- Диданд: 19
РОҲПАЙМОИИ ТАНТАНАВӢ ВА БАРНОМАИ БОШУКӮҲИ ФАРҲАНГӢ БА МУНОСИБАТИ ҶАШНИ ИСТИҚЛОЛ
Ҷашни Истиқлоли давлатӣ ҳамчун санаи таърихӣ ва муқаддаси расидан ба мустақилияти миллӣ дар миёни дигар иду ҷашнҳои милливу давлатӣ мақоми махсус дошта, ҳамасола дар сатҳи гуногун бо шукӯҳу шаҳомати хосса таҷлил мешавад. Имсол мардуми сарбаланди ноҳияи Рӯдакӣ бо шукргузорӣ аз фазои сулҳу субот ва
ваҳдату осоиштагӣ 33-солагии Истиқлоли давлатиро дар сатҳи баланд истиқбол гирифтанд.
Чорабинии асосии ҷашнӣ - роҳпаймоӣ ва барномаи бошукӯҳи фарҳангӣ дар ноҳияи Рӯдакӣ бахшида ба 33-солагии Истиқлоли давлатӣ рӯзи 9-уми сентябр дар маркази ноҳия – шаҳраки Сомониён доир шуд.
Субҳи барвақт роҳбарону намояндагони ташкилоту муассисаҳо, сохторҳои Мақомоти иҷроияи ҳокимияти давлатии ноҳия, таълимгирандагони муассисаҳои таълимӣ ва намояндагони ҷамоатҳои шаҳраку деҳот барои иштирок дар роҳпаймоӣ ба муносибати ҷашни Истиқлоли давлатӣ дар майдони назди Парчами давлатӣ ҷамъ омаданд.
Роҳпаймоӣ аз майдони назди Парчами давлатӣ оғоз шуда, то майдони назди муҷассамаи устод Абуабдуллоҳ Рӯдакӣ идома кард. Дар роҳпаймоӣ иштирокчиён бо шиору овезаҳо дастовардҳои замони соҳибистиқлолӣ, роҳи расидан ба сулҳу ваҳдати миллӣ, масири душвори амалисозии ҳалафҳои стратегии кишвар, иқдому ташаббусҳои ҷаҳонии Пешвои муаззами миллат муҳтарам Эмомалӣ Раҳмон, инчунин, дигар дастовардҳои соҳаи илму маориф, фарҳанг, варзиш ва сайёҳии кишварро инъикос намуданд.
Иштирокчиёни роҳпаймоӣ пас аз гузашти тантанавӣ дар майдони назди муҷассамаи устод Абуабдуллоҳ Рӯдакӣ баҳри тамошои барномаи фарҳангӣ ҷамъ омаданд.
Дар чорабинии фарҳангӣ раиси ноҳияи Рӯдакӣ Абдуғаффор Ҳикматуллозода, намояндаи Ҳукумати Ҷумҳурии Тоҷикистон дар ноҳияи Рӯдакӣ – муовини раиси Кумитаи давлатии идораи замин ва геодезии Ҷумҳурии Тоҷикистон Мирзовалӣ Сафармуҳаммадзода, муовини вазири маориф ва илми Ҷумҳурии Тоҷикистон Равшан Каримзода, вакили Маҷлиси намояндагони Маҷлиси Олии Ҷумҳурии Тоҷикистон Муҳаммадраҳим Юсуфӣ, инчунин, роҳбарони мақомоти суд, прокуратура, ҳифзи ҳуқуқу тартибот, мудирони шуъбаву бахшҳои мақомоти иҷроия, раисони ҷамоатҳои шаҳраку деҳот, директорони муассисаҳои таълимӣ ва сокинону фаъолони ноҳия ширкат варзиданд.
Дар оғози чорабинӣ раиси ноҳияи Рӯдакӣ Абдуғаффор Ҳикматуллозода бо сухани табрикӣ баромад намуда, меҳмонон, ҳозирин ва ширкаткунандагони роҳпаймоии тантанавиро ба муносибати 33-солагии Истиқлоли давлатӣ шодбош гуфт. Қайд гардид, ки имрӯз ҳар як фарди Тоҷикистон ба хубӣ дарк менамояд, ки Истиқлол муқаддастарин неъмат, рукни асосии давлати озоду обод, рамзи шарафу номуси ватандорӣ, кафолати хонаободиву саодатмандӣ, сарбаландиву осоиштагӣ ва неруи тавонбахши ҳаёт мебошад. Даврони соҳибистиқлолӣ барои миллати тоҷик имкони воқеӣ фароҳам овард, ки роҳи имрӯзу ояндаи хеш ва пешрафти минбаъдаи кишвари азизро ба сӯйи ҷомеаи демократӣ, ҳуқуқбунёд ва дунявӣ интихоб намояд. Самараи неки Истиқлол аст, ки имрӯз Тоҷикистон дар дунё чун давлати сулҳхоҳу сулҳпарвар шинохта шудааст. Таҷрибаи сулҳи тоҷикон манбаи омӯзиши сулҳхоҳони ҷаҳон гардид, ки боиси ифтихори ҳар як тоҷику тоҷикистонӣ мебошад.
Дар идома, намояндаи Ҳукумати Ҷумҳурии Тоҷикистон дар ноҳияи Рӯдакӣ – муовини раиси Кумитаи давлатии идораи замин ва геодезии Ҷумҳурии Тоҷикистон Мирзовалӣ Сафармуҳаммадзода низ баромад намуда, мардуми ноҳияи Рӯдакиро аз номи Ҳукумати Ҷумҳурии Тоҷикистон ба муносибати ҷашни муқаддасу миллӣ табрик кард. Гуфта шуд, ки волотарин неъмат барои ҳар як халқу миллат соҳибистиқлолӣ ва мустақилияти сиёсӣ ба ҳисоб меравад. Маҳз бо шарофати Истиқлоли давлатӣ аст, ки давлат рушд намуда, дар арсаи ҷаҳонӣ мақоми хосса пайдо месозад. Ҷумҳурии Тоҷикистон дар замони соҳибихтиёрӣ ба дастовардҳои бузургу назаррас ноил гардида, дар арсаи ҷаҳонӣ шинохта шуд, ки мо бояд аз ин шукргузор бошем.
Пас аз суханони табрикӣ қисмати фарҳангии чорабинӣ шуруъ шуд. Дар қисмати фарҳангӣ ҳунармандон, навозандагону сарояндагони маъруфи ноҳия ва кормандони бахши фарҳанг бо барномаи ҷолибу рангини фарҳангӣ хотири инштирокчиёнро шод намуданд. Суруду таронаҳои ватандӯстона ва тараннумгари истиқлолу озодӣ ва сулҳу ваҳдат бар ҷашн шукӯҳу шаҳомат бахшид.
- Диданд: 54
Рӯзи 10-уми июли соли ҷорӣ дар толори Мақомоти иҷроияи ҳокимияти давлатии ноҳияи Рӯдакӣ бо иштироки раиси ноҳия Абдуғаффор Ҳикматуллозода ва раиси Кумитаи давлатии идораи замин ва геодезии Ҷумҳурии Тоҷикистон - намояндаи Ҳукумати Ҷумҳурии Тоҷикистон дар ноҳияи Рӯдакӣ Ориф Хоҷазода Маҷлиси ҷамъбастии натиҷаҳои рушди иҷтимоиву иқтисодии ноҳияи Рӯдакӣ дар нимсолаи аввали соли 2024 ва вазифаҳо барои нимсолаи дуюм, баргузор гашт.
Дар ҷаласа муовинони раиси ноҳия, роҳбари дастгоҳи раиси ноҳия, мудирони бахшу шуъбаҳои мақомоти иҷроияи ҳокимияти давлатии ноҳия, роҳбарони мақомоти суд, прокуратура, ҳифзи ҳуқуқу тартибот, роҳбарони соҳаҳои маориф, тандурустӣ, фарҳанг, роҳбароин ташкилоту идораҳо, раисони ҷамоатҳои шаҳраку деҳот ва дигар фаъолони ҷомеа ширкат варзиданд.
Маҷлиси ҳисоботӣ бо суханронии раиси ноҳия Абдуғаффор Ҳикматуллозода оғоз шуд. Раиси ноҳия зимни суханронӣ аз дастовардҳо ва мушкилиҳои ҷойдошта дар давраи ҳисоботӣ гузориш пешниҳод намуд. Қайд гардид, ки дар нимсолаи аввали соли ҷорӣ дар ноҳия ҷиҳати таъмини ҳадафҳои Нақша-чорабиниҳои Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон аз 28 декабри соли 2023 ва нақшаҳои бузурги бунёдкорӣ, созандагӣ, иқтисодӣ, иҷтимоӣ ва фарҳангӣ чораҳои мушаххас андешида шуда, муътадилгардонии вазъи молиявию иқтисодӣ ва афзоиши воқеии нишондиҳандаҳо таъмин гардид.
Аз ҷумла, иҷроиши буҷети ноҳия аз рӯйи контигент дар шаш моҳи соли 2024 128 млн 438 ҳазор сомонӣ ё ин ки 109 фоиз иҷро гардида, нисбати нақша 10 млн 688 ҳазор сомонӣ ва нисбати ҳамин давраи соли гузашта 22 млн 457 ҳазор сомонӣ зиёд мебошад. Нақшаи қисми даромади буҷети маҳаллӣ дар ин давра ба маблағи 112 млн 166 ҳазор сомонӣ иҷро гардида, 111 фоизи нақшаро дар бар мегирад, ки аз нақшаи пешбинигардида 10 млн 666 ҳазор сомонӣ ва нисбати ҳамин давраи соли гузашта 19 млн 120 ҳазор сомонӣ зиёд мебошад.
Қайд гардид, ки нақшаи андози иҷтимоӣ дар шаш моҳи соли 2024 дар ноҳия 44 млн 194 ҳазор сомонӣ буда, иҷроиш 43 млн 459 ҳазор сомонӣ ё ин, ки 98 фоизро ташкил медиҳад.
Оид ба рафти иҷрои Барномаи рушди иҷтимоию иқтисодии ноҳияи Рӯдакӣ барои солҳои 2021-2025 гуфта шуд, ки дар нимсолаи аввали соли ҷорӣ аз шумораи умумии лоиҳаҳои барнома 148 лоиҳа ба маблағи 128,7 млн сомонӣ иҷро гардидааст, ки 58 фоиз нисбат ба арзиши умумии лоиҳаро дар бар мегирад.
Фазои соҳибкорӣ ва сармоягузорӣ низ дар ин давра рушд намуда, сармоягузории сармояи асосӣ аз ҳисоби ҳамаи манбаъҳои сармоягузорӣ ба маблағи 62 млн 44 ҳазор сомонӣ истифода карда шудааст, ки нисбат ба ҳамин давраи соли 2023 119,6 фоизро ташкил медиҳад.
Нишондодҳои соҳаи саноат низ нимсолаи аввал рушд намудааст. Дар ин давра 184 корхонаи саноатии ноҳия ҳаҷми истеҳсоли маҳсулоти саноатиро ба маблағи 284 млн 827 ҳазор сомонӣ таъмин намуданд, ки нисбати ҳамин давраи соли гузашта 37 млн 575 ҳазор сомонӣ зиёд аст.
Соҳаи кишоварзӣ низ дар давраи ҳисоботӣ рушд намуда, ҳаҷми маҳсулоти умумии кишоварзӣ дар нимсолаи якуми соли 2024 дар ҳамаи шаклҳои хоҷагидории ноҳия ба маблағи 505 млн 822 ҳазор сомонӣ таъмин гардид, ки нисбат ба ҳамин давраи соли гузашта 8,2 фоиз зиёд мебошад.
Раиси ноҳия зимни таҳлили вазъи иҷтимоиву иқтисодии ноҳия қайд кард, ки агарчи нишондодҳои рушд чашмрас мебошанд, вале ҳанӯз ҳам мебояд аз воситаву имкониятҳои мавҷуда бештар истифода кард. Ба роҳбарони сохторҳои дахлдор супориш дода шуд, ки барои самаранок истифода бурдани заминҳои бекорхобида, қонеъ гардонидани бозори истеъмолӣ бо маҳсулоти кишоварзӣ, таъмини хонандагон бо сару либоси мактабӣ ва дигар мушкилоти ҷойдошта чораҳо андешанд.
Ҳамчунин, раиси ноҳия дар хусуси дастуру супоришҳое, ки аз мулоқоти Пешвои миллат муҳтарам Эмомалӣ Раҳмон бо намояндагони ҷомеа ва ходимони дини кишвар аз 9-уми март ва мулоқот бо аҳли илм ва маорифи кишвар аз 30-юми май бармеоянд, андешаронӣ намуда, диққати ҷиддӣ равона кардан дар самти пешгирии хурофоту таассуб, бегонапарастӣ, зиёдаравӣ, танзими анъана ва ҷашну маросимҳо, муборизаи қатъӣ бо хатарҳои терроризму ифротгароӣ ва тарбияи насли наврас дар руҳияи хештаншиносиву меҳанпарастиро таъкид дошт.
Дар идомаи маҷлис раиси Кумитаи давлатии идораи замин ва геодезии Ҷумҳурии Тоҷикистон, намояндаи Ҳукумати Ҷумҳурии Тоҷикистон дар ноҳия Ориф Хоҷазода баромад намуда, оид ба дастуру ҳидоятҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба масъулин маслиҳату супоришҳои мушаххас пешниҳод намуд.
Дар умум, натиҷаҳои рушди иҷтимоиву иқтисодии ноҳияи Рӯдакӣ дар нимсолаи аввали соли 2024, бо назардошти рушду пешрафт ва камбудиҳои ҷойдошта қаноатбахш ҳисобида шуда, ҷиҳати вусъат бахшидан ба таъмини рушди минбаъдаи тамоми соҳаҳои иҷтимоӣ ва иқтисодии ноҳия дар нимсолаи дуюми соли 2024, бо назардошти баромад ва пешниҳодҳо, қарори дахлдор қабул гардид.
- Диданд: 52
Рӯзи Ваҳдати миллӣ рӯзи иттиҳод, ҳамбастагӣ, ягонагӣ, рамзи сулҳу субот ва амнияту осоиши халқ мебошад. Мардуми сарбаланду саодатманди кишвар ҳар сол ин рӯзро бо шукргузорӣ аз фазои софу беғубори меҳани азиз дар сатҳи зарурӣ истиқбол мегиранд.
Дарноҳияи Рӯдакӣ низ имсол 27-умин солгарди Рӯзи Ваҳдати миллиро бо шаҳомату шукӯҳи хос ҷашн гирифтанд. Аз ҷумла, рӯзи 29-уми июни соли ҷорӣ дар деҳаи Теппаи самарқандии ҷамоати деҳоти Роҳатии ноҳия ҷашни Рӯзи Ваҳдати миллӣ дар сатҳи баланди ташкилӣ таҷлил шуд.
Дар чорабинии бошукӯҳи идона раиси ноҳияи Рӯдакӣ Абдуғаффор Ҳикматуллозода, муовини раиси Кумитаи давлатии идораи замин ва геодезии назди Ҳукумати Ҷумҳурии Тоҷикистон–намояндаи Ҳукумати Ҷумҳурии Тоҷикистон дар ноҳия Диловар Пирзода, нависандаи халқии Тоҷикистон Кароматуллоҳи Мирзо, доктори илмҳои ҳуқуқшиносӣ, профессор, узви Шурои куҳансолони Ҳаракати ваҳдати миллӣ ва эҳёи Тоҷикистон Раҳимзода Маҳмад Забир, инчунин, собиқадорон, роҳбарону намояндагони сохторҳои давлатии ноҳия, суд, прокуратура, мақомоти ҳифзи ҳуқуқ, фаъолон ва сокинони ҷамоати мазкур ширкат варзиданд.
Сокинони деҳоти мазкур барои иштирокчиёни чорабинӣ растаҳои ҳунарҳои мардумӣ, расму русум ва анъанаҳои миллӣ, маҳсули корӣ дастӣ ва хӯрокҳои миллиро ба намоиш гузоштанд. Меҳмонон аз намоишгоҳ дидан намуда, ба ҳунармандону бонувони чирадаст баҳои баланд доданд.
Дар рафти чорабинӣ раиси ноҳияи Рӯдакӣ Абдуғаффор Ҳикматуллозода ва муовини раиси Кумитаи давлатии идораи замин ва геодезии назди Ҳукумати Ҷумҳурии Тоҷикистон–намояндаи Ҳукумати Ҷумҳурии Тоҷикистон дар ноҳия Диловар Пирзода суханронӣ намуда, ҳозиринро ба муносибати 27-умин солгарди Рӯзи Ваҳдати миллӣ шодбош гуфтанд.
Дар рафти суханрониҳои хеш собиқадорон, аз ҷумла, нависандаи халқии Тоҷикистон Кароматуллоҳи Мирзо ва доктори илмҳои ҳуқуқшиносӣ, профессор, узви Шурои куҳансолони Ҳаракати ваҳдати миллӣ ва эҳёи Тоҷикистон Раҳимзода Маҳмад Забир аз даврони пуршӯри ҷанги таҳмилии шаҳрвандӣ, ҳаводиси даҳшатбори он рӯзҳо ва аз азобу ранҷи сокинони деҳоти мазкур дар он солҳои мудҳиш ба ҳозирин ҳикоят карданд. Таъкид шуд, ки дар ҳақиқат, Ваҳдати миллӣ ва сулҳу осоише, ки имрӯз бошарофати хизматҳои беназири Пешвои муаззами миллат муҳтарам Эмомалӣ Раҳмон бадаст омадааст, бузургтарин ва муқаддастарин неъмат башумор меравад. Насли имрӯз, хосса наврасону ҷавонон, ки аз даҳшати ҷанг хотирае надоранд, бояд бақадри ин неъмати бебаҳо расанд ва онро чун гавҳараки чашм ҳифзу ҳимоя кунанд.
Дар хотимаи чорабинӣ барномаи рангии театрикунонидашуда, саҳнаҳои аз даврони ҷанги шаҳрвандӣ ва шеъру суруду таронаҳои ҷолибу дилошӯб пешкаши ҳозирин гардонида шуд.
Подкатегории
Саҳифаи 2 аз 64
1USD
1EUR
1RUB