, ятимону камбизоатон, ѓамхорӣ нисбат ба падару модар ва хоҳару бародарони хеш, таваҷҷуҳи махсус диҳанд.
Президенти мамлакат муҳтарам Эмомалӣ Раҳмон таъкид намуданд, ки мо бояд дар амалӣ намудани арзишҳои миллӣ ва динии худ ба қадри соҳибистиқлолии давлатамон бирасем ва ин неъмати бабаҳоро қадр намуда, шукронаи онро ба ҷо орем.
Хамаи дастурҳои раҳнамунсози Пешвои миллат муҳтарам Эмомалӣ Раҳмон оид ба анҷом додани хайру саховат, дастгирии оилаҳои камбизоат, ятимону бепарасторон, сарфаю сариштакорӣ ва танзими маъракаву маросимҳо аз беҳтарин аҳкоми тарбиявии Қуръони карим ва ҳадисҳои набавӣ гирифта шуда, мақсад аз он ҳидояти мардум ба роҳи пурсаодати зиндагӣ мебошад.
Дар анҷоми баромадашон қайд намуданд, ки пеш аз ҳама мо хизматчиёни давлатӣ дастуру супоришҳои Ҷаноби Олиро сармашқи корӣ худ намуда, ташвиқоту тарғиботро дар ҷамоатҳои шаҳраку деҳоти ноҳия пурзур намуда, мардумро аз гумроҳи ва гаравиши ҷавонон ба ҳаракату ҳизбҳои террористиву экстремисти пешгири намоем, инчунин моро зарур аст, ки дар моҳи шарифи Рамазон ба исрофкорию зиёдарави роҳ надиҳем.
- Диданд: 69
Вохурии
муштараки сохторҳои дахлдори мақомоти иҷроияи ҳокимияти давлатии ноҳияи Рӯдакӣ дар самти рушди иҷтимоӣ ва робита бо ҷомеа бо сокинони ҷамоатҳои шаҳраку деҳоти ноҳия бахшида ба эълон гардидани соли 2024 ҳамчун “Соли маърифати ҳуқуқӣ”
Санаи 6 марти соли 2024 вохурии сохторҳои дахлдори мақомоти иҷроияи ҳокимияти давлатии ноҳияи Рӯдакӣ дар самти рушди иҷтимоӣ ва робита бо ҷомеа бо сокинони ҷамоатҳои шаҳраку деҳоти ноҳия бахшида ба эълон гардидани соли 2024 ҳамчун «Соли маърифати ҳуқуқӣ» дар маҳаллаҳои Истиқлол–1, Истиқлол-2, Истиқлол-3, Истиқлол-4 ва Истиқлол-5-и ҷамоати шаҳраки М.Турсунзода бо иштироки раиси ҷамоати шаҳраки М.Турсунзода Алиев Аъзам, иҷрокунандаи вазифаи сардори Раёсати агентии меҳнат ва шуѓли аҳолии ноҳия Шарапова Ш., сармутахасисси бахш оид ба корҳои дин, танзими анъана ва ҷашну маросимҳои миллӣ Нуров П., корманди шуъбаи амнияти ноҳия Азизода Илҳом ва муовини комиссариати ҳарбии ноҳия Муминзода Ҳасан оид ба амалисозӣ ва тавзеҳоти нуқтаҳои асосӣ аз Паёми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ба дарки мардум расонидани моҳияти терроризму экстремизм, бахусус хусусияти динидошта, амалисозии Қонуни Ҷумҳурии Тоҷикистон дар бораи «Озодии виҷдон ва иттиҳодияҳои динӣ», Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон», моҳияти терроризму экстремизм, зарурияти ҳифзи Ватан бо назардошти хатарҳои мавҷуда ва ба шуѓли пурмаҳсул фаро гирифтани аҳолӣ дар заминаи имконият ва имтиёзҳо барои рушди корҳои хонагӣ ва ҳунарҳои мардумӣ суханрони намуданд.
Дар рафти вохури аз ҷониби намояндагон ба саволҳои додашудаи сокинон посухҳои мушаххас дода шуд.
Подкатегории
Саҳифаи 7 аз 64
1USD
1EUR
1RUB