Диданд: 108
Иштироки муовини якуми Раиси Ҳизби Халқии Демократии Тоҷикистон Азизӣ Абдуҷаббор Абдуқаҳҳор дар маҷлиси ҳисоботӣ-интихоботии ташкилоти ибтидоии ҳизбии "Сомониён"-и ноҳияи Рӯдакӣ
         1-уми июни соли равон дар ноҳияи Рӯдакӣ маҷлисҳои ҳисоботӣ-интихоботии ташкилотҳои ибтидоии ҳизбӣ шуруъ гардиданд, ки асоси онро қарори Маҷлиси Раёсати Кумитаи Иҷроияи Марказии ҲХДТ аз 9 апрели соли 2022 ташкил медиҳад.
          Имрӯз бо иштироки муовини якуми Раиси Ҳизби Халқии Демократии Тоҷикистон Азизӣ Абдуҷаббор Абдуқаҳҳор маҷлиси ҳисоботӣ-интихоботии ташкилоти ибтидоии ҳизбии "Сомониён" ба кори худ шуруъ намуд. Зимни суханронӣ ва баррасии масъалаҳои рӯзномаи маҷлис аз фаъолияти ташкилоти ибтидоии мазкур дар давраи ҳисоботӣ натиҷагирӣ шуда, фаъолияти ҳизбиён дар ташкилоти ибтидоии "Сомониён" қаноатбахш арзёбӣ гардид.
          Абдуҷаббор Азизӣ диққати аъзои ташкилоти ибтидоии ҳизбиро ба масъалаҳои тақвиятбахшии корҳои дохилиҳизбӣ, бартараф кардани камбудиҳои дар Махзани ягонаи электронии аъзои ҳизб ҷойдошта, вусъат бахшидани корҳои таблиғотиву ташвиқотӣ миёни ҷавонони синни даъватӣ ва ба ин васила, дар замири онҳо бедор кардани ҳисси ватандӯстиву ҳифзи марзу бум, пешгирии ҷинояту ҷинояткорӣ ва зуҳуроти номатлуб миёни ҷавонону наврасон, таъмини иҷрои ҳатмии талаботи қонунҳои Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» ва «Масъулияти падару модар дар таълиму тарбияи фарзанд» ва дар маҷмуъ, таъмини волоияти қонун дар ҷомеа, беҳтарсозии сифати таълиму тарбияи насли наврас ва барҳамзании бетарафии аҳли ҷомеа, воқеъбинона баҳогузорӣ намудани вазъияти дохил ва хориҷи кишвар, нишон додани вокунишҳои саривақтӣ ба матолиби муғризонаи дар шабакаҳои интернетӣ нашршаванда, самараноку оқилона ва мақсаднок истифодашавии қитъаҳои замини наздиҳавлигӣ, хоҷагиҳои ёрирасон ва деҳқонӣ, захиракунии маводи хӯрока барои на кам аз ду сол ва дигар масъалаҳо ҷалб намуд.
                 Дар анҷоми маҷлис Азизӣ Абдуҷаббор Абдуқаҳҳор дар фазои тантанавӣ ба се нафар аъзои ҷавони ташкилоти ибтидоии ҳизбии "Сомониён"шаҳодатномаи ҳизбӣ супориданд
           Зимнан, муовини якуми Раиси Ҳизби Халқии Демократии Тоҷикистон Азизӣ Абдуҷаббор Абдуқаҳҳор бо ҷараёни корҳои сохтмонӣ дар бинои маъмурии Кумитаи иҷроияи Ҳизби Халқии Демократии Тоҷикистон дар ноҳия шинос гашта, бо мақсади саривақт ва бо сифати баланд мавриди истифодабарӣ қарор додани бинои маъмурии КИ ҲХДТ дар ноҳия ба масъулин маслиҳатҳои муфид доданд.
 
 
 
 
   
 
Возможно, это изображение 3 человека, люди сидят, люди стоят, в помещении и текст «0066 Samsung Quad Camera cHRToHa Galaxy A21s»   
 
         

Диданд: 141

Фаро расидани Рӯзи байналмилалии ҳифзи кӯдаконро ба тамоми кӯдакону наврасон табрику муборакбод гуфта, барои онҳо даврони босаодати наврасӣ осмони соф, оромию осудагӣ ва хандаи беғубори тифлиро таманно дорам.

          Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пайваста ба насли наврас ғамхорӣ зоҳир намуда, масъалаи таълиму тарбияи онҳоро яке аз масъалаҳои муҳими давлат ва ҷомеа арзёбӣ менамоянд.            

      Ин аст, ки аз самараи истиқлоли миллӣ ва сиёсати ояндасозу маърифатпарваронаи Пешвои миллат барои кӯдакону наврасон ҳамасола мактабҳои наву замонавӣ ва шароити мусоиди таълиму тадрис фароҳам карда мешавад.

        Мақомоти иҷроияи ҳокимияти давлатии ноҳияи Рӯдакӣ барои таҳти ғамхории доимӣ фаро гирифтан ва фароҳам овардани тамоми шароитҳои зарурии вобаста ба омӯзишу парвариши кӯдакони синни томактабӣ ва ҳамчунин дар оянда идома ёфтани таҳсили онон дар муассисаҳои таълимӣ таваҷҷӯҳи алоҳида зоҳир менамояд.

         Қабул гардидани Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ҳар кадоми моро вазифадор менамояд, ки дар таълиму тарбия ва махсусан ҳамчун шахсони солимфикр, хушахлоқ, масъулиятшинос, ватандӯсту шуҷоъ ва соҳибмаърифат ба камол расидани насли ҷавон саҳмгузор бошем.

           Азнавсозӣ, таъмиру тармим ва сохмтони муассисаҳои томактабӣ, муассисаҳои фарҳангию фароғатӣ, ташкили лагерҳои мавсимӣ дар тамоми деҳоту шаҳраки ноҳия ва ба ин восита фаро гирифтани кӯдакону наврасон ба истироҳатгоҳҳо, доир намудани чорабиниҳои мухталифи маданию маърифатӣ дар ин ҷойҳо баёнгари он аст, ки насли ояндасоз ҳамвора мавриди ғамхории калонсолон ва масъулини соҳа қарор дорад.

           Бори дигар, фарзандону дӯстони хурдсолро дар ин рӯзи муборак аз самими қалб табрик ва муборакбод намуда, таманнои онро дорам, ки ҳамеша хушбахту сарбаланд бошанд, ҳамчун шахсони бонангу номус, бофарҳангу боадаб ва арзандаи миллат ба воя расанд.

       Бигузор ҳамеша дар лабони кӯдакон ханда ҳувайдо, чеҳраҳои онҳо дурахшон ва дилашон саршор аз меҳру саодати зиндагӣ бошад.

Ид муборак, фарзандони азиз!