- Диданд: 48
Санаи 29-уми майи соли 2024 дар толори Мақомоти иҷроияи ҳокимияти давлатии ноҳияи Рӯдакӣ бо иштироки раиси ноҳия Абдуғаффор Ҳикматуллозода маҷлиси машваратӣ баргузор шуд.
Дар маҷлис муовинони раис, роҳбари дастгоҳ, мудирони шуъбаву бахшҳои мақомоти иҷроияи ҳокимияти давлатӣ, сардорони мақомоти қудратӣ, раисони ҷамоатҳои шаҳраку деҳот ва маҳаллаҳо, имомхатибон, роҳбарони ташкилоту идораҳо ва директорони муассисаҳои таълимии ноҳия ширкат варзиданд.
Дар оғози маҷлис раиси ноҳия Абдуғаффор Ҳикматуллозода суханронӣ намуда, дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро, ки аз мулоқот бо роҳбарону фаъолони вилояти Хатлон дар ноҳияи Данғара бармеоянд, хотирнишон кард. Қайд гардид, ки дар мулоқоти мазкур Роҳбари давлат ба масъалаи вусъати майдони кишт, аз ҷумла, кишти маккадона, кишти помидор ва коркарди он, содироти зироату мева ва хушкмева ба хориҷи мамлакат, самаранок истифода бурдани заминҳои президентӣ, гирифтани ду-се ҳосил аз заминҳо ва дигар масъалаҳои соҳаи кишоварзӣ махсус таъкидҳо намуданд.
Дар ҳошияи ин таъкидҳо раиси ноҳия шахсони масъулро вазифадор карданд, ки барои саривақт бо оби полезӣ таъмин кардани кишоварзону боғдорон, беталаф ҷамъоварӣ намудани ҳосил ва таъмини чораҳои пешгирӣ аз сӯхтор ҳангоми ҷамъоварии ҳосили гандум тадбирҳо андешанд. Инчунин, ба раисони ҷамоатҳои шаҳраку деҳот супориш дода шуд, ки назоратро дар самти роҳ надодан ба сохтмонҳои худсарона ва ғайриқонунӣ дар заминҳои кишоварзӣ ҷиддӣ ба роҳ монанд.
Бахши саноат, сохтмон ва коммуникатсия ва корхонаи истеҳсоли либосҳои мактабӣ дар самти таъмин кардани хонандагони муассисаҳои таълимии ноҳия бо либосҳои босифати мактабӣ вазифадор карда шуданд. Директорони муассисаҳои таълимӣ барои ҳамкорӣ бо корхонаи истеҳсоли либосҳои мактабӣ ва таъмини хонандагон бо либосҳои дӯхти ватанӣ муваззаф гардиданд.
Дар идомаи маҷлис раиси ноҳия аз таъкидҳое, ки аз мулоқоти Пешвои миллат муҳтарам Эмомалӣ Раҳмон бо намояндагони ҷомеа ва ходимони дин аз санаи 9-уми марти соли ҷорӣ бармеоянд, ёдоварӣ карда, масъалаҳои бурдани корҳои фаҳмондадиҳӣ ҷиҳати пешгирии шомилшавии ҷавонон ба гурӯҳу равияҳои террористиву ифротӣ, баланд бардоштани сатҳу сифати таълиму тарбия дар муассисаҳои таълимии ноҳия, эҳсоси масъулият аз ҷониби волидон, омӯзгорон ва дигар сохторҳо, тарбияи дурусти фарзандон ва дигар мавзуъҳои мавриди назарро мавриди баррасӣ қарор дод.
Дар идомаи маҷлис оид ба рушди ҳунарҳои мардумӣ, бунёди растаҳои ҳунармандӣ ва дастгирии ҳунармандон, ҳифзи ёдгориҳои таърихӣ, таъмини аҳолӣ бо ҷойи кор, вусъати корҳои ободонию сарсабзӣ ва таъмини саривақтии нақшаи бунёду барқарорсозии иншооти ҷашнӣ ба муносибати 35-солагии Истиқлоли давлатӣ, масъулин вазифадор гардиданд.
Раиси ноҳия бо назардошти ҳолати воқеӣ ва таҳлилҳо ба шахсони масъул барои бартараф кардани камбудиҳои ҷойдошта супоришҳо дод.
Дар хотимаи маҷлис барои ҳамкорӣ ва иҷрои саривақтии нақшаи даъвати баҳорӣ муовини якуми раиси ноҳия, сардорони мақомоти қудратӣ, комиссари ҳарбии ноҳия, сархатиби ноҳия ва як қатор волидону омӯзгорон ва имомхатибон барои ихтиёрӣ ба хизмати Ватан-Модар гусел кардани фарзандонашон бо Сипосномаи Мақомоти иҷроияи ҳокимияти давлатии ноҳияи Рӯдакӣ ва туҳфаҳои хотиравии раиси ноҳия қадрдонӣ гардиданд.
- Диданд: 63
Санаи 22 майи соли 2024, бо мақсади иҷрои Фармони Президенти Ҷумҳурии Тоҷикистон “Дар бораи Низомномаи тартиб ва шартҳои гузаронидани аттестатсияи хизматчиёни давлатии маъмарӣ” аз 30 майи соли 2008, №468 дар мақомоти иҷроияи ҳокимияти давлатии ноҳияи Рӯдакӣ гузаронида шуд.
Бо мақсади ба низом даровардани хизматчиёни давлатӣ 22 майи соли 2024 дар асоси Фармони Президенти Ҷумҳурии Тоҷикистон “Дар бораи Низомномаи тартиб ва шартҳои гузаронидани аттестатсияи хизматчиёни давлатии маъмарӣ” аз 30 майи соли 2008, №468 дар мақомоти иҷроияи ҳокимияти давлатии ноҳияи Рӯдакӣ барои интихоб, ҷобаҷогузрии кадрҳо ва мутобиќи сатҳи дониши касбӣ ва таъмини мувофиқати хизматчиёни давлатӣ ба мансаби ишғолнамудаашон аттестатсияи навбати ва такрории хизматчиёни давлатии маъмурии мақомоти иҷроияи ҳокимияти давлатии ноҳияи Рӯдакӣ бо иштироки сардори шуъбаи Агентии хизмати давлатии назди Президенти Ҷумҳурии Тоҷикистон дар шаҳри Душанбе, шаҳру ноҳияҳои тобеи ҷумҳурӣ Саидзода Шаҳбоз Майдон гузаронида шуд. Дар аттестатсияи мазкур 27 нафар хизматчиёни давлатӣ, аз ҷумла сардорони раёсату шуъбаҳо, бахшҳо ва дигар хизматчиёни давлатии ноҳия аз аттестатсия гузаронида шуданд.
- Диданд: 65
БОЗДИДИ МУОВИНИ САРВАЗИР АЗ НОҲИЯИ РӮДАКӢ
Таъмини амнияти озуқаворӣ яке аз ҳадафҳои стратегии давлат ва Ҳукумати Ҷумҳурии Тоҷикистон ба ҳисоб меравад. Дар таъмин ва иҷрои ин ҳадафи стратегӣ соҳаи аграрӣ масъул мебошад ва барои бароварда сохтани талаботи аҳолӣ ба маводи хушсифати ғизоӣ, таъмини бозори дохилӣ ва содироти маҳсулот ба хориҷи кишвар сол то сол имкониятҳои нав фароҳам мешаванд.
Ноҳияи Рӯдакӣ дорои имкониятҳои васеи рушди соҳаи аграрӣ буда, таъминкунандаи асосии бозорҳои пойтахт бо маҳсулоти кишоварзӣ ба ҳисоб меравад. Имрӯзҳо деҳқонону кишоварзони ноҳияи Рӯдакӣ дар ҳама самтҳои хоҷагидороӣ фаъолият бурда, барои истеҳсоли маҳсулоти босифати кишоварзӣ, ташкили гармхонаҳо, аз заминҳо гирифтани 2-3 ҳосил дар як мавсим ва зиёд намудани майдони кишт талошу кушиш ба харҷ дода истодаанд.
Бо мақсади шиносоӣ аз вазъи соҳаи кишоварзии ноҳияи Рӯдакӣ рӯзи 14-уми майи соли ҷорӣ муовини Сарвазири Ҷумҳурии Тоҷикистон Сулаймон Зиёзода ба ноҳияи Рӯдакӣ ташриф оварда, аз ҳолати самаранок истифода бурдани замин дар ноҳия, иҷрои нақшаҳои кишоварзӣ, аз ҷумла, кишти картошка, кишти пахта, истеҳсоли пилла, ҳолати обёрии заминҳо, тозагии ҷӯйу заҳбур ва тозагии гирду атрофи заминҳои хоҷагиҳои деҳқонӣ дидан намуданд.
Дар ҷараёни боздид муовини Сарвазири Ҷумҳурии Тоҷикистон Сулаймон Зиёзода бо ҳамроҳии муовини директори Агентии обёрӣ ва беҳдошти замини назди Ҳукумати Ҷумҳурии Тоҷикистон Баҳрулло Зуҳурзода, президенти Академияи илмҳои кишоварзӣ Амонулло Салимзода ва раиси ноҳия Абдуғаффор Ҳикматуллозода дар ҷамоати деҳоти Чоргултеппа аз фаъолияти яке аз гармхонаҳо, ки ба парвариши бодиринги барвақтӣ машғул аст, шиносоӣ пайдо намуда, ба хоҷагидорон маслиҳатои муфид доданд.
Подкатегории
Саҳифаи 5 аз 64
1USD
1EUR
1RUB