- Диданд: 19
ДАВРИ НОҲИЯВИИ ФЕСТИВАЛ-ОЗМУНИ “БЕҲТАРИН УСТО ВА ШОГИРД” ДАР НОҲИЯИ РӮДАКӢ
Имрӯз, 5-уми майи соли 2026 дар ноҳияи Рӯдакӣ даври ноҳиявии Фестивал-озмуни ҳунармандону косибон таҳти унвони “Беҳтарин усто ва шогирд” баргузор гардид. Аз рафти баргузории фестивал-озмун раиси ноҳия Нусратулло Салимзода дидан намуда, дар ҳамроҳӣ бо ҳайати комиссия аз растаҳои намоиши ҳунарҳои мардумӣ, аз ҷумла, маҳсулоти қаннодӣ, бофандагӣ ва дӯзандагӣ, коркарди чӯб ва маснуоти филизӣ дидан карда, ба маҳорати ҳунармандон баҳои баланд доданд.
Қайд гардид, ки фестивал-озмуни мазкур бо мақсади эҳёи анъанаҳои неки ниёгон, рушди ҳунарҳои мардумӣ, таҳкими мактаби “усто-шогирд”, дарёфти чеҳраҳои нав ва дастгирии ҳунармандони соҳибистеъдод баргузор карда мешавад. Озмун аз рӯйи чанд номинатсия, аз ҷумла, қаннодӣ, бофандагӣ ва дӯзандагӣ, коркарди чӯб ва коркарди металл доир гардида, ғолибон барои иштирок дар даври ҷумҳуриявӣ роҳхат гирифтанд.
Дар маросими ҷоизасупорӣ муовини раиси ноҳия Зарина Исмоилзода суханронӣ намуда, иброз дошт, ки баргузории чунин озмунҳо барои ҳифз ва рушди ҳунарҳои миллӣ, баланд бардоштани завқи зебоипарастӣ ва тарбияи насли ҷавон дар рӯҳияи ватандӯстӣ заминаи мусоид фароҳам меорад. Дар фарҷом, ғолибону иштирокчиёни фаъоли озмун бо Диплом, Сипоснома ва туҳфаҳои хотиравӣ қадрдонӣ гардиданд.
- Диданд: 42
Рӯз, 4-уми майи соли 2026 ба муносибати Рӯзи касбии кормандони мақомоти андоз аз ҷониби раиси ноҳияи Рӯдакӣ Нусратулло Салимзода ба як қатор кормандони мақомоти андози ноҳия Сипоснома тақдим гардид. Сипосномаҳо дар маросими тантанавӣ, ки бахшида ба иди касбӣ баргузор шуд, аз тарафи муовини раиси ноҳия Саидаҳмад Қосимзода ба кормандони фаъол супорида шуд.
Зимни супоридани мукофотҳо Саидаҳмад Қосимзода фаъолияти софдилонаи кормандони соҳаи андозро дар иҷрои нақшаи буҷет, таъмини даромадҳои давлатӣ ва мубориза бо қонунвайронкуниҳои андозӣ махсус қайд намуда, ба онҳо барои хизмати содиқона изҳори сипос кард. Қайд гардид, ки мақомоти андоз нақши муҳимро дар рушди иқтисодии ноҳия ва беҳбуди сатҳи зиндагии аҳолӣ мебозад.
- Диданд: 26
Вохӯрии раиси ноҳияи Рӯдакӣ бо аҳли соҳаи маориф бо мақсади сазовор таҷлил намудани ҷашни 35-солагии Истиқлоли давлатии Ҷумҳурии Тоҷикистон
Санаи 30-юми апрели соли 2026 дар толори Мақомоти иҷроияи ҳокимияти давлатии ноҳияи Рӯдакӣ ҷаласаи корӣ оид ба таҷлили арзандаи 35 - солагии Истиқлолияти давлатии Ҷумҳурии Тоҷикистон баргузор гардид. Дар ҷаласа раиси ноҳия муҳтарам Салимзода Нусратулло Файзулло қайд намуданд, ки ҳар як шаҳрванд бояд дар якҷоягӣ барои сазовор пешвоз гирифтани ин ҷашни таърихӣ саҳмгузор бошанд.
Саҳмгузории мо аз хона, кӯча, маҳаллаи зисти мо шурӯъ мегардад. Аз ин рӯ, бояд ин ҷашн ва муҳимияти онро мо пурра эҳсос намуда, намоӣ хонаву дари худро ба ин ҷашн омода намоем. Бояд ҳар як шаҳрванд, истиқоматкунандагони ноҳияи мо ин муҳимиятро ҳис намуда, роҳбарон ва директорони муассисаҳои таълимӣ камбудиҳои ҷойдоштаро сари вақт бартараф карда, бо соҳибкорони маҳаллӣ ва мардум аз наздик корбарӣ намоянд.
Махсусан тоза намудани кӯчаҳо, роҳҳои пиёдагардро дар кӯчаҳои ноҳия ташкил намудан, сари вақт супоридани иншоотҳои ҷашнӣ ки дар арафаи 35-солагии Истиқлолияти давлатии Ҷумҳурии Тоҷикистон бояд ба истифода дода шаванд. Алалхусус, биноҳои навтаъсис 3 адад, биноҳои иловагӣ дар муассисаҳои таълимӣ 16 адад, бо 180 синфхонаҳои иловагӣ барои 8640 хонанда, 2 адад хонаи хизматӣ барои 8 омӯзгор, 2 адад толори варзишӣ, 1 адад маркази инкишофи кӯдак бо 4 синфхона, 1 обанбор, 1 кӯдакистон ба иншоотҳои ҷашнии соҳаи маориф ба нақша гирифта шудааст, ки соли 2026 ифтитоҳ меёбанд.
Ҳамзамон, дар давоми ҷаласа оид ба сару либоси мактабӣ ва дастгирии соҳибкорони ватанӣ, истифодаи дурусти телефонҳои мобилӣ, ташкил намудани гӯшаҳои либосҳои тавсиявӣ дар муассисаҳои таълимӣ ва дигар масъалаҳои марбут ба соҳа дарҷ гардидаанд. Инчунин, ба раисони ҷамоатҳои шаҳраку деҳот дастур дода шуд, ки тамоми муассисаҳои таълимӣ, сохторҳо, маҳаллаву кӯчаҳои ноҳия, мағоза ва нуқтаҳои савдои дар маркази ноҳия ва дигар маҳалҳои ҷамоатҳои шаҳраку деҳот тозагии муҳити атрофро таъмин намуда, бо мақсади инъикоси ҷашн бо шиору овезаҳои ҷашнӣ ва рамзҳои давлатӣ оро дода шаванд.
Саҳифаи 1 аз 82
1USD
1EUR
1RUB