Асосӣ

: Нашр шуд: 04 Апрели 2023; Диданд: 0

Рӯзи даъватшаванда. 2023-2024
Имрӯз дар ноҳияи Рӯдакӣ маросими даъвати баҳории ҷавонон ба хизмати ҳарбӣ таҳти унвони « Рӯзи даъватшаванда « баргузор гардид.
Дар чорабинии мазкур раиси ноҳия Абдуғаффор Ҳикматуллозода иштирок ва суханронӣ намуда, зикр карданд, ки ҷавонони сарбаланди тоҷикро мебояд ба Ватан содиқона хизмат намуда, бари ҳимояи марзу буми сарзамини аҷдодиамон бо ҳушëрию далерӣ ва мардонагӣ омода бошанд ва онро чун гавҳараки чашм ҳифз созанд.
Ҳукумати мамлакат ҷиҳати фароҳам сохтани шароити созгор барои сарбозону афсарони шуҷои Ватан пайваста тадбирҳои мақсаднок андешида итодааст , ки бо дарназардошти таъмини шароити мусоид дар ҷузъу томҳои Қувваҳои мусаллаҳи кишвар сол то сол сафи ихтиëриëни ҷавонон ба хизмати ҳарбӣ афзуда истодааст.
Ҳамчунин, Модари даъватшаванда Анвар Каримов аз шуҷоату қаҳрамонии навҷавонон ва ташабусу дастгириҳои пайвастаи Пешвои муаззами миллат, Президенти Ҷумҳурии Тоҷикистон, муҳтарам Эмомалӣ Раҳмон изҳори сипосу миннатдорӣ кард.
Даъватшаванда Анвар Каримов иброз дошт, ки ман ҳамчун як ҷавони ватандӯст ва содиқи кишвар аз кулли ҷавонони Тоҷикистон даъват ба амал меорам , ки омада ба сафи Артиши миллии Ҷумҳурии Тоҷикистон шомил шуда, аз ин мактаби далерӣ, шуҷоат ва матонат гузашта, қарзи ҷавонмардии худро ба ҷо оранд.
Зикр кардан ба маврид аст, ки дар рӯзи аввали даъвати ҷавонон ба хизмати ҳарбӣ, аз ноҳия зиëда аз 100 – нафар ҷавонон, ихтиëран барои ба хизмати ҳарбӣ рафтан, омода буданд.
Дар анҷоми чорабинӣ, барномаи рангини фарҳангиву фароғатӣ, баҳри болидарӯҳии наваскарон аз ҷониби ҳунармандони Қасри фарҳанги ноҳия пешниҳод гардонида шуд.

: Нашр шуд: 16 Феврали 2023; Диданд: 244

НИШАСТИ МАТБУОТӢ РАИСИ НОҲИЯИ РӮДАКӢ.
Имрӯз дар толори Мақомоти иҷроияи ҳокимияти давлатии ноҳияи Рӯдакӣ нишасти матбуотӣ бо иштироки васеъи намояндагони васоити ахбори оммаи кишвар баргузор гардид.
Сараввал, и.в.раиси ноҳия Абдуғаффор Ҳикматуллозода меҳмононро хайра мақдам гуфта, сипас оид ба натиҷаҳои рушди иқтисодиву иҷтимоии ноҳия дар соли 2022 мухтасар маълумот дод.
Пеш аз оғози саволу ҷавоб ба Мақомоти иҷроияи ҳокимияти давлатии ноҳия ва Идораи "Почта " барои сари вақт иҷро намудани нақшаи обуна ба рӯзномаи "Садои мардум " аз тарафи роҳбарияти рӯзнома бо "Сипоснома " қадр карда шуданд.
Баъдан, саволу ҷавоби озод бо рӯзноманигорон сурат гирифт. Намояндагони васоити ахбори оммаи кишвар саволҳои худро оид ба пешгирии ғасби замин, набудани майдончаҳо барои кӯдакон дар назди биноҳои баландошëна, таъмири роҳҳои аҳамияти маҳаллӣ дошта, фаъолияти соҳибкорӣ, ташкили корхонаҳои саноатӣ, бо қитъаҳои замини наздиҳавлигӣ таъмин шудани омӯзгорони ҷавон, мутахассисони ҷавони соҳаи тандурустӣ, норасоии омӯзгорон ва ҷойи нишаст барои хонандагони муассисаҳои таълимӣ, таъмини сокинони ноҳия бо ҷойи кор, пешгирӣ аз ҷинояткорӣ миëни наврасону ҷавонон, тарбияи ватандӯстии наврасон ва ҷавонон, даъват ба сафи Қувваҳои мусаллаҳи Ҷумҳурии Тоҷикистон пешниҳод намуда, аз ҷониби и.в. раиси ноҳия Абдуғаффор Ҳикматуллозода, муовинони раиси ноҳия, роҳбарони шуъба ва бахшҳои МИҲД-и ноҳия ва ташкилоту муассисаҳо ҷавобҳои мушаххас гирифтанд.

: Нашр шуд: 30 Январи 2023; Диданд: 250

ТАҶЛИЛИ ҶАШНИ САДА ДАР НОҲИЯИ РӮДАКӢ.
«Суннату ойини нек ва ҷашнҳои миллии мо, мисли Наврӯз, Меҳргон ва Сада дар тӯли таърих барои тарғиби ахлоқу маънавиёти созанда хизмат кардаанд. Аз ин рӯ, зарур аст, ки дастовардҳои маънавию моддии мардуми шарифи мо ба феҳристи умумиҷаҳонии ЮНЕСКО ворид гарданд ва нақши тамаддунсози миллати тоҷикро минбаъд низ боло баранд".
Эмомалӣ Раҳмон
Дар замони соҳибистиқлолии кишвар тавассути сиёсати хирадмандона ва фарҳангпарваронаи Асосгузори сулҳу ваҳдати миллӣ-Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон ҷашнҳои миллии мо - Наврӯз, Меҳргон ва Сада эҳё ва шукӯҳу шаҳомати бештар пайдо намудаанд. Аз ҷумла, Сада ҳам яке аз ҷашнҳои қадимаи мардуми тоҷик дар кишвар мақоми хоса пайдо намуда, ҳамасола бо тантана таҷлил карда мешавад.
Имрӯз бошад, дар маркази ноҳияи Рӯдакӣ чун ҳамасола чорабинии фарҳангӣ-фароғатии таҷлили ҷашни таърихии Сада бо иштироки бевоситаи Раиси ноҳия Ҳикматуллозода Абдуғаффор, Раиси Кумитаи давлатии идораи замин ва геодезии Ҷумҳурии Тоҷикистон Хоҷазода Ориф, роҳбарону намояндагони бахшу сохторҳои Мақомоти иҷроияи ҳокимияти давлатии ноҳия, кишоварзону ҳунармандони меҳнатқарин, аҳли ҷамоатчигӣ ва шумораи зиёди сокинони ноҳияи Рӯдакӣ доир гардид.
Сараввал Раиси ноҳияи Рӯдакӣ Ҳикматуллозода Абдуғаффор бо ҳамроҳии меҳмонон ва роҳбарону намояндагони бахшу сохторҳои Мақомоти иҷроияи ҳокимияти давлатии ноҳия аз намоиши маҳсулоти кишоварзӣ, ниҳолу гулу буттаҳо, дастурхони идона ва маҳсулоти ҳунармандон дидан намуда, сипас тамоми сокинони ноҳияро бо фарорасии Ҷашни Сада- мужда аз Наврӯзи дар пешистода табрику муборакбод намуд. Ӯ зимни суханронӣ иброз доштанд, ки:
"Ҷашни Сада пайғомест аз наздикшавии Баҳор ва рамзест аз пирӯзии рӯшноӣ бар зулмот ва ғалабаи гармӣ ба сардӣ. Ин ҷашн ягон ҷанбаи мазҳабӣ надошта, фурсати муносибест барои кишоварзон ҷихати омодагӣ гирифтан ба фасли кишту кор баҳор. Яъне, ин ҷашн ҳар кадоми моро ба сӯи созандагию ободкорӣ ва замина гузоштан барои ба даст овардани маҳсулоти дилхоҳи кишоварзӣ ҳидоят месозад".
Ҳамзамон, Раиси Кумитаи давлатии идораи замин ва геодезии Ҷумҳурии Тоҷикистон Хоҷазода Ориф дар баромади хеш, ҳамчун ҷашни таърихи ниëгони миллати тоҷик пазируфтани иди Сада сухан карда, баëн намуданд, ки:
"Миллати бофарҳангу тамаддунсози тоҷик тамоми ҷашну русуми қадимаи худро ҳеҷ гоҳ фаромӯш накардааст ва нахоҳад кард. Тамоми чораҳоро баҳри аз байн нарафтани ин анъанаҳо андешида истода, ҳамеша барои ҳифзу эҳё намудани онҳо талош мекунад".
Дар идомаи чорабинӣ аҳли санъаткорони фарҳанги ноҳия баҳри болидахотирии иштирокчиён барномаи рангини фарҳангӣ пешниҳод намуда, ба дилҳо шодию фараҳ бахшиданд.