Диданд: 22
Рӯзи 28- уми феврали соли 2026 бо ибтикори шӯъбаи кор бо занон ва оилаи назди Мақомоти иҷроияи ҳокимияти давлатии ноҳияи Рӯдакӣ роҳпаймоии ноҳиявӣ таҳти унвони «Тоҷикона мепӯшем» бахшида ба "Рӯзи модар" бо иштироки муовинони раиси ноҳия Давлатзода Неъматулло, Исмоилзода Зарина, намояндагони мақомоти иҷроияи ҳокимияти давлатии ноҳия, кормандони соҳаҳои гуногун, омӯзгорону хонандагон, ҷавонону наврасони фаъол баргузор гардид.
Ҳадафи асосии баргузории ин иқдом таҳкими ҳисси худшиносии миллӣ, арҷгузорӣ ба фарҳангу анъанаҳои неки ниёгон, тарғиби либоси миллӣ ва баланд бардоштани завқи зебоипарастии шаҳрвандон арзёбӣ мегардад.
Иштирокчиён бо либосҳои миллӣ, аз ҷумла атласу адрас ва дигар намунаҳои ҳунари волои мардумӣ, дар фазои идона ва рӯҳияи баланди ватандӯстӣ роҳпаймоӣ намуданд.
Зимни баргузории чорабинӣ таъкид гардид, ки аксияи «Тоҷикона мепӯшем» ҷиҳати эҳё ва ҳифзи арзишҳои миллӣ, муаррифии фарҳанги ғании тоҷикон ва таҳкими ваҳдати ҷомеа мусоидат менамояд.
Ин гуна иқдомҳо дар замони ҷаҳонишавӣ барои ҳифзи асолати миллӣ ва муаррифии симои фарҳангии миллат аҳамияти хосса доранд.
Роҳпаймоии мазкур дар фазои ҳамдигарфаҳмӣ, ифтихори миллӣ ва ҳамбастагии шаҳрвандон баргузор гардида, бори дигар нишон дод, ки сокинони ноҳияи Рӯдакӣ ба фарҳангу суннатҳои миллӣ эҳтироми хосса зоҳир менамоянд ва дар ҳифзу рушди онҳо саҳми фаъол мегузоранд.
Дар охири чорабинӣ аз тарафи Бахши фарҳанги ноҳия барномаи консертӣ бо иштироки аҳли ҳунар хотири иштирокдоронро болида гардонид.

Диданд: 12

Паёми табрикии иҷрокунандаи вазифаи раиси ноҳияи Рӯдакӣ Нусратулло Салимзода ба муносибати Рӯзи Артиши миллӣ
Ҳамдиёрони азиз!
33-юмин солгарди рӯзи таъсисёбии Қувваҳои Мусаллаҳи Ҷумҳурии Тоҷикистонро, ки дар фазои сулҳу ваҳдат ва якдиливу ҳамдигарфаҳмӣ бо ҷонибдорӣ аз сиёсати хирадмандонаи Асосгузори сулҳу ваҳдати миллӣ - Пешвои муаззами миллат, Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон бо як ҷаҳон ифтихору саодат, бо руҳияи баланди ватандорию меҳанпарастӣ таҷлил карда мешавад, муборакбод мегӯям.
Артиши миллии ҳар давлат нишони иқтидори ҳамон давлат аст. Мақсад аз таъсиси артиш дар ҳама давру замон ҳимояи давлат ва марзу буми Ватан мебошад.

Диданд: 20
МАҚОМУ МАНЗАЛАТИ ЗАНОНУ БОНУВОН ДАР МЕҲВАРИ ПАЁМИ ПРЕЗИДЕНТИ КИШВАР
"Ҳукумати мамлакат дар сиёсати иҷтимоии худ масъалаҳои марбут ба занонро дар меҳвари фаъолияти рӯзмарра қарор дода, барои рушди ин самти муҳим мунтазам тадбирҳои судманд меандешад".
Эмомалӣ Раҳмон
Боиси ифтихору сарфарозии мо, бонувони тоҷик аст, ки ҳамасола дар Паёмҳои хеш Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз поктинатию меҳрубонӣ ва далерию ҷасурии занони тоҷик ёдовар мешаванд. Ҳукумати мамлакат дар сиёсати иҷтимоии худ масъалаҳои марбут ба занонро дар меҳвари фаъолияти рӯзмарраи худ қарор дода, барои рушди ин самти муҳим мунтазам тадбирҳои судманд меандешад.
Паёмҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба мақоми олии қонунбарори кишвар - Маҷлиси Олии Ҷумҳурии Тоҷикистон, пеш аз ҳама, далели пешрафти кишвари соҳибистиқлоламон мебошад.
Паём на танҳо таҳлили иҷрои вазифаю нақшаҳои соли сипаришуда, балки нақшаест, ки вазифаҳои муҳимро барои солҳои оянда мушаххасу муайян менамояд.
  1. ИДОМАИ КОРҲОИ ТАЪМИРУ БАРҚАРОРСОЗИИ ПОЙГОҲҲОИ ОБКАШИИ НОҲИЯИ РӮДАКӢ
  2. ВОХӮРИИ ИҶРОКУНАНДАИ ВАЗИФАИ РАИСИ НОҲИЯ ОИД БА МАСЪАЛАИ ОМОДАГӢ БА ДАЪВАТИ БАҲОРИИ СОЛИ 2026
  3. НИШАСТИ МАТБУОТӢ
  4. ИДОМАИ ТАНТАНАҲОИ ҶАШНИ САДА