- Диданд: 76
Рӯзи 3-юми июни соли ҷорӣ дар толори Мақомоти иҷроияи ҳокимияти давлатии ноҳияи Рӯдакӣ дар асоси дастуру супоришҳои раиси шаҳри Душанбе муҳтарам Рустами Эмомалӣ вохӯрии намояндагони Мақомоти иҷроияи ҳокимияти давлатии шаҳри Душанбе бо сокинону фаъолони ноҳияи Рӯдакӣ баргузор гардид.
Дар вохӯрӣ раиси ноҳияи Рӯдакӣ Абдуғаффор Ҳикматуллозода, муовини раиси шаҳри Душанбе Дилбар Одилзода, сардори Раёсати ВКД дар шаҳри Душанбе, генерал-майори милитсия Бароталӣ Ҳамидзода, роҳбарони якқатор мақомоти ҳифзи ҳуқуқи пойтахт ва сокинону фаъолони ноҳия ширкат варзиданд.
Вохӯриро раиси ноҳияи Рӯдакӣ Абдуғаффор Ҳикматуллозода бо сухани ифтитоҳӣ ҳусни оғоз бахшида, меҳмононро ба ноҳия хайрамақдам гуфт ва мавзуи вохӯриро ба иштирокдорон шарҳ дод.
Муовини раиси шаҳри Душанбе Дилбар Одилзода зимни суханронии хеш таъкид намуд, ки мақсад аз баргузории вохӯрии мазкур, пеш аз ҳама, дар амал татбиқ намудани дастуру супоришҳои Пешвои муаззами миллат муҳтарам Эмомалӣ Раҳмон дар доираи эълон гардидани «Соли маърифати ҳуқуқӣ» ва дар ин замина таҳкими ҳувияти миллӣ, зиракии сиёсӣ пешгирии падидаҳои номатлубу халалдоркунандаи субботу оромӣ ва тарбияи ҳуқуқии шаҳрвандон башумор меравад. Ӯ иброз дошт, ки вазъияти ҷаҳони муосир ҳар яки мо-сокинони кишварро водор месозад, ки барои таъмини субботу оромӣ, ҳаёти осоишта ва ояндаи давлатамон ҳушёриву зиракии сиёсиро аз даст надиҳем ва барои пешрафту шукуфоии он саҳми арзишманди худро гузорем.
Дар идомаи мулоқот сардори мақомоти милитсияи шаҳри Душанбе Бароталӣ Ҳамидзода низ суханронӣ намуда, бо таҳлили вазъи мураккаби сиёсиву геополитикӣ, вусъатё фтани муборизаҳои сиёсию фарҳангӣ аз ҳозирин даъват баамал овард, ки ҷиҳати дар руҳияи хештаншиносиву меҳанпарастӣ ва арҷгузоштан ба арзишҳои милливу фарҳангӣ тарбия намудани наврасон, бояд ҳар як нафар бо дарки масъулият ба таври ҳамешагӣ талош намояд, зеро маҳз фарзандони бо илму дониш ва дар руҳияи ифтихори миллӣ тарбия дида метавонанд, барои ояндаи дурахшони давлату миллати хеш саҳмгузор бошанд.
Ҳамзамон, дигар иштирокдорони вохӯрӣ низ оид ба як қатор масъалаҳои мубраму ҳалталаби ҷомеа суханронӣ намуданд.
- Диданд: 73
Рӯзи1-уми июни соли 2024 ба муносибати Рӯзи байналмилалии ҳифзи кӯдакон дар ноҳияи Рӯдакӣ чорабинии тантанавӣ баргузор шуд.
Дар чорабинӣ муовини раиси ноҳияи Рӯдакӣ Муҳаммадшариф Бобошоҳзода, намоянда аз Кумитаи иҷроияи Марказии ҲХДТ Зафар Гулмаҳмадзода, раиси Кумитаи иҷроияи ҲХДТ дар ноҳияи Рӯдакӣ Ҳамзаалӣ Юсуфзода, сардори раёсати маорифи ноҳия Зиёратшоҳ Назруллозода, инчунин, роҳбарони муассисаҳои таълимӣ ва мудирону мураббиёни кӯдакистонҳои ноҳия ширкат варзиданд.
Нахуст, дар саҳни Қасри фарҳанги ноҳия озмуни расмкашӣ ва бозиҳои гуногуни кӯдакона ташкил карда шуд, ки дар он кӯдакон-тарбиятгирандагони кӯдакистонҳо ва хонандагони муассисаҳои таълимӣ ширкат варзиданд.
Дар идома, дар толори Қасри фарҳанги ноҳия аз ҷониби кӯдакон-хонандагони муассисаҳои таълимӣ, тарбиягирагони кӯдакистонҳо ва Маркази эҷодии кӯдакон ва наврасони ноҳия баҳри шодиву фараҳи иштирокчиёни чорабинӣ барномаи рангини ҳунарӣ намоиш дода шуд.
Дар рафти чорабинӣ ба мудирон ва муррабияҳои кӯдакистонҳои ноҳия Ифтихорномаи Мақомоти иҷроияи ҳокимияти давлатии ноҳияи Рӯдакӣ тақдим карда шуд.
Ҳамчунин, бо сарпарастии Мақомоти иҷроияи ҳокимияти давлатии ноҳияи Рӯдакӣ барои 79 нафар ятимони кули ноҳия, аз ҷумла, ятимони кули Мактаб-интернати ҷумҳуриявии кӯдакони каругунг, дастархони идона ороста шуд.
- Диданд: 70
Санаи 29-уми майи соли 2024 дар толори Мақомоти иҷроияи ҳокимияти давлатии ноҳияи Рӯдакӣ бо иштироки раиси ноҳия Абдуғаффор Ҳикматуллозода маҷлиси машваратӣ баргузор шуд.
Дар маҷлис муовинони раис, роҳбари дастгоҳ, мудирони шуъбаву бахшҳои мақомоти иҷроияи ҳокимияти давлатӣ, сардорони мақомоти қудратӣ, раисони ҷамоатҳои шаҳраку деҳот ва маҳаллаҳо, имомхатибон, роҳбарони ташкилоту идораҳо ва директорони муассисаҳои таълимии ноҳия ширкат варзиданд.
Дар оғози маҷлис раиси ноҳия Абдуғаффор Ҳикматуллозода суханронӣ намуда, дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро, ки аз мулоқот бо роҳбарону фаъолони вилояти Хатлон дар ноҳияи Данғара бармеоянд, хотирнишон кард. Қайд гардид, ки дар мулоқоти мазкур Роҳбари давлат ба масъалаи вусъати майдони кишт, аз ҷумла, кишти маккадона, кишти помидор ва коркарди он, содироти зироату мева ва хушкмева ба хориҷи мамлакат, самаранок истифода бурдани заминҳои президентӣ, гирифтани ду-се ҳосил аз заминҳо ва дигар масъалаҳои соҳаи кишоварзӣ махсус таъкидҳо намуданд.
Дар ҳошияи ин таъкидҳо раиси ноҳия шахсони масъулро вазифадор карданд, ки барои саривақт бо оби полезӣ таъмин кардани кишоварзону боғдорон, беталаф ҷамъоварӣ намудани ҳосил ва таъмини чораҳои пешгирӣ аз сӯхтор ҳангоми ҷамъоварии ҳосили гандум тадбирҳо андешанд. Инчунин, ба раисони ҷамоатҳои шаҳраку деҳот супориш дода шуд, ки назоратро дар самти роҳ надодан ба сохтмонҳои худсарона ва ғайриқонунӣ дар заминҳои кишоварзӣ ҷиддӣ ба роҳ монанд.
Бахши саноат, сохтмон ва коммуникатсия ва корхонаи истеҳсоли либосҳои мактабӣ дар самти таъмин кардани хонандагони муассисаҳои таълимии ноҳия бо либосҳои босифати мактабӣ вазифадор карда шуданд. Директорони муассисаҳои таълимӣ барои ҳамкорӣ бо корхонаи истеҳсоли либосҳои мактабӣ ва таъмини хонандагон бо либосҳои дӯхти ватанӣ муваззаф гардиданд.
Дар идомаи маҷлис раиси ноҳия аз таъкидҳое, ки аз мулоқоти Пешвои миллат муҳтарам Эмомалӣ Раҳмон бо намояндагони ҷомеа ва ходимони дин аз санаи 9-уми марти соли ҷорӣ бармеоянд, ёдоварӣ карда, масъалаҳои бурдани корҳои фаҳмондадиҳӣ ҷиҳати пешгирии шомилшавии ҷавонон ба гурӯҳу равияҳои террористиву ифротӣ, баланд бардоштани сатҳу сифати таълиму тарбия дар муассисаҳои таълимии ноҳия, эҳсоси масъулият аз ҷониби волидон, омӯзгорон ва дигар сохторҳо, тарбияи дурусти фарзандон ва дигар мавзуъҳои мавриди назарро мавриди баррасӣ қарор дод.
Дар идомаи маҷлис оид ба рушди ҳунарҳои мардумӣ, бунёди растаҳои ҳунармандӣ ва дастгирии ҳунармандон, ҳифзи ёдгориҳои таърихӣ, таъмини аҳолӣ бо ҷойи кор, вусъати корҳои ободонию сарсабзӣ ва таъмини саривақтии нақшаи бунёду барқарорсозии иншооти ҷашнӣ ба муносибати 35-солагии Истиқлоли давлатӣ, масъулин вазифадор гардиданд.
Раиси ноҳия бо назардошти ҳолати воқеӣ ва таҳлилҳо ба шахсони масъул барои бартараф кардани камбудиҳои ҷойдошта супоришҳо дод.
Дар хотимаи маҷлис барои ҳамкорӣ ва иҷрои саривақтии нақшаи даъвати баҳорӣ муовини якуми раиси ноҳия, сардорони мақомоти қудратӣ, комиссари ҳарбии ноҳия, сархатиби ноҳия ва як қатор волидону омӯзгорон ва имомхатибон барои ихтиёрӣ ба хизмати Ватан-Модар гусел кардани фарзандонашон бо Сипосномаи Мақомоти иҷроияи ҳокимияти давлатии ноҳияи Рӯдакӣ ва туҳфаҳои хотиравии раиси ноҳия қадрдонӣ гардиданд.
Саҳифаи 9 аз 69
1USD
1EUR
1RUB