- Диданд: 740
Соли 2018
Муассисаи таҳсилоти миёнаи умумии №7-и
деҳаи Оби Шифои деҳоти Чоргултеппаи ноҳияи Рӯдакӣ
Бинои нави таълимгоҳ дар масофаи 500 метр дуртар аз бинои мавҷуда, барои 1280 хонанда дар ду баст, бо ҷалби 26 млн. сомонии сармояи соҳибкорӣ ватанӣ Машрабов Нуршед ва нерӯи сохтмончиёни маҳаллӣ, бунёд гардидааст.
Бинои муассиса сеошёна буда, дорои 23 синфхонаҳои мутобиқ ба стандарти мактабӣ, аз ҷумла кабинетҳои фании химия, биология, физика, технологияи иттилоотӣ, математика, синфхонаи компютерӣ, 8 утоқҳои корӣ, китобдор, роҳбари созмони хонандагон, инчунин толори варзишӣ дар масоҳати 380 м2, маҷлисгоҳ бо 240 ҷойи нишаст, дар масоҳати 273.8 м2 ва ошхонаи талабагӣ бо 88 ҷойи нишаст дар масоҳати 204 м2 мебошад.
Дар назди муассиса варзишгоҳи замонавӣ дар масоҳати 1 гектар бунёд гардидааст. Муассиса, ҳамчунин дорои шабакаи муттамаркази гармдиҳии тавассути ангишт фаъолияткунанда, мебошад.
Мақомоти иҷроияи ҳокимияти давлатии ноҳияи Рӯдакӣ дар мумфарш гардонидани роҳи дохили маҳалла то мактаб дар масофаи 740 метр, кашидани хатти нерӯи барқ (6 симчӯб, насби трансформатори иқтидораш 400 кв, муҷаҳҳазгардонии ошхонаи мактабӣ, гузаронидани хати оби нӯшокӣ ва канализатсия, ҳамчунин ҳуҷатнигории сохтмон аз қабули қарори Раиси ноҳия то гирифтани сертификати ҳуқуқӣ истифодаи замин, инчунин корҳои ободонию кабудизоркунии атрофи муассиса ва маҳалли ҷойгиршавии он, саҳмгузор гардидааст.
Муассиса аз ҷониби Вазорати маориф ва илми Ҷумҳурии Тоҷикистон (миз, курсӣ, ҷевонҳо) бо дастгирии соҳибкор Машрабов Нуршед ва Мақомоти иҷроияи ҳокимияти давлатии ноҳия бо ашёи мактабӣ ва дигар таҷҳизот, муҷаҳҳаз гардонида шудааст.
Бинои куҳнаи Муассисаи таҳсилоти миёнаи умумии №7-и деҳаи Оби Шифои деҳоти Чоргултеппа соли 1958 сохта шуда, солҳои 1964 ва 1980 биноҳои таълимии иловагӣ сохта, ҳамроҳ карда шудааст.
Айни замон дар 3 бинои таълимии иборат аз 21 синфхона, 1608 хонанда, аз ҷумла 801 нафар духтарон бо таҳсил фаро гирифта шудаанд.
Ба хонандагони муассиса 50 нафар омӯзгорон, аз ҷумла 38 нафар занон дарс мегӯянд.
Синфи 11-и муассисаи таълимии мазкурро соли ҷорӣ 65 нафар хатм карда, 20 нафари онҳо тавассути Маркази миллии тестии назди Президенти Ҷумҳурии Тоҷикистон ба мактабҳои олӣ дохил шуданд.
Аз таълимгоҳи мазкур соли 2017 10 нафар хатмкардаи синфи 11 ба воситаи Маркази миллии тестии назди Президенти Ҷумҳурии Тоҷикистон ба муассисаҳои таҳсилоти миёна ва олии касбии Ҷумҳурии Тоҷикистон дохил шудаанд.
Соли хониши ҷорӣ таълимгоҳ зиёда аз 208 нафар хонандаи синфи якумро ба таҳсил фаро гирифтааст, ки 108 нафарашон духтарон мебошанд.
Маълумотнома
оид ба деҳоти Чоргултеппа
-Шумораи аҳолӣ: 41626 нафар (занҳо 20580 нафар)
-Шумораи хоҷагиҳои шахсии аҳолӣ 6597 адад
-Шумораи деҳаҳо 21 адад
-Хоҷагиҳои фермерию деҳқонӣ 680 адад
Замин:
-дар ҳамаи шаклҳои хоҷагидорӣ 6729 га.
-замини корам 3488 га.
-замини корами обӣ 1853 га.
-замини корами лалмӣ 1635 га.
-боғ 193 га.
-токзор 53 га.
-чарогоҳ 2893 га.
-боир 102 га.
Замини хоҷагиҳои ҷамъиятию деҳқонӣ:
-ҳамагӣ 5612 га.
-заминҳои корам 2588 га.
-замини корами обӣ 1503 га.
-заминҳои корами лалмӣ 1085 га.
-боғ 115 га.
-токзор 29 га.
-чарогоҳ 2893 га.
-боир 102 га.
Замини хоҷагиҳои шахсии аҳолӣ:
-заминҳои корам 900 га.
-замини корами обӣ 350 га.
-заминҳои корами лалмӣ 550 га.
-боғ 78 га.
-токзор 24 га.
-ҳамагӣ чорвои калони шохдор 6594 сар
-бузу гусфанд 9857 сар
- парранда 11530 сар
-асп 213 сар
-корхонаҳои саноатӣ 16 адад
-мағозаҳо 35 адад
-сартарошхонаҳо 5 адад
-ҳамом 2 адад
Мактабҳо: 13 адад,-аз он миёна 10 адад,
-асосӣ 3 адад
Шумораи хонандагон 9474 нафар
-аз он духтарон 4679 нафар
Шумораи омӯзгорон 402 нафар
аз он занон 282 нафар
-маркази саломатӣ 3 адад
-бунгоҳҳои тиббӣ 7 адад
-дорухонаҳо 4 адад
-клубҳо 1 адад
-китобхонаҳо 3 адад
-толорҳои варзишӣ 3 адад
Масҷидҳо 19 адад
-аз он ҷомеъ 2 адад
-панҷвақта 17 адад
Муассисаи таҳсилоти миёнаи умумии №35-и
деҳаи Шаҳристони деҳоти Гулистони ноҳияи Рӯдакӣ
Бинои нави таълимгоҳ бо ҷалби 21 млн. сомонии сармояи соҳибкорӣ ватанӣ Ғуломов Абдухалил ва нерӯи сохтмончиёни маҳаллӣ, бунёд гардидааст.
Муассиса барои ба таҳсил фаро гирифтани 1280 хонанда дар ду баст сохта шуда, аз 2 ошёна ва 22 синфхонаҳои мутобиқ ба талаботи стандарти мактабӣ, аз ҷумла кабинетҳои фании алоҳидаи химия, биология, физика, технологияи иттилоотӣ, география, 8 утоқҳои корӣ барои роҳбар ва муовинони роҳбари муассиса, роҳбарони созмони
хонандагон ва омодагии ибтидоии ҳарбӣ иборат буда, инчунин толори варзишӣ, китобхона барои на камтар аз 10 ҳазор нусха китоб, маҷлисгоҳ бо 160 ҷойи нишаст ва ошхонаи талабагӣ бо 40 ҷойи нишаст дорад.
Дар назди муассиса варзишгоҳи замонавӣ дар масоҳати 1.2 гектар бунёд гардидааст. Муассиса, ҳамчунин дорои шабакаи муттамаркази гармдиҳӣ, тавассути истифодаи ангишт мебошад.
Мақомоти иҷроияи ҳокимияти давлатии ноҳияи Рӯдакӣ дар мисоли кашидани хатти нерӯи барқ (6 симчӯб, 300 метр), таъмину насби трансформатори иқтидораш 400 кв, гузаронидани хати оби нӯшокӣ ва канализатсия, ҳуҷатнигории сохтмон аз қабули қарори Раиси ноҳия то гирифтани сертификати ҳуқуқӣ истифодаи замин, инчунин корҳои ободонию кабудизоркунии атрофи муассиса ва маҳалли ҷойгиршавии он, аз ҷумла мумфарш намудани масофаи 3 км. роҳи дохили деҳа бо истифодаи 600 тонна асвальт, бетонпӯш кардани масоҳати 720 м2 майдони назди мактаб, кашидани 40 метр қубурҳо, муҷаҳҳазгардонии ошхона ва толори маҷлисгоҳ, дар бунёди муассиса саҳмгузор гардидааст.
Муассиса аз ҷониби Вазорати маориф ва илми Ҷумҳурии Тоҷикистон бо ашёи мактабӣ таъмин гардида, ошхона ва толори варзишии он аз ҷониби
Мақомоти иҷроияи ҳокимияти давлатии ноҳия муҷаҳҳаз гардонида шудааст.
Бинои куҳнаи Муассисаи таҳсилоти миёнаи умумии №35-и деҳаи Шаҳристони деҳоти Гулистони ноҳияи Рӯдакӣ соли 1947 сохта шуда, айни замон дорои 43 синфхона бо фарогирии 1045 хонанда, аз ҷумла 493 нафар духтарон мебошад. Ба хонандагони муассиса 49 нафар омӯзгорон, аз ҷумла 42 нафар занон дарс мегӯянд.
Синфи 11-и муассисаи таълимии мазкурро соли ҷорӣ 46 нафар хатм карда, 39 нафари онҳо тавассути Маркази миллии тестии назди Президенти Ҷумҳурии Тоҷикистон ба мактабҳои олӣ дохил шуданд.
Аз таълимгоҳи мазкур соли 2017 28 нафар хатмкардаи синфи 11 ба воситаи Маркази миллии тестии назди Президенти Ҷумҳурии Тоҷикистон ба муассисаҳои таҳсилоти миёна ва олии касбии Ҷумҳурии Тоҷикистон дохил шудаанд.
Соли хониши ҷорӣ таълимгоҳ зиёда аз 150 нафар хонандаи синфи якумро ба таҳсил фаро гирифтааст, ки 62 нафарашон духтарон мебошанд.
Маълумотнома
оид ба деҳоти Россия
Шумораи умумии аҳолии деҳоти Россия 35392 нафар, аз он мардҳо 17855 нафар, занҳо 17537 нафар
Шумораи хоҷагиҳои шахсии аҳолӣ 7189 адад
Шумораи деҳаҳо 11 адад
Хоҷагиҳои фермерию деҳқонӣ 168 адад
Замин:
-дар ҳамаи шаклҳои хоҷагидорӣ 1350 га.
-замини корам 752 га.
-замини корами обӣ 694 га.
-замини корами лалмӣ 58 га.
-боғ 67 га.
-токзор 16 га.
-чарогоҳ 530 га.
-боир 1 га.
-гармхона 6 га
-зери плёнка 5 га
Замини хоҷагиҳои ҷамъиятию деҳқонӣ: 920 га.
-заминҳои корам 322 га.
-замини корами обӣ 264 га.
-заминҳои корами лалмӣ 58 га.
-боғ 16 га.
-токзор 2 га.
-чарогоҳ 530 га.
-боир 1 га.
Замини хоҷагиҳои шахсии аҳолӣ:
-заминҳои корам 430 га.
-замини корами обӣ 430 га.
-боғ 51 га.
-токзор 16 га.
Ҳамагӣ чорвои калони шохдор 2123 сар
-бузу гусфанд 1356 сар
-парранда 10572 сар
-асп 5 сар
Мактабҳо 5 адад
-Шумораи умумии хонандагон 5688 нафар
аз он духтарон 2943 нафар
-Шумораи омӯзгорон 211 нафар
аз он занон 159 нафар
-корхонаҳои саноатӣ 11 адад
-корхонаои сохтмонӣ 4 адад
-марказҳои савдо 22 адад
-тарабхонаҳо 15 адад
-дорухонаҳо 7 адад
-сартарошхонаҳо 13 адад
-ҳамом 2 адад
-маркази саломатӣ 1 адад
-бунгоҳҳои тиббӣ 5 адад
-китобхона 1 адад
-толорои варзишӣ 2 адад
Масҷидҳо 13 адад
-аз он ҷомеъ 2 адад
-панҷвақта 11 адад
Хоҷагии деҳқонии «Содиқ-Сиддиқ»-и
деҳаи Сохибкорони деҳоти Россияи ноҳияи Рӯдакӣ
Хоҷагии деҳқонии «Содиқ- Сиддиқ»-и деҳаи Соҳибкорони деҳоти Россия, роҳбараш Сиддиқов Маҳмудҷон, 25 нафар аъзо дорад.
Масоҳати умумии заминҳои хоҷагӣ 5 гектар замини корами обиро ташкил дода, дар 2 гектари он гармхона ташкил карда шуда, дар 1.5 гектар кишт гузаронида мешавад.
Яке аз мақсадҳои асосии хоҷагии деҳқонӣ ин дар ҳамаи фаслҳо бо сабзавоти тару тоза ва
маҳсулоти гуштӣ таъмин намудани аҳолии шаҳри Душанбе мебошад.
Айни замон дар майдони 0.25 га. кишти тайёри помидор мавҷуд буда, дар 0.30 га. кишт оғоз гардидааст. Истеҳсолот аз майдони мавҷуда дар 11 моҳи соли 2018 60 тонна помидорро, ташкил додаст.
Хоҷагӣ, ҳамчунин дорои иншоотҳои ёрирасон ва молхонаҳои мавсимӣ буда, айни замон ба парвариши 30 сар чорвои калони шохдор ва 30 сар моли майдаи шохдор машғул аст.
Давоми соли ҷорӣ, ҳамагӣ зиёда аз 100 сар чорвои калон ва 150 сар чорвои майдаи шохдорро парвариш карда, зиёда аз 20 тонна гушти гов ва беш аз 6 тонна гушти гусфанд ба фурӯш баровардааст.
Маълумотнома
оид ба деҳоти Гулистон
Шумораи умумии аҳолӣ: 47036 нафар мардҳо
23753 нафар, занҳо 23283 нафар
Шумораи хоҷагиҳои шахсии аҳолӣ 7496 адад
Шумораи деҳаҳо 15 адад
Замин:
-дар ҳамаи шаклҳои хоҷагидорӣ 1730 га.
-замини корам 1215 га.
-замини корами обӣ 905 га.
-замини корами лалмӣ 310 га.
-боғ 250 га.
-токзор 45 га.
-чарогоҳ 20 га.
-боир 19 га.
-хоҷагиҳои фермерии деҳқонӣ 355 адад
-зери плёнка 3 га.
Замини хоҷагиҳои ҷамъиятию деҳқонӣ: 1162 га
-заминҳои корам 734 га.
-замини корами обӣ 640 га.
-заминҳои корами лалмӣ 94 га.
-боғ 85 га.
-токзор 23 га.
-чарогоҳ 200 га.
-боир 19 га.
Замини хоҷагиҳои шахсии аҳолӣ:
-заминҳои корам 568 га.
-замини корами обӣ 265 га.
боғ 65 га.
токзор 22 га.
Чорво:
-калони шохдор 3238 сар
-бузу гусфанд 2194 сар
-парранда 7736 сар
- асп 26 сар
-корхонаҳои саноатӣ 22 адад
-корхонаои сохтмонӣ 1 адад
-марказҳои савдо 8 адад
-мағозаҳо 112 адад
-дорухонаҳо 8 адад
-сартарошхонаҳо 22 адад
-ҳамом 2 адад
Мактабҳо: 11 адад
-Шумораи хонандагон 11541 нафар
аз он духтарон 5590 нафар
-Шумораи омӯзгорон 462 нафар
аз он занон 314 нафар
-маркази саломатӣ 3 адад
-бунгоҳҳои тиббӣ 11 адад
-китобхонаҳо 2 адад
-толорои варзишӣ 2 адад
Масҷидҳо: 18 адад
-ҷомеъ 3 адад
-панҷвақта 15 адад
- Диданд: 1052
Ҳамдиёрони арҷманд, дӯстони азиз!
Ҳамаи Шумо ва дар симоятон тамоми мардуми меҳнатқарини ноҳияи файзбори Рӯдакиро ба муносибати ин санаи фархунда, Рӯзи Парчами миллии Ҷумҳурии Тоҷикистон, самимона табрик гуфта, бароятон бахту саодат, оромиву осудагӣ, некбахтию пирӯзиҳо, хонаободӣ ва дар хонадонатон файзу баракат таманно мекунам.
Парчами имрӯзаи давлатӣ, ки ҳоло дар дастҳои шумо ҳамдиёрони гиромӣ алвонҷ хурда истода, болои саратон парафшонӣ дорад, воқеан яке аз рамзҳои муҳими истиқлолияти миллӣ ва давлатдории муосир, таҷассумгари асосҳои таърихӣ ва рамзҳои давлатдории гузашта, инчунин ифодакунандаи мақсаду маром ва орзуву ормонҳои тамоми мардуми Тоҷикистон мебошад.
Дар он рангҳои сурх, сафед ва сабз талошу муборизаҳои халқи тоҷикро барои озодиву истиқлол ва барпо намудани зиндагии осудаву поянда ифода карда, тоҷ ва ҳафт ситора, ҳамчун рамзҳои барои миллати мо муқаддас, соҳибихтиёрии давлати Тоҷикистонро инъикос менамоянд.
Ин рамзи соҳибдавлатии мо низ дар баробари Нишони давлатӣ ва Суруди миллӣ зодаи Истиқлолият буда, рамзи тантанаи давлатдории миллӣ ва ба ҷаҳони мутамаддин пайвастани Ватани маҳбубамон аст, ки дар Иҷлосияи 16-уми Шӯрои Олии Ҷумҳурии Тоҷикистон, дар он тақдири ояндаи давлати миллии тоҷикон таҳрезӣ гардида, ба сӯи ҳадафҳои бузург: сулҳу суббот ва ваҳдати миллӣ қадами нахустин гузошта шуд, тасдиқ гардида, эҳсоси ватандӯстӣ ва ифтихори миллии ҳар як фарди бонангу номуси Тоҷикистони барои ҳар кадоми мо азизро, афзуд.
Ҷашнгирии Рӯзи Парчами Ҷумҳурии Тоҷикистон ибтикори бевоси-таи Асосгузори сулҳу ваҳдати миллӣ, Пешвои миллат, Ҷаноби Олӣ, Президенти мӯҳтарами мамлакат Эмомалӣ Раҳмон буда, аз ҷониби Маҷлиси Олии Ҷумҳурии Тоҷик-истон қабул карда шудааст.
Рӯзи Парчами давлатии Ҷумҳурии Тоҷикистон бори аввал соли 2009, ҳамчун, иди умумимилӣ ҷашн гирифта шуд.
Сарвари давлат дар суханронияшон дар таҷлили нахустини Рӯзи Парчам изҳор намуданд, ки: «Миллати тоҷик, ки дорои таърих ва суннатҳои хеле қадимаи давлатсозиву давлатдорӣ мебошад, аз дав-раҳои бостонӣ соҳиби давлати мутамарказ ва рамзу рукнҳои хоси он буд.
Дар ин маврид тасвиру хусусиятҳои хоси Дирафши Ковиёнро, ки ҳоло дар Ливои Президенти Тоҷикистон ҳамчун рамзи пойдорӣ ва бардавомии давлати миллии мо инъикос ёфтаанд, хотирнишон кардан кофист.
Бале ҳақ ба ҷониби Пешвои миллатамон аст: Барои хурду калони Тоҷикистони соҳибистиқлол муҳимтар аз ҳама он аст, ки Парчами давлатӣ ҳар фарди бонангу номусро ба ифтихор аз давлату давлатдорӣ, таҳкими истиқлолияти миллӣ, ҳифзи дастовардҳои он ва пеш аз ҳама ваҳдати миллӣ ва саъю талоши пай-васта ба хотири ободии сарзамини аҷдодӣ ҳидоят намуда, ҳангоми маъракаҳои расмии давлатӣ, сиёсиву иҷтимоӣ, фарҳангиву варзишӣ ва муносибатҳои байналмилалӣ, ҳамчун рамзи шоистаи ватандории тоҷикон барафрохта мешавад.
Воқеаи фараҳбахш ва далели дигари нуфузи Парчами миллӣ ин бунёд гардидани рамзи давлатии пуршукуҳи Парчами миллӣ дар пойахти мамлакат мебошад.
Аз ин рӯ, эҳтироми Парчами давлатӣ ва расидан ба қадри он ҳамчун яке аз рамзҳои муқаддаси Ватани соҳибистиқлол аз ҷумлаи вазифаҳои ифтихорӣ ва қарзи шаҳрвандии аҳли ҷомеаи мо ба ҳисоб меравад ва зарур аст, ки ҳисси ифтихор аз парафшонии он дар сиришту фитрати ҳар як шаҳрванди ватандӯсту меҳанпарасти кишвар доимо пойбарҷо бошад.
Мо, Тоҷикистониён аз он сарбаландем, ки бо сарварии Асосгузори сулҳу ваҳдатамон ва таҳти парафшонии Парчами давлатӣ дар роҳи инкишофи давлат ба сӯи ояндаи дурахшон қадамҳои устувор мегузорем.
Дар ин радиф, ҳар яки мо бояд пайваста кушиш намоем, ки ҷаҳду талошҳои Сарвари давлатамонро баҳри беҳдошти зиндагӣ ва рушди ҷомеа қадр намуда, Истиқлолият ва сулҳи бо заҳматҳои зиёд ба даст омадаро, ки Парчами миллӣ низ зодаи он аст, чун гаҳвараки чашм ҳифз намоем, бо меҳнати ҳалол, ақлу хиради солим, донишу таҷриба, пешрафти ватани азизи худро таъмин намоем.
Дар ин лаҳзаҳои фараҳбахши таҷлили Рӯзи Парчами Давлатӣ бори дигар шумо ҳамдиёрони гиромиро муборакбод намуда, бароятон азму иродаи қавӣ ва боварию эътимод ба ояндаи дурахшони Ватани азизро таманно мекунам.
Саломат бошед.
- Диданд: 672
Ҳамдиёрони гиромӣ,
Меҳмони басо арҷманди диёри мардумони сарбаланди ноҳияи Рӯдакӣ, Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон, Роҳбари гурӯҳи корӣ оид ба таҳия ва амалӣ кардани нақшаи корҳои ободонию бунёдкорӣ ба муносибати 30-солагии Истиқлолияти давлатии Ҷумҳурии Тоҷикистон дар ноҳияи Рӯдакӣ, муҳтарам Ҳамрализода Фаррух Маҳмуд!
Мо, дар лаҳзаҳои гуворои ҷашни яке аз тадбирҳои фархундаи таърихӣ, иди бузурги умумихалқӣ ва барои ҳамаи Тоҷикистониён муқаддас - Маросими ба истифодадиҳии иқтидори аввал - Чархи якуми Нерӯгоҳи обӣ-барқии Роғун қарор дошта, бо шодкомӣ дар ин майдони муҳташам сарҷамъ омадем, то ки шукуҳу шаҳомоти иншооти аср будани ин манбаи Нурамонро, бори дигар собит созем.
Ҳамаи шумо ва дар симоятон тамоми мардуми диёрамонро, бо камоли ифтихору сарфарозӣ, ба муносибати ин ҷашни бузургу тақдирсоз - мавриди истифода қарор гирифтани чархи якуми иншооти асри Тоҷикистониён, аз самими қалб ва садоқати бепоён, табрику муборакбод, менамоям.
Бо набарди халқ Роғун нурборон мешавад,
Иқтидораш иқтидори Тоҷикистон мешавад,
Рушд меёбад зи нерӯяш тамоми соҳаҳо,
Зиндагӣ осудаю ҳар мушкил осон мешавад.
Бо шукрона аз ин давлат, таманно менамоем, ки Нури Роғун бароямон раҳнамо ва сиёсати хирадмандонаи Асосгузори сулҳу ваҳдати миллӣ, Пешвои миллат, Ҷаноби Олӣ, Прези-денти Ҷумҳурии Тоҷикистон, муҳтарам Эмомалӣ Раҳмон ҳидоятгари фатҳу нусратҳоямон бошад!
Мутмаинем ва бо такрор мегуем, ки НОБ-и Роғун рамзи соҳибистиқ-лолиятии энергетикӣ кулли Тоҷикис-тониён аст, ки номаи тақдирашро бо дасти хеш навишта, мақому мавқеи муносибро дар ҷомеаи ҷаҳонӣ пайдо кардааст.
Сохтмон ва ба кор даровардани ин иншооти бузурги энергетикӣ ба навиштани достонҳо меарзад ва он худ достони қаҳрамонии баёнгари иродаи устувору ҷасорати рустамона, хиради беҳамто, дилбастагӣ ба Ватан ва садоқати бепоён ба давлат, мебошад.
Нерӯгоҳи Роғун бузургтарин ва муҳимтарин иншооти гидроэнерге-тикии Тоҷикистон ба шумор меравад.
Бе нерӯгоҳи Роғун рушду тараққиёти босуръат ва ояндаи пурсаодати давлати Тоҷикистонро тасаввур кардан мушкил аст. Маҳз ба ҳамин хотир Асосгузори сулҳу ваҳдати миллӣ Сарвари давлат, мӯҳтарам Эмомалӣ Раҳмон пайваста таъкид менамояд: «Ҳаёту мамоти Тоҷикистон вобаста ба Роғун аст».
Агар аз худ пурсем мо - Чист Роғун? Мегӯем: «Роғун - ободиву сарсабзии имрӯзу фардои Тоҷкистон, тараққиёти бесобиқаи саноату кишо-варзӣ ва муҳимтар аз ҳама, рушноиву гармии шабонарӯзии ҳар хонадони мардуми мо мебошад!
Роғун-воситаи муҳимтарини баланд бардоштани сатҳу сифати зиндагии мардум, омили таконбахши рушди маорифу тандурустӣ, илму фарҳанг ва фаъолияти пурсамару бардавоми бемо-ристону ятимхонаҳо, хонаҳои пирон-солон ва дигар иншооти муҳими иҷтимоӣ мебошад!
Роғун сарчашмаи ифтихори миллии ҳар як фарзанди Тоҷикистон ва рамзи сарбаландии имрӯзу фардои мост!
Агар боз пурсем - Чист Роғун? Боз гӯем: Роғун майдони мехнату набард, Роғун матонат, чойи заҳмат ва Роғун макони ҳосили меҳнат аст.
Мавриди истифода қарор гирфитани чархи нахустини НОБ-и Роғун гувоҳи сиёсати пайгирона ва марҳила ба марҳилаи Сарвари давлат дар роҳи расидани Тоҷикистон ба давлати аз нигоҳи иқтисодӣ тавоно ва хуррамиву саодатмандии мардумонаш ба ҳисоб меравад. НОБ-и Роғун аз он сабаб иншооти аср номида шудааст, ки дар баробари бахшидани нуру гармӣ манбаи фароҳам овардани шароити хуби маишии мардуми шаҳру деҳот хоҳад гашт.
Бо ба кор даромадани ин иншооти бузурги аср, имконоти шодобгардонии садҳо ҳазор гектар заминҳо дар минтақа муҳайё мегардад. Гузашта аз ин имконоти Тоҷикистон доир ба истеҳсол ва ва содироти нерӯи барқ ба маротиб боло меравад ва аз ин сарвати аз ҷиҳати экологӣ безарар, дигар кишварҳои ҳамсоя низ метавонанд баҳравар гарданд.
Бегуфтугӯ, бунёди НОБ-и «Роғун» ба номи Асосгузори сулҳу ваҳдати миллӣ, Пешвои миллат мӯҳтарам Эмомалӣ Раҳмон алоқаманд аст, ки барҳақ гуфтаанд: «Нерӯгоҳи барқии обии Роғун чун ҷабҳаи кору пайкор барои насли имрӯзаи тоҷик воқеан ба як мактаби бузурги касбомӯзӣ, бунёдкорӣ ва афзудани маҳорату малакаи касбӣ табдил ёфтаст». Воқеан ҳам чунин аст.
Ин рӯзи некро, тамоми Точик-истониён солхо интизор буданд. Фарзандони бо нангу номуси Ватан, мутахассисону сохтмончиёни баланд-ихтиссос барои наздик овардани ин рӯзи таърихи шабонарӯз заҳмат кашиданд.
Яъне имрӯз рӯзи равшаниву нур, расидан ба ормонҳои миллӣ ва фардои дурахшони Точикистони азизамон мебошад.
Боиси ифтихор аст, ки дар ин мактаби ҳунару одамият дар ҷараёни сохтмон ҳазорҳо ҷавонони Тоҷикистон соҳиби касбу ҳунар гардина, аз мутахассисони одӣ то дараҷаи устоҳо расиданд.
Бо назардошти фидокориҳои ана ҳамин бунёдкорон Асосгузори сулҳу ваҳдати миллӣ, Пешвои миллат, Президенти кишвар, муҳтарам Эмомалӣ Раҳмон 14 ноябр дар Қасри миллат ба беш аз 100 нафар мутахассисони касбу кори гуногуни арсаи нангу номус мукофотҳои давлатӣ супорида, дар ҷараёни маросими қадрдонӣ таъкид карданд, ки: «Неругоҳи барқи обии «Роғун» иншооти муҳиму стратегии кишвар ба ҳисоб меравад, аз ин рӯ роҳбарияти олии кишвар ҳанӯз аз рӯзҳои аввали ба даст овардани истиқлолияти давлатӣ ба сохтмони иншооти гидроэнер-гетикӣ таваҷҷуҳи хосса зоҳир намуда, барои бунёди неругоҳҳои хурду бузург дар қаламрави кишварамон ҳамаи захираву имкониятҳоро сафарбар намуд».
Ҳамчунин таъкид гардид, ки «Бунёди пурраи ин кохи нур роҳи асосии ба истиқлолияти комили энергетикӣ ноил шудани Тоҷикистон буда, омили муҳимтарини таконбахши иқтисодиёти миллӣ, афзоиш ёфтани иқтидори содиротии кишвар ва муҳимтар аз ҳама, сабаби таъмин намудани сатҳи шоистаи зиндагии сокинони мамлакат мегардад».
Ҳамдиёрони азиз, Истиқлолияти энергетикӣ, ки чоряк аср боз интизораш будем, дар ҳақиқат як неъмати бебаҳо ва бахти бузурги мо мардумони Тоҷикистон мебошад. Ҳамаи ин осоиштагӣ, тинҷию оромӣ, комёбӣ ва мувафақиятҳо, ки маҳз бо шарофати Истиқлолияти давлатӣ ба даст омадаанд, бор оварданд.
Ва ин бор таъмини амнияти озуқаворӣ, раҳои аз бунбасти комуни-катсионӣ ва имрӯз истиқлолияти энергетикӣ мебошад, ки мо Тоҷик-истониён бо роҳбарии Пешвои миллатамон, ба он ноил гардидем.
Ва акнун аз пештара ҳам муташаккилтар, сарҷамъ ва якдил бошем. Дар якҷоягӣ мардумро ба иштироки фаъолона ва саҳмгузориҳо баҳри ободии ватан ҳидоят намоем. Дар хотир дошта бошем, ки барои худ мо худ бояд бикунем.
Умуман, ояндаи давлат, миллат ва Тоҷикистони азиз аз муносибати мою шумо нисбати кору фаъолиятамон вобаста аст.
Аз ин рӯ, бояд ҳар яки мо, ҳар фарди худогоҳу худшинос, ҳар шахси бонангу номус, ба хотири пешрафту тараққиёти кишвар, ба раванди корҳои созандагиву бунёдкорӣ ҳамроҳ шуда, беш аз пеш дар ободсозии сарзамини аҷдодии худ саҳмгузор гардад.
Пас биёед, якдилу яктан шуда, дар атрофи ғояи «Тоҷикистони озоду соҳибистиқлол - Ватани маҳбуби ҳамаи мо» муттаҳид шуда, муташаккилона фаъолият ва зиндагӣ намоем.
Бо шукрона аз Ватандориямон, бояд пайваста кушиш намоем, ки ҳар як хишти бинои давлати соҳиб-истиқлолу ҳуқуқбунёди тоҷикон мус-таҳкамтар гузошта шуда, давлатдории миллати куҳанбунёдамон дар ҷаҳони мураккаби асри навин, симои хешро дошта бошад.
Ҷиҳати нигоҳ доштану инкишофи дастовардҳои бо заҳматҳои зиёд ба даст омада, бо меҳнати ҳалол ва ақлу хиради солим талошҳо намоем. Ин замон аз кӯҳи Роғун сури Ваҳдат мерасад,
Аз ривоҷи корҳо пайғоми нусрат мерасад.
Пешво бо даъвати худ, кард моро муттаҳид,
Аз ҳама атроф саҳми халқу миллат мерасад!
Бори дигар ҳамагонро ба муносибати ба истифода дода шудани чархи якуми Неругоҳи обӣ -барқии Роғун табрик гуфта, бароятон ҷаҳду талош, азму иродаи қавӣ, боварию эътимод ба ояндаи дурахшони кишвари азиз ва рӯзгори осударо таманно дорам.
Бигзор, Нури Нерӯгоҳи Роғун, дар дилу дидаи ҳар яки мо меҳри Ватанро афзунтар намояд!
Бигзор, азму иродаи шикастно-пазир ва нерӯи офарандаи халқамон моро ба сӯйи пайкорҳои созанда, ҳидоят намояд.
Бо як овоз мегӯем: Чист Роғун?
Роғун ин иқтидори давлат аст,
Кони ганҷу маҳзани нуру сарват аст
Роғун ҳастии миллати мо ва ҳаёту мамоти давлати Тоҷикистон аст!»
Сарбаланду саломат бошед!
Подкатегории
Саҳифаи 54 аз 58
1USD
1EUR
1RUB