- Hits: 267
Субҳи имрӯз, 22-уми майи соли 2024 дар ноҳияи Рӯдакӣ бахшида ба оғози моҳвораи ҷавонон ва истиқболи сазовори Рӯзи ҷавонони Тоҷикистон зери унвони "Ҷавонон - пайравони Пешвои миллат!" роҳпаймоии идона ва чорабинии тантанавӣ доир гардид.
Дар роҳпаймоӣ зиёда аз 8 500 нафар ҷавонон, хизматчиёни давлатӣ, гирандагони стипедияи Президентӣ ва стипендияи раиси ноҳия, варзишгарон, донишҷӯёну хонандагони муассисаҳои таълимии ноҳия, намояндагони ҷамоату шаҳракҳо, муассисаву ташкилот ва идораву сохторҳои давлатӣ ва дигарон фаъолона ширкат намуданд.
Роҳпаймоӣ аз кӯчаи ба номи С. Шерозӣ оғоз шуда, то майдони назди муҷассамаи устод Абуабдуллоҳ Рӯдакӣ идома кард. Ҷавонони ноҳия бо шиорҳои "Пешвои мо - ифтихори мо", "Ҷавонон - пайравони Пешвои миллат", "Ҷовидон бод, ҷавонӣ ва ҷавонон" бо руҳияи болида ва ифтихор аз Тоҷикистони соҳибистиқлол ва илҳом аз сиёсати ҷавонпарваронаи Пешвои миллат муҳтарам Эмомалӣ Раҳмон роҳпаймоӣ намуданд.
Пас аз ҷамъ омадани ширкатдорони роҳпаймоӣ дар майдони назди муҷассамаи устод Абуабдуллоҳ Рӯдакӣ бо иштироки раиси ноҳия Абдуғаффор Ҳикматуллозода, муовинон, роҳбари дастгоҳи раиси ноҳия, кормандони ташкилоту муассисаҳо ва наврасону ҷавонони ноҳия чорабинии идона баргузор шуд.
Дар чорабинӣ раиси ноҳия Абдуғаффор Ҳикматуллозода суханронӣ намуда, ҳозирин ва тамоми сокинони ноҳияро ба ифтихори Рӯзи ҷавонони Тоҷикистон табрику таҳният хонд. Қайд гардид, ки насли ҷавони диёр ҳамчун насли созанда дар татбиқи ҳадафҳои олии Пешвои муаззами миллат муҳтарам Эмомалӣ Раҳмон пайгирона талошу кушиш намуда истодаанд. Боиси қаноатмандист, ки ҷавонони бонангу номуси ноҳия дар пайи таҳсил, интихоби касб ва аз худ кардани техникаву технологияҳои муосир талош карда, дар дохилу хориҷи мамлакат илму донишҳои муосир ва барои кишвару ноҳияаамон заруриро аз бар доранд.
Гуфта шуд, ки қисме аз ҷавонон бо азму иродаи матин дар соҳаҳои истеҳсолӣ ва сохтмонҳои бузурги кишвар заҳмат мекашанд, дар сафҳои Қувваҳои Мусаллаҳ, аз ҷумла дар ҳифзи марзу буми Ватан ва таъмини амнияту оромии давлат ва ҷомеа қарор доранд ва иддае Парчами Тоҷикистони азизро дар мусобиқаҳои байналмилалӣ ва минтақавӣ баланд мебардоранд.
- Бо боварӣ гуфта метавонам, ки мақомоти иҷроияи ҳокимияти давлатии ноҳия, аҳли зиё ва ҷавонони бонангу номуси ноҳия ба хотири ободии сарзамини аҷдодиамон, пешрафти давлати соҳибистиқлоламон, баланд бардоштани обрӯи он дар арсаи байналмилалӣ ва ҳимояи манфиатҳои миллату давлат бо дасту дилу нияти пок ва содиқонаву поквиҷдонона хизмат намуда, бо ин амали неку созандаи хеш қарзи виҷдониву инсонии худро адо менамоянд, - иброз дошт раиси ноҳия Абдуғаффор Ҳикматуллозода.
Дар идомаи чорабинӣ аз ҷониби мақомоти иҷроияи ҳокимияти давлатии ноҳия бахшида ба Рӯзи ҷавонони Тоҷикистон як қатор кормандони ташкилоту муассисаҳо бо Сипоснома қадрдонӣ гардиданд.
- Hits: 227
Санаи 21-уми майи соли ҷорӣ дар ноҳияи Рӯдакӣ ҷиҳати сазовор таҷлил намудани Рӯзи ҷаҳонии футбол як қатор чорабиниҳо баргузор гардиданд.
Нахуст, дар маркази ноҳия бо иштироки ҳайати дастаҳои "Рангон", "Ситора", "Куктош" ва дастаи наврасон ҷамъомад доир шуд. Дар ҷаласа раиси ноҳияи Рӯдакӣ Абдуғаффор Ҳикматуллозода ва муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Сураҷ Чоршанбезода иштирок ва суханронӣ намуданд.
Дар чорабинӣ ноиби Президенти ФФТ, сохторҳои мақомот, ҷавонон, варзишагарон ва соҳибкорони ноҳия иштирок намуданд.
Раиси ноҳия дар суханронии худ қайд намуд, ки мо ҳамасола шоҳиди навгониҳо ва иқдомҳои сатҳи ҷаҳонии кишвари азизамон гардида истодаем. Бахусус, бо шарофати сиёсати хирадмандона ва дурбинонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ташаббусҳои ҷаҳонии Тоҷикистон мавриди қабули ҷомеаи ҷаҳонӣ гардида, нуфузу мартаба ва обрӯву эътибори кишвари азизамон рӯз аз рӯз дар сатҳи байналмилалӣ боло меравад ва таваҷҷуҳи ҷомеаи ҷаҳонӣ ба кишвари мо бештар мегардад.
Бешак, имрӯз ҳар як шаҳрванди Тоҷикистони азиз аз он ифтихор менамояд, ки шаш ташаббуси сатҳи байналмилалии кишварамон, мавриди пазириши ҷаҳониён қарор гирифта, ҳамаи онҳо моҳиятан таблиғи фарҳанги башардӯстона, ҳифзи сайёра ва тарғиби тарзи ҳаёти солим дар арсаи ҷаҳониро доранд.
Ҳамин тариқ, ташабуси навбатии ҷониби Тоҷикистон, ки санаи 9-уми феврали соли ҷорӣ, аз ҷониби Президенти Ассотсиатсияи футболи Осиёи Марказӣ (CAFA), Президенти Федератсияи футболи Тоҷикистон муҳтарам Рустами Эмомалӣ ба Созмони Милали Муттаҳид пешниҳод гардид, як иқдоми наве дар пайравӣ аз иқдомҳои неки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ҳисоб меравад.
Президенти Ассотсиатсияи футболи Осиёи Марказӣ (CAFA) муҳтарам Рустами Эмомалӣ зимни пешниҳоди таҷлили Рӯзи ҷаҳонии Футбол ба СММ арзиши ин падидаро чунин арзёбӣ намуда буданд: «Ин як намуди варзиш, падидаи фарҳанги умумиҷаҳонӣ аст, ки марзҳои миллӣ, монеаҳои забонӣ ва тафовутҳои иҷтимоиву иқтисодиро убур менамояд. Ин як варзише аст, ки ҷаҳонро муттаҳид месозад ва бо забони универсалӣ сухан мегӯяд, ки ба ҳамагон маълум аст, яъне аз кӯчаҳои пур аз мухлиси шаҳрҳои бузург сар карда, то деҳаҳои дурдасттарини ҷаҳон футболро мешиносанду бозӣ мекунанд. Бо назардошти ин пешниҳод дорам, ки нақши футболро дар сатҳи ҷаҳонӣ эътироф намуда, дар Созмони Милали Муттаҳид аз тариқи қабули Қатъномаи махсуси Маҷмаи Умумии Созмони Милали Муттаҳид Рӯзи ҷаҳонии футбол расман эълон гардад».
Ба бахти миллати тоҷик, Ассамблеяи генералии Созмони Милали Муттаҳид қатъномаро оид ба эълони Рӯзи ҷаҳонии футбол ба тасвиб расонд ва рӯзи 25-уми майро ҳамчун Рӯзи ҷаҳонии футбол қабул намуд, ки ҷойи ифтихор барои ҳар тоҷику тоҷикистонист.
Сокинон ва варзишгарони ноҳияи Рӯдакӣ ин иқдоми башардӯстонаи байналмилалии навбатиро бо ифтихор дастгирӣ намуда, ба хотири сазовор ҷашн гирифтани Рӯзи ҷаҳонии футбол байни дастаҳои футбол ва хонандагони муассисаҳои таълимии ноҳия мусобиқаи варзишӣ аз намуди футболи хурдро барои дарёфти «Ҷоми раиси ноҳияи Рӯдакӣ» баргузор намуданд.
Пас аз суханронии раиси ноҳия филми мустанади "Аз ҷаҳони футбол" намоиш дода шуд. Ҳамзамон, дар рафти чорабинӣ аз ҷониби бахши фарҳанги ноҳия бо иштироки сарояндагон барномаи фарҳангӣ пешкаши ҳозирин гардид.
Дар анҷоми чорабинӣ ба дастаҳои "Рангон"-и ноҳия 20 000 сомонӣ, ба "Куктош" 50 000 сомонӣ, ба "Ситора" 10 000 сомонӣ ва ба дастаи наврасони ноҳия 5 000 сомонӣ ва Диплому туҳфаҳои хотиравӣ тақдим гардид.
Ғолибони мусобиқаи "Ҷоми раиси ноҳияи Рӯдакӣ" байни наврасони то 16-солаи ноҳия бо Ҷом, медал, Ифтихорнома ва туҳфаҳо, аз қабили либосҳои варзишӣ мукофотонида шуданд.
- Hits: 232
Ҳамасола дар асоси Фармони Президенти Ҷумҳурии Тоҷикистон, аз 28 марти соли 2007 ва бахшида ба Рӯзи ҷавонони Тоҷикистон, якшанбеи сеюми моҳи май дар саросари кишвар мусобиқаи Дави миллӣ ва марафони велосипедронӣ баргузор карда мешавад.
Имсол баргузории Дави миллӣ ва марафони велосипедронӣ ба санаи 19-уми май рост омад. Дар ин асос аз 2-юми майи соли ҷорӣ Амри раиси ноҳияи Рӯдакӣ "Дар бораи баргузории Дави миллӣ ва марафони велосипедронӣ бахшида ба таҷлили Рӯзи ҷавонони Тоҷикистон" ба тасвиб расид.
Субҳи имрӯз, 19-уми май дар маркази ноҳияи Рӯдакӣ - шаҳраки Сомониён бо иштироки кормандони ташкилоту муассисаҳо ва доираи васеи сокинон мусобиқаи Дави миллӣ ва марафони велосипедронӣ гузаронида шуд. Дар чорабинии мазкур раиси ноҳия - Абдуғаффор Ҳикматуллозода раиси дастгоҳ ва муовинони раиси ноҳия, мудирони шуъбаю бахшҳо, инчунин раисони ҷамоатҳои шаҳраку деҳот, роҳбарони корхонаҳо, ташкилоту муассисаҳо ва хоҷагиҳои деҳқонӣ ширкат варзиданд
Пеш аз оғози мусобиқа раиси ноҳия - Абдуғаффор Ҳикматуллозода баромад намуда, иштирокчиёни Дави миллӣ ва марафони велосипедрониро ба муносибати Рӯзи ҷавонон табрик кард. Гуфта шуд, ки баргузории чунин чорабиниҳо ҷиҳати боз ҳам оммавӣ намудани варзиш ва таҳкими тарзи ҳаёти солим дар миёни сокинон мусоидат менамояд.
Мусобиқаи дав ва марафони велосипедронӣ аз даромадгоҳи шаҳраки Сомониён то майдони муҷассамаи Абуабдуллоҳ Рӯдакӣ давом кард. Пас аз натиҷагирии мусобиқа аз ҷониби ҳакамон ғолибон дар миёни мардон ва занон муайян гардиданд.
Дар маросими ҷамъбасти мусобиқа раиси ноҳияи Рӯдакӣ - Абдуғаффор Ҳикматуллозода суханронӣ намуда, ғолибонро аз номи Мақомоти иҷроияи ҳокимияти давлатии ноҳия табрик кард. Сипас, нафарони пирӯз бо Диплом, Ҷом, медал ва туҳфаҳои арзишманд қадрдонӣ карда шуданд.
Page 1 of 9
1USD
1EUR
1RUB