- Диданд: 21
БАРРАСИИ РАФТИ АМАЛИСОЗИИ БАРНОМАИ
БАРҚАРОРСОЗӢ ВА РЕИНТЕГРАТСИЯ ДАР НОҲИЯИ РӮДАКӢ
20-уми апрели соли 2026 дар толори хурди Мақомоти иҷроияи ҳокимияти давлатии ноҳияи Рӯдакӣ ҷаласаи гурӯҳи машваратӣ ҷиҳати таъмини иҷрои Барномаи барқарорсозӣ ва реинтегратсияи шахсони дорои гузаштаи экстремистӣ ё террористӣ дар Ҷумҳурии Тоҷикистон барои солҳои 2024–2028 баргузор гардид.
Дар ҷаласа муовини раиси ноҳия, роҳбари гурӯҳи машваратӣ Неъматулло Давлатзода, намояндагони мақомоти ҳифзи ҳуқуқ, роҳбарони раёсату шуъбаҳо, бахшҳо ва дигар масъулин иштирок намуданд. Зикр гардид, ки Барномаи мазкур дар асоси Қарори Ҳукумати Ҷумҳурии Тоҷикистон аз 1-уми июни соли 2024 таҳти №9339 қабул гардида, ба барқарорсозӣ, мутобиқсозӣ ва реинтегратсияи шахсони дорои гузаштаи экстремистӣ ё террористӣ равона шудааст. Бо мақсади татбиқи самараноки он дар ноҳияи Рӯдакӣ нақшаи амали солҳои 2024–2026 тасдиқ гардида, гурӯҳи машваратӣ таъсис дода шудааст.
Дар ҷараёни ҷаласа масъалаҳои марбут ба ҳамоҳангсозии фаъолияти сохторҳои дахлдор, пурзӯр намудани корҳои тарғиботӣ, ҷалби ниҳодҳои иҷтимоӣ ва баланд бардоштани самаранокии чорабиниҳо мавриди баррасӣ қарор гирифтанд. Ҳамчунин, ба раисони ҷамоатҳои шаҳраку деҳот, масъулини соҳаҳои маориф, тандурустӣ, кор бо занон ва оила, фарҳанг, ҷавонон ва варзиш, инчунин, бахши дин ва танзими ҷашну маросим дастур дода шуд, ки фаъолияти гурӯҳҳои дохилиидоравиро тақвият дода, корҳои фаҳмондадиҳӣ ва тарғиботиро дар самти амалисозии Барномаи мазкур ба роҳ монанд. Дар фарҷом масъулин ҷиҳати таъмини иҷрои босифат ва саривақтии чорабиниҳои пешбинишуда вазифадор карда шуданд.
- Диданд: 43
ОҒОЗИ ДАВРИ НОҲИЯВИИ ОЗМУНИ ҶУМҲУРИЯВИИ «ШОҲНОМАХОНӢ» ДАР НОҲИЯИ РӮДАКӢ
Рӯз, 20-уми апрел дар ноҳияи Рӯдакӣ даври ноҳиявии Озмуни ҷумҳуриявии «Шоҳномахонӣ» оғоз гардид. Дар маросими тантанавии ифтитоҳи чорабинӣ, ки дар назди муҷассамаи шоҳ Исмоили Сомонӣ баргузор шуд, муовини раиси ноҳия - раиси комиссии озмун Зарина Исмоилзода, раиси Кумитаи иҷроияи ҲХДТ дар ноҳия Насимҷон Ҳомидзода, сардори раёсати маорифи ноҳия Нуралӣ Ализода, мудири шуъбаи кор бо занон ва оила Мохира Усмонзода ва сармуҳаррири рӯзномаи ноҳиявии "Насими айём" Умеда Алимова иштирок намуданд.
Дар оғози чорабинӣ муовини раиси ноҳия Зарина Исмоилзода баромад намуда, зикр кард, ки Озмуни ҷумҳуриявии «Шоҳномахонӣ» бо мақсади арҷгузоре ба хизматҳой шоири классики тоҷик Абулқосим Фирдавсӣ ва омӯзиши осору таърихи пурғановату пурифтихори миллати токик, омӯзиши амиқу ҳамаҷонибаи корномаҳои шойстаи ниегони миллат дар тули таърих, тақвияти ҳисси худогоҳӣ ва хариносии миллӣ, ифтихори ватандоре, таҳкими ҳофисаи аҳолӣ ва ба ин васила, шинохти нақши халқи куҳанбунёду фарҳангсолори тоҷик дар рушди тамаддуни звучит, ки бо далелҳой раднопазир ва бо такя ба сарчашмаҳой илмию таърихӣ дар китоби «Шоҳнома»-и безаволи Абулқосим Фирдавсӣ инъикос ёфтааст, таҳти сарпарастии Президенти Ҷумҳурии Тоҷикистон доир мегардад. Гуфта шуд, ки осори безаволи Абулқосим Фирдавсӣ, бахусус, «Шоҳнома», ҳамчун сарчашмаи бузурги ахлоқу маърифат, дар тарбияи ҷавонон нақши муҳим дошта, тавас чунин озмунҳо муҳаббат ба таъриху фарҳанги миллӣ дар қалби онҳо реша медавонад.
Дар фарҷоми суханроне муовини раиси ноҳия ҳамаи иштирокчиёнро ба муносибати оғози даври ноҳиявии озмун самана муборакбод гуфта, ба онҳо барору муваффақият ва пирӯзӣ таманно кард. Сипас, дар бинои Китобхонаи ноҳия даври ноҳиявии озмун оғоз шуд ва иштирокдорон аз рӯйи гурӯҳҳои синнусоле баромадҳоро шуруъ карданд. Тибқи иттилои раёсати маорифи ноҳия дар даври якуми озмун 2243 нафар, аз ҷумла, 1773 нафар духтарон аз ҳисоби ҳамаи гурӯҳҳои синнусолӣ ширкат варзида, аз ин шумора ба даври дуум (ноҳиявӣ) 747 нафар роҳхат гифтанд.
- Диданд: 38
БАРГУЗОРИИ ДАВРИ НОҲИЯВИИ ОЗМУНИ ҶУМҲУРИЯВИИ
«КАДБОНУИ БЕҲТАРИН» ДАР НОҲИЯИ РӮДАКӢ
Рӯз, 18-уми апрели соли 2026 дар боғи фарҳангию фароғатии ноҳияи Рӯдакӣ даври ноҳиявии озмуни ҷумҳуриявии «Кадбонуи беҳтарин» бо шукӯҳу шаҳомати хос баргузор гардид.
Чорабинии мазкур бо мақсади иҷрои дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, инчунин дар доираи нақшаи чорабиниҳои Ҳукумати Ҷумҳурии Тоҷикистон ва Мақомоти иҷроияи ҳокимияти давлатии ноҳияи Рӯдакӣ роҳандозӣ гардида, ба тарғибу эҳёи анъанаҳои миллӣ, ҳифзи таомҳои суннатӣ ва баланд бардоштани маҳорати кадбонугии занону бонувон равона шуда буд.
Дар маросими ифтитоҳи озмун намояндагони Кумитаи кор бо занон ва оилаи назди Ҳукумати Ҷумҳурии Тоҷикистон, аз ҷумла муовини раиси Кумита Абдулмаинзода Зарина, мудири шуъбаи иттилооти Кумита Исломзода Боғигул, инчунин муовинони раиси ноҳияи Рӯдакӣ — Давлатзода Неъматулло ва Исмоилзода Зарина, ҳамчунин мудири шуъбаи кор бо занон ва оилаи ноҳия Усмонзода Моҳира иштирок намуданд.
Зимни баргузории озмун кадбонувони ҳунарманд аз ҷамоату деҳоти гуногуни ноҳия маҳорати баланди худро дар омода намудани хӯрокҳои миллӣ, ороиши дастархон ва пешниҳоди фарҳанги хонаводагӣ ба намоиш гузоштанд. Таомҳои омоданамуда на танҳо бо лаззати хос, балки бо тарзи зебои ороиш ва риояи суннатҳои миллӣ таваҷҷуҳи ҳайати ҳакамон ва меҳмононро ҷалб намуд. Ҳайати ҳакамон ба ҳар як иштирокчӣ аз рӯйи меъёрҳои муайян — маҳорати пухтупаз, тарзи пешниҳоди таом, тозагӣ, навоварӣ ва эҳтиром ба анъанаҳои миллӣ баҳо дода, сатҳи омодагии иштирокчиёнро баланд арзёбӣ карданд.
Дар фарҷоми чорабинӣ ғолибон ва иштирокчиёни фаъоли озмун аз ҷониби Кумитаи кор бо занон ва оилаи назди Ҳукумати Ҷумҳурии Тоҷикистон ва Мақомоти иҷроияи ҳокимияти давлатии ноҳияи Рӯдакӣ бо диплом, сипоснома ва туҳфаҳои хотиравӣ қадрдонӣ гардиданд.
Бояд зикр намуд, ки баргузории чунин озмунҳо дар таҳкими арзишҳои миллӣ, рушди фарҳанги хонаводагӣ ва боло бурдани мақоми зан дар ҷомеа нақши муҳим дошта, барои эҳёи суннатҳои неки ниёгон заминаи мусоид фароҳам меорад.
Саҳифаи 4 аз 82
1USD
1EUR
1RUB