Бо мақсади таъмини иҷрои Амри Президенти Ҷумҳурии Тоҷикистон аз санаи 3 феврали соли 2022, №АП-154, дарёфти истеъдодҳои нав дар соҳаи санъати мусиқӣ, баланд бардоштани маҳорати касбӣ, тақвият бахшидан ба касбияти баланди ҳунари иҷрокунандагӣ, сатҳи касбии асарҳои нави мусиқӣ, интихоби намунаҳои беҳтарини оҳангу суруд, сурудҳои тараннумгари шахсиятҳои барҷастаи халқи тоҷик, дастовардҳои даврони Истиқлолияти давлатӣ, арҷ гузоштан ба анъанаҳои милливу мероси пурғановати ниёгон санаи 23 июни майи 2022 дар қасри фарҳанги ба номи Кароматуллоҳ Қурбон даври ноҳиявии озмуни ҷумҳуриявии “Тоҷикистон – Ватани азизи ман” аз рӯи се номинатсия: композиторӣ, сарояндагӣ ва навозандагӣ баргузор гардид.

      Дар он 192 довталабон ширкат варзиданд. Аз миёни онҳо Қобилов Назриддин, Лутфуллоев Зубайдулло, Оҷилдизода Айёмиддин, Исломова Мунаввара ва дигарон  холҳои баландро соҳиб гашта, ба даври минтақавӣ роҳхат гирифтанд.

        Дар охири озмун муовини раиси ноҳия Бобошоҳзода Муҳаммадшариф иштирок варзида, ба ғолибон диплому мукофотҳоро ҳадя намуда, ба онҳо дар даврҳои минбаъда мувафақиятҳо орзу намуд.

  

  

  

      

   

 

       23 май бахшида ба Рӯзи ҷавонони Тоҷикистон дар толори Мақомоти иҷроияи ҳокимияти давлатии ноҳия бо фаъолҷавонон вохӯрӣ баргузор гардид. Дар вохӯрӣ раиси ноҳия Азизулло Исматзода, муовини аввал ва муовинони раиси ноҳия, роҳбари дастгоҳи раиси ноҳия, гирандагони стипендияи Президентӣ ва стипендияи раиси ноҳия, ҷавононе, ки тибқи квотаи Президентӣ дар макотиби олии кишвар таҳсил мекунанд, намояндагони иттиҳодияҳои ҷавонону наврасон ва созмонҳои талабагӣ, ғолибон ва иштирокчиёни озмунҳои ҷумҳуриявии "Фурӯғи субҳи доноӣ китоб аст", "Тоҷикистон-Ватани азизи ман", ва "Илм фурӯғи маърифат", аъзоёни маҳфилҳои адабию фаннӣ, ҳаваскорони санъат, ҷавонони роҳбар, сарварони ташкилотҳои ҷавонони ҷамоатҳои шаҳраку деҳот, ташкилоту идораҳо ва масъулони соҳаи кор бо ҷавонон иштирок намуданд.
 
      Дар идомаи чорабинӣ бахшида ба Рӯзи ҷавонони Тоҷикистон собиқадорони соҳаи кор бо ҷавонон ва як қатор фаъолҷавонони ноҳия аз тарафи раиси ноҳия бо Ифтихорнома ва тӯҳфаҳои хотиравӣ қадрдонӣ гардиданд. Инчунин варзишгарони маъруфи ноҳия Темур Раҳимов ва Анӯшервон Фозилов бо Ифтихорнома ва тӯҳфаи молӣ дар ҳаҷми 5000 сомонӣ қадр карда шуданд.