- Hits: 27
ДАВИ МИЛЛӢ ВА МАРАФОНИ ВЕЛОСИПЕДРОНӢ
Субҳи 17-и май дар маркази ноҳияи Рӯдакӣ бо иштироки доираи васеи сокинон мусобиқаи Дави миллӣ ва веломарафон гузаронида шуд. Дар чорабинии мазкур муовини якуми раиси ноҳия Шарифзода Аҳлиддин, муовинони раиси ноҳия, раиси дастгоҳи ноҳияи Рӯдакӣ, инчунин раисони ҷамоатҳои шаҳраку деҳот, роҳбарони корхонаҳо, ташкилоту муассисаҳо ширкат варзиданд. Ҳамасола моҳи май дар тамоми гӯшаву канори ҷумҳурӣ бо иштироки васеи сокинони мамлакат, намояндагони кормандони касбу кори гуногун, вазорату кумитаҳо, корхонаю муассиса ва ташкилоту идораҳо Дави миллӣ ва марафони велосипедронӣ ба муносибати Рӯзи ҷавонон баргузор мегардад.
Дави миллӣ ва марафони велосипедронӣ дар асоси Фармони Президенти Ҷумҳурии Тоҷикистон аз 28 марти соли 2007 «Дар бораи Рӯзи дави миллӣ» ҳамасола дар ҷумҳурӣ якшанбеи сеюми моҳи май гузаронида мешавад. Дави миллӣ маъракаи умумимиллӣ буда, мақсад аз баргузории мусобиқа таҳкими тарзи ҳаёти солим, рушду инкишофи соҳаи варзиш ва оммавияти он дар байни аҳолӣ мебошад. Таваҷҷуҳ ба соҳаи варзиш ва бо ин роҳ таъмин намудани солимиву саломатии аҳолӣ яке аз ҳадафҳои асосии давлат ва Ҳукумати Ҷумҳурии Тоҷикистон ба ҳисоб меравад.
Мусобиқаи дав ва марафони велосипедронӣ аз даромадгоҳи шаҳраки Сомониён то майдони марказии ноҳия давом карда, ғолибон дар миёни мардон ва занон муайян гардиданд. Баъди ҷамъбасти мусобиқа нафарони пирӯз аз ҷониби бахши кор бо ҷавонон ва варзиши ноҳия бо Сипоснома ва туҳфаҳои арзишманд қадрдонӣ карда шуданд.
- Hits: 45
Pӯз, 23-юми апрели соли 2026 дар толори Мақомоти иҷроияи ҳокимияти давлатии ноҳияи Рӯдакӣ бо мақсади шарҳу тавзеҳи нуктаҳои муҳимии Паёми Президенти Ҷумҳурии Тоҷикистон, Пешвои муаззами миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, инчунин, ҷиҳати таҳкими худшиносии миллӣ, боло бурдани ҳисси ватандӯстии шаҳрвандон, пешгирии амалҳои террористиву экстремистӣ, ҷинояту ҷинояткорӣ, нашъамандӣ, оворагардӣ, тақлиди фарҳанги бегона, риояи қонунҳои миллӣ, ҷалби ҷавонон ба хизмати ҳарбӣ Конференсия таҳти унвони "Паём, ҷавонон ва ҳифзи манфиатҳои миллӣ" баргузор гардид.
Дар Конференсия муовини раиси ноҳия Зарина Исмоилзода, судяи Суди конститутсионӣ Фотеҳ Қувватзода, ёрдамчии судяи Суди конститутсионӣ Зарина Шоҳназарзода ва фаъолону ҷавонони ноҳияи Рӯдакӣ ширкат варзиданд. Зимни маърузаҳо гуфта шуд, ки Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ самтҳои муҳимми рушди иҷтимоию иқтисодӣ, энергетика, сиёсати давлатии ҷавонон, пешгирии амалҳои номатлуб, баланд бардоштани ҳисси худшиносиву худогоҳии наврасону ҷавонон, инчунин, вусъат бахшидани корҳои созандагиву бунёдкориро дар бар гирифта, барои рушди устувори кишвар заминаи мусоид фароҳам меорад.
Зикр шуд, ки дар робита ба эълон гардидани соли 2026 ҳамчун «Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ» ҳар як шаҳрванд бояд дар ободонӣ ва пешрафти Ватани азизамон саҳми арзанда гузорад Қайд гардид, ки ҷиҳати татбиқи саривақтӣ ва босифати дастуру супоришҳои Пешвои муаззами миллат муҳтарам Эмомалӣ Раҳмон, ки дар Паём таъкид гардидаанд, бояд ҳамаҷониба тадбирҳо андешида шавад. Дар фарҷоми конференсия аз тарафи ҷавонон ба меҳмонон суолҳо пешниҳод гардида, ҷавобҳои мушаххас шунида шуд ва бо ҳамин кори конференсияи мазкур қаноатбахш арзёбӣ гардид.
- Hits: 56
Имрӯз ба ифтихори ҷашни байналмилалии Наврӯз дар деҳаи Пахтакори Ҷамоати деҳоти Чогултеппа мусобиқаи варзишии гӯштини миллӣ бо иштироки васеи ҷавонон ва дӯстдорони варзиш баргузор гардид. Гӯштингирӣ навъи варзишиест, ки иборат аз зӯрозмоии ду ҳариф барои ғолиб гардидан буда, яке аз намудҳои варзиши дӯстдошта ва қадимии халқи тоҷик ба ҳисоб меравад. Ин намуди варзиш аз замони пайдоиши худ то имрӯз барои паҳлавонон ва умуман барои шахсоне , ки ба ин намуди варзиш шавқ доранд, ҳамчун як мактаби ҷасорату мардонагӣ ва далерию тавоноӣ ба ҳисоб рафта, онҳоро дар руҳияи ватандустӣ тарбия намудааст. Боиси ифтихор аст , ки то имрӯз насли ҷавони мамлакат талош бар он менамояд, ки ин анъанаи миллиро давом дода, ба ояндагон низ мерос гузоранд. Ин маънои онро дорад, ки ҷавонони мо тарзи ҳаёти солимро интихоб менамоянд. Баҳри боз ҳам рушд ва инкишоф додани ин намуди варзиш дар тамоми маҳаллу деҳоти ҷамоатҳои ноҳия бахшида ба ҷашни Наврўзи байналмилалӣ мусобиқаи гўштини миллӣ баргузор гардида истодааст.
Page 1 of 10
1USD
1EUR
1RUB