- Диданд: 134
Дар асоси нақшаи чорабиниҳои Бахши кор бо ҷавонон ва варзиши ноҳияи Рӯдакӣ санаи 18-уми апрели соли ҷорӣ дар Қасри фарҳанг ҳамоиши ҷавонони фаъоли ноҳия баргузор гардид.
Дар ҳамоиш раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода ва раиси ноҳияи Рӯдакӣ Абдуғаффор Ҳикматуллозода иштирок ва суханронӣ карданд.
Дар оғози ҳамоиш раиси ноҳияи Рӯдакӣ Абдуғаффор Ҳикматуллозода баромад намуда, меҳмононро хайрамақдам гуфт ва аз дастгириҳои рӯзафзуни давлат ва Ҳукумати кишвар нисбат ба ҷавонон ёдоварӣ кард. Зикр шуд, ки маҳз бовариву эътимод ва сиёсати ҷавонпарваронаи Пешвои миллат аст, ки дар самти дастгирӣ ва ҳавасмандгардонии ҷавонону наврасони фаъоли кишвар пайваста иқдомҳои нав роҳандозӣ карда мешавад.
Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатии хеш ба Маҷлиси Олии мамлакат «Дар бораи самтҳои асосии сиёсати дохилӣ ва хориҷии ҷумҳурӣ» иброз намуданд, ки: “Ғамхорӣ нисбат ба ҷавонон, ҳалли мушкилоти онҳо ва истифодаи дурусти ин захираи стратегии миллӣ барои пешрафту ободии Ватан ва таъмини амнияту суботи ҷомеа яке аз афзалиятҳои асосии Ҳукумати мамлакат ба шумор меравад, зеро шумораи бештари аҳолии Тоҷикистонро ҷавонон ташкил медиҳанд”. Дар радифи ин таъкиди Сарвари давлат соли ҷорӣ аз ҷониби Мақомоти иҷроияи ҳокимияти давлатии ноҳияи Рӯдакӣ ҷиҳати боз ҳам бештар намудани дастгирии ҷавонони фаъол як қатор ташаббусҳо амалӣ карда шуданд. Аз ҷумла, теъдоди гирандагони Стипендияи президентӣ ва Стипендияи раиси ноҳия зиёд карда шуданд. Чунин ташаббусу иқдомҳо минбаъд низ идома хоҳанд ёфт.
Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода дар суханронии хеш ҷавонони ноҳияи Рӯдакиро ба омӯзиши илму ҳунар, донишу маърифат, аз худ намудани забонҳои хориҷӣ ва пайравӣ аз сиёсати хирадмандона ва созандаи Пешвои муаззами миллат муҳтарам Эмомалӣ Раҳмон даъват кард. Қайд шуд, ки ҷавонон насли ояндасози давлату миллат мебошанд ва ин қишри таъсиргузори ҷомеа дар раванди ташаккули давлату миллат нақши муҳим мегузоранд.
Сипас, дар маросими тантанавии ҷоизасупорӣ ба беҳтарин ҷавонони соҳаҳои гуногуни ноҳия ва туҳфаҳои арзишманди раиси ноҳия супорида шуд. Сипоснома ва туҳфаҳоро ба беҳтаринҳо Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода, раиси ноҳияи Рӯдакӣ Абдуғаффор Ҳикматуллозода ва сардори ШВКД-1 дар ноҳияи Рӯдакӣ генерал-майори милитсия Қудратулло Назарзода тақдим намуданд.
- Диданд: 134
БАРНОМАИ ФАРҲАНГИИ "ШОМИ ДӮСТӢ"
Дар доираи чорабиниҳои Фестивали дӯстии ҷавонони ҷумҳурӣ таҳти унвони "Дӯст ояд, гарм дар оғӯш гир", ки имрӯзҳо дар ноҳияи Рӯдакӣ давом дорад, шоми 3-юми апрел дар майдони назди муҷассамаи устод Абуабдуллоҳи Рӯдакӣ барномаи рангини фарҳангӣ зери номи "Шоми дӯстӣ" доир гардид.
Дар чорабинии фарҳангӣ раиси ноҳияи Рӯдакӣ Абдуғаффор Ҳикматуллозода, муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Сураҷ Чоршанбезода иштирок ва суханронӣ намуданд.
Инчунин, дар чорабинии фарҳангӣ роҳбарият ва кормандони шуъбаву бахшҳои мақомоти иҷроияи ҳокимияти давлатии ноҳия, роҳбарони сохторҳои қудратӣ, намояндагони ташкилоту идораҳо ва сокинону фаъолони ноҳия ширкат варзиданд.
Дар рафти барномаи фарҳангӣ барои болидаруҳии иштирокчиёни Фестивал аз ҷониби ҳунармандони бахши фарҳанги ноҳия ва санъаткорони мумтозу номдор суруду таронаҳои ватандӯстона ва тараннумкунандаи сулҳу ваҳдату дӯстӣ дар сатҳи баланд иҷро гардид.
Дар хотимаи барномаи фарҳангӣ раиси ноҳия Абдуғаффор Ҳикматуллозода иштирокчиёни Фестивали дӯстии ҷавонони ҷумҳуриро бо туҳфаҳои хотиравӣ қадрдонӣ намуд.
- Диданд: 129
30-юми марти 2024 дар Қасри фарҳанги ноҳияи Рӯдакӣ зимни ҳамоиши тантанавӣ маросими қадрдонии варзишгарони фаъоли ноҳия ва устодону мураббиёни онҳо баргузор шуд.
Дар ҳамоиш раиси ноҳияи Рӯдакӣ Абдуғаффор Ҳикматуллозода, муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Парвиз Собирзода ва вакили Маҷлиси намояндагони Маҷлиси Олии Ҷумҳурии Тоҷикистон Муҳамадраҳим Юсуфӣ, инчунин, варзишгарони фаъол, устодон ва волидони онҳо ширкат варзиданд.
Дар суханронии хеш раиси ноҳия Абдуғаффор Ҳикматуллозода зикр намуд, ки бо дастгирӣ ва роҳнамоиҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соҳаи варзиш ва тарбияи ҷисмонӣ дар кишвар сол то сол рушд намудаистодааст. Хурсандиовараст, ки варзишгарони ноҳияи Рӯдакӣ дар мусобиқаҳои сатҳи ҷумҳуриявӣ, минтақавӣ ва байналмилалӣ фаъолона ширкатварзида, бомаҳорату малакаи хеш номи кишвар ва ноҳияро баланд мебардоранд.
Муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Парвиз Собирзода зимни суханронии хеш аз дастгириҳои давлат ва Ҳукумати кишвар нисбат ба ҷавонон ёдоварӣ намуда, ба варзишгарони ноҳия муваффақияту комёбӣ таманно кард.
Сипас, дар вазъияти тантанавӣ ба варзишгарони фаъол ва устодони онҳо аз ҷониби раиси ноҳия Сипоснома ва туҳфаҳои хотиравии Мақомотии ҷроияи ҳокимияти давлатии ноҳияи Рӯдакӣ тақдим гардид.
Дар хотимаи ҳамоиш баҳри болидаруҳии иштирокчиён аз ҷониби бахши фарҳанги ноҳия барномаи рангини консертӣ пешкаш шуд.
Саҳифаи 2 аз 9
1USD
1EUR
1RUB