- Диданд: 24
Имрӯз, 17-уми сентябри соли 2024 дар деҳаи Охчакмани Ҷамоати деҳоти Роҳатии ноҳияи Рӯдакӣ Семинари илмӣ-амалии ҷумҳуриявӣ дар мавзуи "Технологияи парвариши ангури ҷавз (султонӣ) ва аҳаммияти ғизоии он" баргузор шуд.
Дар семинар вазири кишоварзии Ҷумҳурии Тоҷикистон Қурбон Ҳакимзода, президенти Академияи илмҳои кишоварзии Тоҷикистон Амонулло Салимзода, раиси ноҳияи Рӯдакӣ Абдуғаффор Ҳикматуллозода, намояндаи Ҳукумати Ҷумҳурии Тоҷикистон дар ноҳияи Рӯдакӣ- муовини раиси Кумитаи давлатии идораи замин ва геодезии Ҷумҳурии Тоҷикистон Диловар Пирзода ва ректори Донишгоҳи аграрии Тоҷикистон Усмон Маҳмадёрзода ширкат варзиданд. Ҳамзамон, дар семинар раисони шаҳру ноҳияҳои тобеи марказ, муовинони раиси ноҳияи Рӯдакӣ, раисон ва муовинони раисони ҷамоатҳои шаҳраку деҳоти ноҳия, олимони соҳаи токпарварӣ роҳбарони ташкилоту идораҳои дахлдори ноҳия иштирок доштанд.
Раиси ноҳияи Рӯдакӣ Абдуғаффор Ҳикматуллозода зимни ифтитоҳи семинар қайд намуд, ки мақсад аз баргузории чорабинии имрӯза ин шиносоӣ пайдо намудан аз таърихи навъи нодири ангур, яъне ангури ҷавз, тарзи парвариш ва аҳаммияти ғизоии он ба ҳисоб меравад. Гуфта шуд, ки ҳоло токпарварӣ ба яке аз соҳаҳои сердаромад табдил ёфтаааст. Саҳми ин соҳа дар таъмини бозор ва эҳтиёҷоти дастархони мардум бо ангури хушсифат хеле бузург мебошад.
Аз миёни навъҳои гуногуни ангур, ки дар кишвари офтобрӯяи мо парвариш карда мешаванд, навъи ҷавз (султонӣ) яке аз беҳтаринҳо ба шумор меравад. Ин навъи ангур дар водии Ҳисор парвариш меёбад. Ба гуфтаи ангурпарварон ҷойи пайдоиши ин навъи ангур Ҷамоати деҳоти Роҳатии ноҳияи Рӯдакӣ буда, аз ҳамин лиҳоз дар ин минтақа нашъунамои хуб мекунад. Аз қадим ангури ҷавз (султонӣ) бо шаклу ранг ва тамъи хоси худ бартарӣ дошт ва дар дастурхони шоҳон дида мешуд. Аз ин рӯ, ба он номи "султонӣ"-ро гузоштаанд. Ҳоло дар ҳудуди Ҷамоати деҳоти Роҳатӣ 265 га токзор мавҷуд мебошад, ки аз он 54 га-ро навъи ангури ҷавз (султонӣ) ташкил медиҳад.
Дар идома, раиси ноҳия аҳаммияти парвариши дурусти ток ва васеъ намудани токзорҳоро дар минтақа муҳим дониста, оид ба ин масъала маслиҳатҳо дод.
Сипас, вазири кишоварзии Ҷумҳурии Тоҷикистон Қурбон Ҳакимзода суханронӣ намуда, дар хусуси мавзуи семинар ва ҳолати соҳаи токпарварӣ дар кишвар изҳори назар кард. Ҳамчунин, дар идома мутахассисони соҳа ва токпарварон баромад карда, оид ба роҳҳои дурусти парвариши ток, нигоҳубини он, ҷамъоварӣ, захира ва хушк кардани ангур маълумот доданд.
Дар қисмати амалии семинар иштирокчиён аз хоҷагии деҳқонии ба номи "Қодир", ки ба Ҳаитмуҳаммад Каримов тааллуқ дошта, дар майдони 6 га ба парвариши ангури ҷавз машғул аст, аз наздик шинос шуданд. Дар ин ҷо иштирокчиён аз тарзи омода намудани мавиз низ ошноӣ пайдо карданд.
- Диданд: 21
Рӯзи 16-уми сентябри соли 2024 дар Гимназия-парваришгоҳи ба номи Бобоҷон Ғафурови ноҳияи Рӯдакӣ даври минтақавии Озмуни ҷумҳуриявии "Илм - фурӯғи маърифат " баргузор гардид.
Дар маросими оғози озмун раиси ноҳияи Рӯдакӣ Абдуғаффор Ҳикматуллозода ва раиси комиссияи ҳакамони озмун - ректори Донишгоҳи техникии Тоҷикистон ба номи М. Осимӣ Қудрат Давлатзода суханронӣ намуда, ба иштирокдорон муваффақияту комёбӣ таманно карданд.
Дар даври минтақавии Озмуни ҷумҳуриявии "Илм - фурӯғи маърифат" ғолибони даври шаҳриву ноҳиявии шаҳрҳои Турсунзода, Роғун, Ҳисор, Ваҳдат ва ноҳияҳои Рӯдакӣ, Шаҳринав, Файзобод ва Варзоб ширкат варзиданд.
Бояд қайд намуд, ки Озмуни ҷумҳуриявии «Илм – фурӯғи маърифат» таҳти cарпарастии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баргузор гардида, мақсади он рушди тафаккури техникӣ, тарғиби ҷаҳонбинии илмӣ, тавсеаи ихтироъкорӣ ва навоварӣ, пайванди илм бо истеҳсолот, дастрасӣ пайдо кардан ба техникаву технологияҳо, ҷалби бештари хонандагону донишҷӯён ва дигар қишрҳои ҷомеа ба омӯзиши фанҳои риёзӣ, дақиқ ва табиӣ, ҳамчунин дарёфт ва муаррифии истеъдодҳои нав дар ин самтҳо мебошад.
Баргузории озмуни мазкур тайи солҳои 2021-2023 нишон дод, ки миёни ҷавонону наврасони кишвар таваҷҷуҳ ба омӯзиши илмҳои риёзӣ, дақиқ ва табиӣ бамаротиб зиёд гардида, барои дарёфт ва тарбияи мутахассисони баландихтисоси муҳандисию техникӣ замина гардидааст.
- Диданд: 25
Имрӯз, 14-уми сентябри соли 2024 раиси ноҳияи Рӯдакӣ Абдуғаффор Ҳикматуллозода бо раисони маҳаллаҳои ҷамоатҳои шаҳраку деҳоти ноҳия вохӯрӣ баргузор намуд.
Вохӯрӣ дар толори Мақомоти иҷроияи ҳокимияти давлатии ноҳия сурат гирифта, дар кори он муовинони раиси ноҳия, роҳбари дастгоҳи раиси ноҳия, намояндагони сохторҳои дахлдори давлатӣ, раисони маҳаллаҳо ва дигар фаъолон ширкат варзиданд.
Дар рафти вохӯрӣ масъалаҳои муҳимми рӯз, аз ҷумла, вусъат додани корҳои ободониву созандагӣ дар маҳал, маъракаи даъвати тирамоҳии ҷавонон ба сафи Қувваҳои Мусаллаҳ, тарбияи ҷавонон дар руҳияи хештаншиносиву ватандӯстӣ, пешгирии хурофоту таассуб, шомилшавии ҷавонон ба ҳизбу ҳаракатҳои ифротӣ, риояи талаботи қонунгузории кишвар оид ба танзими анъана ва ҷашну маросим, самаранок истифода бурдани заминҳои кишт ва дигар масъалаҳо мавриди баррасӣ қарор гирифтанд.
Зимни суҳбат раиси ноҳия ба раисони маҳаллаҳо дар хусуси тозаву озода озода нигоҳ доштани маҳал, ҷалби сокинон ба корҳои ободонӣ, омодагӣ ба мавсими зимистонгузаронӣ ва тақвияти ҳамкорӣ бо сохторҳои дахлдор супоришҳо дод.
Подкатегории
Саҳифаи 1 аз 64
1USD
1EUR
1RUB