14 июли соли 2022 дар толори маҷлисгоҳи Мақомоти иҷроияи ҳокимияти давлатии ноҳияи Рӯдакӣ таҳти раёсати раиси Маҷлис Азизулло Исматзода,  Иҷлосияи XIV (ғайринавбатии) Маҷлиси вакилони халқи ноҳияи Рӯдакӣ, даъвати шашум баргузор гардид, ки дар он роҳбарияти ноҳия, вакилони халқ, раисони Ҷамоатҳои шаҳраку деҳот ва роҳбарони дигар идораҳои ноҳия ширкат доштанд.
             Дар Иҷлосияи ғайринавбатӣ ду масъала аз ҷониби вакилон мавриди муҳокима қарор дода шуд:
         - Пешбарии номзад ба узви Маҷлиси миллии Маҷлиси Олии Ҷумҳурии Тоҷикистон бар ивази узви хориҷшуда дар ҳавзаи интихоботии бисёрмандатӣ аз шаҳру ноҳияҳои тобеи ҷумҳурӣ, №5;
          - Тасдиқи рӯйхати вакилони интихобкунандаи узви Маҷлиси миллии Маҷлиси Олии Ҷумҳурии Тоҷикистон бар ивази узви хориҷшуда дар ҳавзаи интихоботии бисёрмандатӣ аз шаҳру ноҳияҳои тобеи ҷумҳурӣ, №5.
          Тибқи масъалаҳои рӯзномаи Иҷлосия номзадии раиси ноҳия Азизулло Исматзода  ба узви Маҷлиси миллии Маҷлиси Олии Ҷумҳурии Тоҷикистон ба ивази узви хориҷшуда бо тариқи овоздиҳии пинҳонӣ аз ҷониби вакилон якдилона пешбарӣ карда шуда, зимнан, рӯйхати вакилони интихобкунанда тасдиқ карда шуд.
        Дар маҷмӯъ, аз рӯйи ҳамаи масъалаҳои баррасишуда 5 қарори дахлдори Маҷлиси вакилони халқ қабул карда шуд.
 
 
 
 
 
 
 
 
             30 июни соли 2022 дар толори Мақомоти иҷроияи ҳокимияти давлатии ноҳияи Рӯдакӣ таҳти раёсати раиси ноҳия Исматзода А.У. Иҷлосияи сенздаҳуми Маҷлиси вакилони халқи ноҳияи Рӯдакӣ, даъвати шашум баргузор гардид, ки дар кори он роҳбарияти ноҳия, вакилони халқӣ, роҳбарони идораву сохторҳои ҳудуди ноҳия, раисони Ҷамоатҳои шаҳраку деҳот ва дигар шахсони масъул иштирок доштанд.
              Пас аз интихоби котибот рӯзномаи Иҷлосияи навбатӣ аз рӯйи шаш масъала тасдиқ карда шуд.
      Мувофиқи масъалаи якуми рӯзномаи Иҷлосия ахбороти раиси Комиссияи ноҳиявии интихобот оид ба интихоботи вакилон ба Маҷлиси вакилони халқи ноҳияи Рӯдакӣ Пирзода А.А. дар бораи ворид намудани тағйирот ба ҳайати Комиссияҳои доимии Маҷлиси вакилони халқи ноҳия шунида шуд. Тибқи он ба ҳайати Комиссияи доимии Маҷлиси вакилони халқи ноҳия оид ба тандурустӣ, маориф, ҳифзи иҷтимоии аҳолӣ, фарҳанг, варзиш, кор бо занону ҷавонон ва муносибатҳои миллӣ ва Комиссияи доимии Маҷлиси вакилони халқи ноҳия оид ба соҳаи кишоварзӣ ва ҳифзи муҳити зист тағйирот ворид гардида, собиқ вакилони ноҳия Ширинзода Н.А. ва Бобохонов Н.Ш. бинобар сабаби пеш аз муҳлат қатъ гардидани ваколаташон аз ҳайати Комиссияҳои болозикр хориҷ ва вакилони навинтихобшуда Одилов Т.Ҳ. ва Исмоилов К.С. мутаносибан ба аъзогии Комиссияҳои доимии зикршуда шомил карда шуданд.
        Тибқи масъалаи дуюми рӯзномаи Иҷлосия масъалаи ҷараёни татбиқи Қонунҳои Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон” ва “Дар бораи озодии виҷдон ва иттиҳодияҳои динӣ” мавриди баррасӣ қарор гирифта, дар робита ба он, ҳисоботи муовини раиси ноҳия Бобошоҳзода М. шунида шуд.
          Зимни баррасии масъалаи сеюми рӯзномаи Иҷлосия вакили халқӣ Ибрагимова Г. ҳисоботи Комиссияи доимии Маҷлиси вакилони халқи ноҳия оид ба тандурустӣ, маориф, ҳифзи иҷтимоии аҳолӣ, фарҳанг, варзиш, кор бо занону ҷавонон ва муносибати байни миллатҳоро доир ба фаъолияти Комиссия дар давраи ҳисоботӣ ба вакилон пешниҳод намуд.
       Тибқи масъалаи чоруми рӯзномаи Иҷлосия вакилон қарори дахлдорро дар бораи ворид намудани тағйирот ба нақшаи қисми даромади буҷети маҳаллӣ дар нимсолаи якуми соли 2022 қабул намуданд.
         Вобаста ба масъалаҳои панҷум ва шашуми рӯзномаи Иҷлосия масъалаҳои тағйироти кадрӣ ва тасдиқи як қатор қарорҳои раиси ноҳияи Рӯдакӣ, ки дар давраи байни Иҷлосияҳои дувоздаҳум ва сенздаҳуми Маҷлиси вакилони халқи ноҳияи Рӯдакӣ қабул гардидаанд, мавриди баррасии вакилони халқ қарор дода шуданд.
Дар маҷмӯъ, дар Иҷлосияи сенздаҳум аз рӯйи ҳамаи масъалаҳои баррасишуда вакилон 8 қарори дахлдорро қабул намуданд.
          Кори Иҷлосияи навбатӣ бо садо додани Суруди миллии Ҷумҳурии Тоҷикистон ба поён расид.
 
 
 
 
 
 
 
 

     Мутобиқи   нақша   санаи  31 –уми  марти соли 2022,  иҷлосияи  дувоздаҳуми  Маҷлиси  вакилони  халқи  ноҳияи  Рӯдакӣ  (даъвати  шашум) дар  толори маҷлисгоҳи мақомоти иҷроияи ҳокимияти давлатии  ноҳия  баргузор  гардид.

         Тибқи масъалаи якуми рӯзнома ахбороти раиси Комиссияи ноҳиявии интихобот оид ба интихоботи вакилон ба Маҷлиси вакилони халқи ноҳияи Рӯдакӣ Пирзода А.А. аз натиҷаи интихоботи нав дар ҳавзаҳои интихоботии "Деҳотӣ" №1, "Султонобод" №6, "Ҷомӣ" №26 ва эътирофи ваколати вакилони навинтихобшуда шунида шуд. Пас аз қабули қарори дахлдор оид ба масъалаи мазкур вакилони навинтихобшуда Исмоилов К.С., Одилов Т.А. ва Ҷалилов П.Б. савганди вакилӣ ёд карданд.
         Мувофиқи масъалаи дуюм ба ҳайати Комиссияи доимии Маҷлис оид ба соҳаи кишоварзӣ ва ҳифзи муҳити зист тағйирот ворид гардида, тибқи он вакил Ғуломзода Ғ.А. раиси Комиссияи мазкур интихоб гардид.
         Ҳангоми баррасии масъалаи сеюм ҳисоботи раиси Кумитаи иҷроияи ҲХДТ дар ноҳияи Рӯдакӣ Юсупов Ҳ.Ф. дар бораи ҷараёни татбиқи дастуру супоришҳое, ки аз Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии мамлакат аз 21 декабри соли 2021 бармеоянд, шунида шуд.
         Сипас доир ба фаъолияти Комиссияи доимии Маҷлиси вакилони халқи ноҳияи Рӯдакӣ оид ба соҳаи кишоварзӣ ва ҳифзи муҳити зист дар давраи ҳисоботӣ раиси Комиссияи мазкур Ғуломзода Ғ.А. ҳисобот пешниҳод намуд.
     Дар музокироти ин масъала вакил аз ҳавзаи "Истиқлол" №4 М.Ҳамидзод вобаста ба масоили азхудкунии заминҳои нав аз ҳисоби таллу теппаҳои бекорхобида, ба гардиши кишоварзӣ даровардани ҳамаи заминҳои кишоварзӣ, назорати хоҷагиҳои деҳқонӣ, кам кардани воридоти маҳсулот ва зиёд намудани истеҳсолот, бештар кишт кардани гандум ва маҳсулоти ниёзи аввал, пурзӯр намудани назорат дар самти муътадил нигоҳ доштани нарх дар бозор ва пешгирӣ намудани қонуншиканиҳо дар ин самт таклифҳои вакилӣ пешниҳод намуд.
       Зимни баррасии масъалаи панҷуми рӯзнома марзи маъмурӣ ва аҳолии ноҳияи Рӯдакӣ ба ҳолати 1 январи соли 2022, ки мутаносибан майдони умумии 173528 га ва 393483 нафарро ташкил медиҳанд, тасдиқ гардиданд.
      Ҳангоми баррасӣ кардани масъалаҳои дигари рӯзномаи Иҷлосия ба Қарори Маҷлиси вакилони халқи ноҳияи Рӯдакӣ аз 28 декабри соли 2021, №84 тағйирот ворид карда шуда, инчунин масоили тағйироти кадрӣ ва тасдиқи як қатор қарорҳои раиси ноҳияи Рӯдакӣ аз ҷониби вакилони халқ мавриди баррасӣ қарор гирифтанд.
    Дар маҷмӯъ, дар Иҷлосияи навбатӣ аз рӯйи ҳамаи масъалаҳои баррасишуда 10 қарори дахлдори Маҷлиси вакилони халқи ноҳияи Рӯдакӣ қабул гардиданд.

        Дар идома иҷлосияи дувоздаҳуми Маҷлиси вакилони халқи ноҳияи Рӯдакӣ даъвати шашум баъди масъалаҳои ҷорӣ ва кадрӣ, раиси Маҷлиси вакилони халқи ноҳияи Рӯдакӣ Азизулло Исматзода аз масъулин даъват ба амал овард, ки дар иҷрои  вазифаҳои ба зиммадошта масъулиятшинос буда, баҳри беҳбудии рӯзгори мардум саъю талоши бештар дошта бошанд.

      Дар анҷоми иҷлосия оид ба масъалаҳои дар рӯзномаи маҷлис нишондодашуда қарорҳои дахлдор қабул карда шуд.