- Диданд: 12
Тозаву озода нигоҳ доштани муҳити зист нишонаи фарҳанги баланди ниёгони мост. Бо мақсади сазовор истиқбол гирифтани ҷашни 35-солагии Истиқлолияти давлатии Ҷумҳурии Тоҷикистон ва тозаву озода нигоҳ доштани муҳити зист, баланд бардоштани фарҳанги ноҳиядорӣ ва ободу зебо гардонидани маҳалли зист, муассисаҳо ва сохторҳо санаи 25-уми апрели соли 2026 дар тамоми ҷамоатҳои шаҳраку деҳоти ноҳия шанбегии умумӣ бо даъвати тамоми кормандон ва шахсони масъул дар ҳар як минтақа роҳандозӣ гардид. Дар доираи шанбегӣ корҳои зерин, аз ҷумла тоза намудани кӯчаҳо, маҳаллаҳо ва роҳҳои дохилӣ, поксозии ҷӯйборҳо ва заҳбурҳо, ҷамъоварӣ ва баровардани партовҳо, сафедкунии дарахтон ва канораҳои роҳ, насб ва ба тартиб даровардани парчамҳо, ободу кабудизоркунии атрофро роҳандозӣ намуданд. Тозагӣ ва ободӣ нишонаи фарҳангу масъулиятшиносии ҳар яки мост.
- Диданд: 26
Дар доираи таҷлили Рӯзи байналмилалии ҳифзи меҳнат 24-уми апрели соли 2026 дар толори Мақомоти иҷроияи ҳокимияти давлатии ноҳияи Рӯдакӣ чорабинии тантанавӣ баргузор гардид. Дар чорабинӣ роҳбарони сохторҳои маҳаллӣ, намояндагони иттифоқҳои касаба ва фаъолони соҳа иштирок намуданд. Муовини Раиси ноҳияи Рӯдакӣ Исмоилзода Зарина Исмоил зимни ифтитоҳи ҳамоиш иброз дошт, ки ҳифзи меҳнат яке аз самтҳои афзалиятноки сиёсати иҷтимоии Ҳукумати Ҷумҳурии Тоҷикистон ба ҳисоб рафта, ба таъмини шароити бехатару мусоиди меҳнат ва ҳифзи саломатии кормандон равона гардидааст.
Сардори Раёсати Агентии меҳнат ва шуғли аҳолӣ Мардонзода Гулбаҳор ва Сардори Раёсати Агентӣ дар ноҳияи Рӯдакӣ Муминов Одилҷон дар баромадҳои худ таъкид намуданд, ки татбиқи сиёсати давлатӣ дар соҳаи ҳифзи меҳнат, баланд бардоштани сатҳи огоҳии кормандон, ҷорӣ намудани стандартҳои муосири бехатарӣ ва таҳкими назорати дохилиидоравӣ аз омилҳои муҳими пешгирии ҳодисаҳои истеҳсолӣ ва бемориҳои касбӣ мебошанд.
Намояндагони иттифоқҳои касаба низ оид ба нақши назорати ҷамъиятӣ дар риояи қонунгузории меҳнат андешаронӣ намуда, таъмини амнияти техникӣ ва ҳифзи иҷтимоии кормандонро шарти муҳими баланд бардоштани самаранокии фаъолияти меҳнатӣ арзёбӣ карданд. Дар анҷоми чорабинӣ як қатор фаъолони соҳа барои саҳми арзанда дар рушди ҳифзи меҳнат бо Сипоснома ва туҳфаҳои хотиравӣ қадрдонӣ гардиданд.
- Диданд: 27
Вохӯрии аъзои гурӯҳи корӣ бо сокинони деҳаҳои Султонобод 1, Султонобод 2, Султонобод 3, Балхӣ, Иттифоқ, Баракат, Офтобрӯя, Чаманоро, Гулоб ва Лолазори Ҷамоати деҳоти Султонобод. Санаи 24-уми апрели соли 2026 дар асоси Нақшаи чорабиниҳои Мақомоти иҷроияи ҳокимияти давлатии ноҳияи Рӯдакӣ дар мавриди вусъатбахшии корҳои таблиғотиву ташвиқотӣ ва таҳкими худогоҳиву хештаншиносӣ миёни аҳолӣ, аъзои гурӯҳи корӣ бо истифода аз усули «Деҳа ба деҳа» бо сокинони деҳаҳои ҷамоати деҳоти Султонобод вохӯриву мулоқоти судманд анҷом доданд.
Дар ҷараёни вохӯриву мулоқоти мазкур сармутахассиси шуъбаи рушди иҷтимоӣ ва робита бо ҷомеаи Мақомоти иҷроияи ҳокимияти давлатии ноҳияи Рӯдакӣ Нуров Парвиз, сармутахассиси бахши дин Назаров Беҳрӯз, намояндаи кумитаи иҷроияи ҲХДТ дар ноҳияи Рӯдакӣ Салимова Манзура ва намояндагони Ҷамоати деҳоти Султонобод бо сокинони деҳаҳои мазкур доир ба масъалаҳои моҳияти дин ва диндорӣ, тоза кардани имону эътиқод аз хурофот ва таассуб, анҷом додани корҳои хайру савоб, амсоли роҳсозӣ, обкашонӣ, инчунин, пешгирӣ аз таълимоти нодуруст ва ғайрирасмии динию мазҳабӣ, пешгирии тамоюл ба пӯшидани либосҳои бегона ва симои зоҳирии тақлидкорона бо баҳонаҳои сатру ҳиҷоб ва суннати исломӣ, дуруст шакл додани ақидаҳои динӣ ва имону эътиқод, риояи ҳатмии талаботи қонунҳои Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон» ва «Дар бораи масъулият дар таълиму тарбияи кӯдак» , ҳамзамон оид ба зарурати машғул шудан ба кори пурмаҳсул, дуруст танзим кардани раванди муҳоҷирати аҳолӣ ба хориҷи кишвар, захираи маводи ғизоӣ барои на кам аз 2 сол, мақсадноку сарфакорона истифода бурдани неруи барқ, пешгирии талафот ва дуздии он, мусоидат дар пешгирии омилҳои коррупсионӣ дар фаъолияти мақомоти давлатӣ ва ташкилоту муассисаҳои хизматрасон, эҳсоси масъулият дар раванди татбиқи ҳадафҳои стратегӣ, аз ҷумла, таъмини амнияти озӯқаворӣ, такомули фаҳмиши дурусти сиёсӣ, фаъол гардонидани мардум дар самти анҷом додани корҳои амалии созандагию бунёдкорӣ, таблиғу ташвиқи моҳияти ҳифзи Истиқлоли давлатӣ, Ваҳдати миллӣ ва сулҳу субот, баланд бардоштани эҳсоси масъулияти шаҳрвандон дар раванди давлатдорию давлатсозӣ суҳбатҳои самимӣ анҷом доданд.
Илова бар ин, ҳайати гурӯҳ мавзуъҳои мубрами рӯз, аз ҷумла, пешгирии шомилшавии ҷавонон ба ҳизбу ҳаракатҳои террористиву ифротӣ, ҷалби ҷавонон ба корҳои ободониву созандагӣ, баланд бардоштани маърифати ҳуқуқӣ ва сиёсии шаҳрвандон, ҷаҳонбинӣ ва эҳсоси худшиносиву худогоҳии миллӣ дар ҷомеа, тарғиби фарҳанги миллӣ ва мубориза бо таҳоҷуми фарҳангиву идеологӣ, омода намудани ҷавонон ба ҳаёти мустақилона, пешгирии аз таҳсил дур мондани фарзандон, риояи талаботи қонунгузории кишвар ва дигар масъалаҳои мавриди назар суҳбат карданд. Дар ҷараёни вохӯриву мулоқоти мазкур аз ҷониби сокинону фаъолон низ ба масъулин оид ба ҳалли масъалаҳои мубрами рӯз таклифу дархостҳои судманд пешниҳод гардид.
Саҳифаи 2 аз 82
1USD
1EUR
1RUB