Вазъи  ҷаҳони  имрӯза,  зуҳуроти  номатлуби  ифротгароӣ,  терроризму  экстремизми динӣ,  гаравиши  афроди  сабукмағз,  хусусан шомили иддае аз ҷавонон ба ин гурӯҳҳо боиси нигаронии ҳар фарди соҳибхирад гардида, баҳри бартарафсозии он  ақлҳои  солимро  ба  ҳам овардан мебояд, то дар ҳамдастӣ садди роҳи он шаванду решааш ба тамом канда гардад.

          Боиси афсӯсу надомат аст, ки дар кишвари мо низ  бархе  аз  ҳамватанон,  бештар  ҷавонон ба ҳаракатҳои ифротгаро, ки дар кишварҳои хориҷ  бо  номҳои  гуногун  ташкил  ёфта,  аз тарафи  фондҳо  ва  ташкилотҳои  тундгарои байналмилалӣ  ва  кишварҳои  ҷудоиандозу манфиатҷӯ  маблағгузорӣ  мегарданд,  шомил гардида, ободию озодӣ ва сулҳу осоиштагии Ватану  миллатро  зери  хатар  мемонанд. Дар  ин  муборизаи  шадиди идеологӣ  нерӯҳои  гуногун  динро ҳамчун  аслиҳаи асосӣ  истифода  мебаранд  ва  ба  воситаи  дини муқаддаси  ислом  ғаразҳои  худро амалӣ  менамоянд.  Имрӯзҳо мебинем, ки қисми зиёди аҳолии мусулмони Осиёи Марказӣ, Ховари Миёна ва нимҷазираи Араб зери фишори  ифротгароён  бо  сӯйистифода аз    дини  мубини Ислом  миёни  ду  фирқаи  машҳури  ислом ҷудоиандозӣ  менамоянд.  Мисол: Имрӯзҳо  агар  Ироқу  Сурияро  дар мадди  назар  гирем,  душманон  бо истифодаи ин дин мақсадҳои нопоки худро амалӣ намуда истодаанд.

       Ҳоло  дар  Тоҷикистон ташкилотҳои  ғайридавлатии радикалӣ ва ифротгарои фаъолияташон манъкардашуда, ба монанди ТЭТ ҲНИТ, Ҳизб-ут-таҳрир,  Ҳаракати  исломии  Узбекистон,  Ҷамоати  таблиғ, Салафия фаъолияти пинҳонӣ  доранд.  Тарафдорони  онҳо  бархе  аз ҷавонони  аз  17  то  30-сола  буда, онҳо дар таблиғи назари дурӯғини худ дар байни аҳолии кишвар, махсусан  ҷавонон  фаъол  мебошанд, ки  мақсади асосии онҳо эҷоди мухолифат дар байни ҷомеа ва аз байн бурдани  ваҳдати  мусулмонон  аст.

        Созмонҳои  мазкур  аз  ҳисоби  арбобони хориҷиашон маблағгузорӣ мешаванд.  Онҳо  байни  ҷавонон маводҳои  таблиғотӣ,  фитаҳои видео  ва  аудио,  варақаҳои экстримистӣ ва адабиёти динӣ паҳн менамоянд.  Бо  тариқи  шабакаҳои телевизионии  гумроҳкунанда,  аз қабили  «Калима»,   «Нур»,  «Висоли ҳақ», ки ягонтоаш ба мазҳаби аҳли суннат рабте надоранд, ҷавононро бероҳа  мекунанд. Инчунин сомонаҳои интернетиро низ ба ин мақсад истифода мебаранд. Мақсади  асосии онҳо ҷавононро аз илму маърифат ва волидону ҷигарбандон дур кардан буда, онҳоро ба кишварҳои дигар  фиристода,  ба  қатли  мардуми бегуноҳ равона месозанд.

         Ифротгароӣ зуҳуроти хатарнок аст ва Пешвои муаззами мо, муҳтарам  Эмомалӣ Раҳмон  қайд  менамоянд:  «Барои бартараф  намудани  андешаю гумонҳои  нораво,  бо  зуҳуроти тундравӣ,  ифротгароӣ  бояд  дар ҳамбастагии  зич  мубориза  барем, чунки  ин  гуна  нерӯҳо  аз  номи  ислом  амал  намуда,  номи  поки  исломро доғдор менамоянд».

               Дар ҷои дигар:

           «Таҷрибаи кишварҳое, ки дар онҳо ҳизбҳои динӣ бо номҳои гуногун амал мекунанд, исбот кардааст, ки ҳеҷ пешравие дар он мамолик ба «шарофати» ҷунбишҳо ва ҳизбҳои дорои идеололгияи динӣ ба вуҷуд наомадааст. Баракс, миёни худи ин иттиҳодияҳои сиёсию динӣ гоҳо хушунату тазод барои ба даст овардани ҳокимияти сиёсӣ ба авҷи аъло расида, дар маҷмӯъ монеаи рушди бомароми он давлатҳо гардидааст».

              Мо-халқи Тоҷикистон бояд ҳамеша кӯшиши онро дошта  бошем,  ки  ҳар  зараи  хок ва  ҳар  қатраи  оби  Ватанро  чун гавҳараки чашм эҳтиёт намоем ва барои саодати зиндагии аҳли ҷомеъа ва оилаи худ ҳиссагузор бошем. Инчунин, ба василаи кори  хайру  савоб  саҳми худро дар пешрафту шукуфоии диёри арҷманд гузорем.

       Муроди Масъул

    Дар ноҳия ҷиҳати дар амал татбиқ намудани Қонунҳои Ҷумҳурии Тоҷикистон «Дар бораи ҷавонон ва сиёсати давлатии ҷавонон», «Тарбияи ҷисмонӣ ва варзиш», «Барномаи миллии рушди иљтимоии ҷавонон дар Ҷумҳурии Тоҷикистон» «Барномаи маҷмӯи рушди тарбияи ҷисмонӣ ва варзиш», «Барномаи рушди футбол»-ро таҳия намуда, бо дастгирии Мақомоти иҷроияи ҳокимияти давлатии ноҳия марҳила ба марҳила амалҷ намуд.
Дар доираи нақшаи чорабиниҳои «Барномаи миллии рушди иҷтимоии ҷавонон дар Ҷумҳурии Тоҷикистон барои солҳои 2016-2018»дар ноҳияи Рӯдакӣ соли ҷорӣ беш аз 119 чорабиниҳои сатҳи ноҳиявӣ баргузор гардида, ба он бевосита зиёда аз 80 ҳазору 250 нафар наврасону ҷавонон фаро гирифта шуд, ки ба воситаи онҳо ба ҳамсолонашон таъсири сиёсати давлатии ҷавонон расонида шудааст.
Ҷиҳати амали намудани «Барномаи миллии рушди иҷтимоии ҷавонон дар Ҷумҳурии Тоҷикистон барои солҳои 2016-2018» ва эълон гардидани соли 2018 ҳамчун соли Рушди сайёҳӣ ва ҳунарҳои мардумӣ дар назди Бахши кор бо ҷавонон ва варзиши ноҳия курсҳои кутоҳмуддати омӯзишии забони англисӣ ва омӯзиши ҳунарҳои милли ташкил карда шуда, зиёда аз 35 нафар ҷавонон ба омӯзиш фаро гирифта шуданд.