- Диданд: 7
Бо мақсади таъмини иҷрои дастуру ҳидоятҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба рушди сайёҳии дохилӣ ба ҷойҳои таърихӣ, сайёҳӣ махсусан мавзеъҳои кӯҳӣ Нақшаи Мақомоти иҷроияи ҳокимияти давлатии ноҳияи Рӯдакӣ ва нақшаи чорабиниҳои бахши сайёҳӣ Хатсайри сайёҳии кормандони Мақомоти иҷроияи ҳокимияти давлатии ноҳияи Рӯдакӣ ба мавзеи сайёҳию кӯҳӣ, ки ин навъи сайёҳӣ дар табиат бо истифода аз хаймаҳои махсус роҳандозӣ мегардад, ба тасвиб расида, имрӯзҳо роҳандозӣ гардида истодааст.
Санаи 25-уми апрели соли 2026 кормандони Мақомоти иҷроияи ҳокимияти давлатӣ ба мавзеи сайёҳию кӯҳӣ дар ҷамоати деҳоти Қиблаӣ сурат гирифт. Боиси ифтихор аст, ки чунин мавзеъҳо макони сайёҳони дохилию хориҷӣ гардида истодааст. Ба тамоми хоҳишмандон барои сайёҳӣ ин мавзеъро тавсия дода гуфтанием, ки дастгирии мо шаҳрвандони Тоҷикистон дар ташаккули сайёҳии дохилӣ ин ба маконҳои сайёҳӣ рафтан ва онҷоро барои як рӯзи хубу бо фароғат худ истифода намудан аст.
Боис ба ёдоварист, ки дар ин мавзеъ хаймаҳо гузошта шудааст, ки сайёҳони дохилию хориҷӣ аз онҳо истифода карда, бо аҳли оила ё гурӯҳ истироҳат карда метавонанд. Ҳамзамон сайёҳон метавонанд дар ин мавзеъ аспсаворӣ намоянд. Дар ин ҷо тамоми шароит барои истироҳати сайёҳӣ дар кӯҳ фароҳам оварда шудааст.
- Диданд: 33
Имрӯз дар Театри давлатии академии опера ва балети ба номи Садриддин Айнӣ маросими ҷоизасупории Фестивали ҷумҳуриявии гулҳо таҳти унвони «Сайри гули лола» баргузор гардид, ки дар он намояндагони Мақомоти иҷроияи ҳокимияти давлатии ноҳияи Рӯдакӣ низ иштирок доштанд ва бо «Сипоснома»-и Кумитаи рушди маҳали назди Президенти Ҷумҳурии Тоҷикистон қадрдонӣ карда шуданд.
Фестивал аз рӯи 10 номинатсия: «гулпарвари беҳтарин», «гулгашт ва хиёбон», «боғҳои фарҳангию фароғатӣ», «деҳаи беҳтарин», «маҳаллаи беҳтарин», «деҳоти беҳтарин», «шаҳраки беҳтарин», «ноҳияи беҳтарин» ва «вилояти беҳтарин» баргузор гардид.
Дар ҳамоиш муовини Сарвазири Ҷумҳурии Тоҷикистон Сулаймон Зиёзода иброз дошт, ки фестивал тибқи Амри Президенти Ҷумҳурии Тоҷикистон ба истиқболи ҷашни 35-солагии Истиқлолияти давлатӣ гузаронида шуда, ҳадаф аз он вусъат додани корҳои ободонӣ, бунёдкориву созандагӣ, бедор намудани завқи зебоипарастӣ дар зеҳни ҳар сокини мамлакат ва маърифати экологӣ, ободу зебо намудани ҳар хона, кӯча, маҳалла, деҳа, деҳот, шаҳрак, ноҳия, шаҳр, вилоят ва ҷумҳурӣ мебошад.
Ҳадаф аз баргузории Фестивали «Сайри гули лола» эҳёи анъанаҳои ниёгон дар самти эҳтиром нисбат ба зебоӣ, ободонӣ ва хуррамгардонии муҳити атроф, бедор намудани муҳаббати аҳолӣ ба гулпарварӣ, ҳифзи мероси табиӣ, ободу зебо намудани ҳар хона, кӯча, маҳалла, деҳа, деҳот, шаҳрак, ноҳия, шаҳр, вилоят, ҷумҳурӣ ва дар ин замина ҷалби сайёҳону рушди соҳаи сайёҳӣ дар мамлакат мебошад.
Тибқи иттилои таърихшиносон, нақши гули лола дар қадимтарин осори бостонӣ ба назар мерасад. Қадимӣ будани нақши лола дар мӯҳрҳои сангӣ ва биринҷие, ки сабт шудаанд, беш аз 20 аср пеш аз мелодро ташкил медиҳад. Дар асрҳои 3-5 мелодӣ нақши гули лола дар зарфҳои нуқрагин ва муҳрҳо бо се гулбарг ба тасвир кашида шудааст.
Ёдовар мешавем, ки Фестивали гулҳо- «Сайри гули лола» мувофиқи Амри Президенти Ҷумҳурии Тоҷикистон соли ҳаштум аст, ки дар тамоми ҷумҳурӣ гузаронида мешавад. Ғолибони Озмуни ҷумҳуриявии «Сайри гули лола» бо туҳфаҳои хотиравии Кумитаи рушди маҳал сарфароз гардонида мешаванд.
- Диданд: 14
ИДОМАИ ТАНТАНАҲОИ НАВРӮЗӢ ДАР ДЕҲАИ ШӮРЧАШМАИ ҶАМОАТИ ДЕҲОТИ ЧОРГУЛТЕППА
18-уми апрели соли 2026 дар деҳаи Шӯрчашмаи Ҷамоати деҳоти Чоргултеппаи ноҳияи Рӯдакӣ, ҷиҳати иҷрои Нақшаи Мақомоти иҷроияи ҳокимияти давлатии ноҳияи Рӯдакӣ оид ба ҷашни байналмилалии Наврӯз дар ноҳияи Рӯдакӣ, чорабинии тантанавӣ бо нишон додани расму оинҳо ва бозиҳои миллӣ баргузор гардид.
Дар чорабинии мазкур муовини раиси ноҳия Исмоилзода Заррина, муовини раиси Ҷамоати деҳоти Чоргултеппаи ноҳия, намояндагони мақомот ва сохторҳои ноҳия, директори муассисаи таълимии маҳалла, раисони маҳаллаҳо ва сокинони деҳаҳои ҷамоати деҳоти Чоргултеппа иштирок намуданд. Дар чорабинӣ бозии миллии тоҷикон Гӯштини миллӣ миёни мардон ва миёни занону духтарон анъанаҳои миллӣ аз қабили тайёр намудани хӯрокҳои миллии маҳаллӣ бо барномаи фарҳангӣ сурат гирифт. Ҳамзамон бо дастгирии мақомоти иҷроияи ҳокимияти давлатии ноҳияи Рӯдакӣ ва соҳибкорони маҳаллӣ хатнасури 10 нафар кӯдакон аз оилаҳои ниёзманди Ҷамоати деҳоти Чоргултеппа гузаронида шуд. Боиси қайд аст, ки чорабиниҳои бахшида ба ҷашнҳои миллию таърихӣ боис мегардад, ки мардуми сарбаланди тоҷик бори дигар анъанаҳои миллии худро пос дошта, ҷавонону наврасон аз фарҳанги баланди ниёгони хеш огаҳ бошанд.
Махсусан дар ободу зебо намудани ҳар гӯшаи диёри худ, сохтани пулҳо, гузаронидани об, дастгирии ниёзмандон, тарзи либоспӯшии миллӣ, меҳмоннавозӣ, омода намудани хӯрокҳои миллӣ ва бозиҳои миллии тоҷикона нишонаи дарки масъулияти баландӣ шаҳрвандии мардуми тоҷикро нишон медиҳад.
Саҳифаи 1 аз 4
1USD
1EUR
1RUB