Асосӣ

: Нашр шуд: 17 Ноябри 2022; Диданд: 209

РОҲПАЙМОӢ БА МУНОСИБАТИ 30-УМИН СОЛГАРДИ ИҶЛОСИЯИ ХVI-УМИ ШӮРОИ ОЛИИ ҶУМҲУРИИ ТОҶИКИСТОН ВА РӮЗИ ПРЕЗИДЕНТ.
16-уми ноябри соли равон роҳпаймоии гурӯҳӣ бо иштироки намояндагони бахшу зерсохторҳои Мақомоти иҷроияи ҳокимияти давлатии ноҳияи Рӯдакӣ, ташкилоту корхонаҳо, муассисаҳои таълимӣ, гурӯҳи варзишгарон ва аъзоёни фаъоли бахши ҷавонони ноҳия ба муносибати 30-умин солгарди Иҷлосияи 16-уми Шӯрои Олии Ҷумҳурии Тоҷикистон ва Рӯзи Президент баргузор гардид.Дар ҳамоиш сараввал муовини раиси ноҳияи Рӯдакӣ Муҳаммадшариф Бобошоҳзода суханронӣ намуда, тамоми иштирокчиёнро бахшида ба 30-умин солгарди Иҷлосияи 16-уми Шурои Олии Ҷумхурии Тоҷикистон ва Рӯзи Президент табрику таҳният гуфта ва бо ибрози суханҳои пурмухтаво тамоми мардуми шарифи нохияро зери сиёсати хирадмандонаи Асосгузори сулҳу ваҳдати миллӣ-Пешвои муаззами миллат, Президенти мамлакат, муҳтарам Эмомалӣ Раҳмон ба ояндаи дурахшон роҳнамун намуданд.
Баҳри болидахотирии ширкаткунандагон аҳли фарҳанги ноҳия бо сурудҳои дилнишини меҳанпарастии хеш зери роҳбарии мудири бахши фарҳанги ноҳия Ҷалолзода Хайриддин табъи ҳозиринро шод гардониданд.

: Нашр шуд: 15 Ноябри 2022; Диданд: 263

14-уми ноябри соли равон дар Мақомоти иҷроияи ҳокимияти давлатии ноҳияи Рӯдакӣ ҷаласаи тантанавӣ бахшида ба 30-умин солгарди Иҷлосияи 16-уми Шӯрои Олии Ҷумҳурии Тоҷикистон бо иштироки бевоситаи раиси ноҳияи Рӯдакӣ Исматзода Азизулло,муовинони раиси ноҳия, директори муассисаи давлатии Коллеҷи техникӣ-омӯзгории ноҳия Ҳусейнзода Гулхумор, муовини аввали раиси суди ноҳия Нурулозода Шамъигул, муовини аввали прокурори ноҳия Ҳазратзода Хайём, намояндагони бахшу зерсохторҳои МИҲД-и ноҳия,ташкилоту муассисаҳо ва аъзоёни фаъоли ҷавонони ноҳия баргузор гардид.
Ҷаласаи мазкур бо садо додани Суруди миллии Ҷумҳурии Тоҷикистон оғоз гардида, нахуст раиси ноҳияи Рӯдакӣ Исматзода Азизулло ҳозиринро ба ин санаи таърихии Иҷлосияи тақдирсози миллати тамаддунофари тоҷик табрику таҳният намуда, аз лаҳзаҳои баргузории Иҷлосияи 16-уми Шӯрои Олии Ҷумҳурии Тоҷикистон ёдовар шуда, суханҳои пурмуҳтаво иброз доштанд.
Зимни баргузории ҷаласаи мазкур муовини аввали раиси суди ноҳия Нурулозода Шамъигул, муовини аввали прокурори ноҳия Ҳазратзода Хайём ва директори муассисаи давлатии Коллеҷи техникӣ-омӯзгории ноҳия Ҳусейнзода Гулхумор бо маърӯзаҳои пурмазмун бори дигар ба аҳли ҳозирин аз давраҳои ҳассос фаромӯшнашавандаи Иҷлосияи 16-уми Шӯрои Олии Ҷумҳурии Тоҷикистон,ки тақдири миллати тоҷикро ба сӯи ояндаи дурахшон роҳ кушод, маълумоти муҳими таърихиро баён намуданд.
Бо мақсади қадрдонии беандоза аз фурсати муносиби ҷаласаи тантанавӣ бахшида ба 30-умин солгарди Иҷлосияи 16-уми Шӯрои Олии Ҷумҳурии Тоҷикистон истифода бурда, аз чониби раиси ноҳияи Рӯдакӣ Исматзода Азизулло ба варзишгари шинохта ва паҳлавони маъруфи тоҷик, ҳамдиёрамон, Темур Раҳимов,ки бо ғалабаи наваш дар мусобиқаи байналмилалии ҷудо «Baku Grand Slam 2022» рӯзҳои 4-6-уми ноябр дар пойтахти Озарбойҷон шаҳри Боку баргузор гардида буд, тӯҳфаи пулӣ ба миқдори 25000 сомонӣ тақдим гардонида шуд.
Дар охир ҷаласаи тантанавиро бо замзамаи Суруди миллии Ҷумҳурии Тоҷикистон ҳусни анҷом пазируфтанд.

: Нашр шуд: 08 Ноябри 2022; Диданд: 237

5-ноябр дар Қасри фарҳанги ба номи Кароматулло Курбони ноҳияи Рӯдакӣ бахшида ба рӯзи Koнститутсияи Ҷумҳурии Тоҷикистон чорабинии тантанавӣ баргузор гардид ва дар он роҳбарони Мақомоти иҷроияи ҳокимияти давлатии ноҳия, бахшу зерсохторҳои он ва намояндагони ташкилоту муассисаҳо иштирок карданд.
Чорабинӣ бо садо додани Суруди миллии Ҷумҳурии Тоҷикистон оғоз гардида, сипас раиси нохия муҳтарам Азизулло Исматзода ҳозирин ва тамоми сокинони ноҳияро ба ин рузи саид табрику муборакбод намуда ва зимни сухаронӣ қайд карданд, ки Конститутсияи Ҷумҳурии Точикистон ҳамчун хуҷати сарнавиштсоз ва бахтномаи миллат санади асосии таърихи навини мардум ва қавму халқиятҳои Тоҷикистон буда, рузи қабули он яке аз санаҳои муҳимтарин дар таърихи давлатдорӣ маҳсуб меёбад ва ҳамчун руйдоди арзишманду фараҳбахш дар зиндагии ҷомеа барои мардуми Точикистони озоду соҳибихтиёра Рӯзи иду фараҳманди ва рузи мурод ба ҳисоб меравад.
Инчунин омузгори МТМУ 82 Файзиддин Зувайдуллоев ва муовини Колечи техникию омузгори Рахмонали Шарипов дар бораи муҳимияти ин хуччати таърихиву сарнавиштсози миллат маърузаи пурмуҳтаво намуданд.
Дар қисмати фарҳангии чорабинӣ бошад, ҳунармандони Қасри фарҳанг бо роҳбарии мудири шуъбаи фарҳанги ноҳия Хайриддини Бозор, бо барномаи нави консерти ва шеъру таронаҳои ватандӯстона хотири ҳозиринро шод гардониданд.