Диданд: 44
     Дидорбинӣ ва аёдати собиқадорону куҳансолон ва таваҷҷуҳу дастгирии шахсони солманд яке аз одату анъанаи неки халқи тоҷик маҳсуб мешавад ва он дар сиёсати инсондӯстонаи Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон мақоми меҳварӣ дорад.
    Дар партави ин сиёсат ва дар арафаи таҷлил аз Рӯзи Модарон, имрӯз, 6-уми март раиси ноҳияи Рӯдакӣ Абдуғаффор Ҳикматуллозода дар якҷоягӣ бо роҳбарияти шуъбаи кор бо занон ва оила ва Ҷамоати деҳоти Чоргултеппа ба дидорбинӣ ва аёдати модари солманд, собиқадор, сокини деҳаи Оби шифо Момогул Шокирова рафтанд.
    Зимни дидорбинӣ раиси ноҳия ин модари солдидаро ба муносибати Рӯзи Модарон табрик намуда, аз номи Мақомоти иҷроияи ҳокимияти давлатии ноҳия ба ӯ туҳфаҳо тақдим кард.
Момогул Шокирова соли 1924 таваллуд шуда, айни замон дар синни мубораки 101 қарор дорад.
 
   
  

Диданд: 41

      Бо мақсади иштироки фаъоли мардум дар маъракаи муҳимми сиёсӣ - Интихоботи вакилони халқ дар ноҳияи Рӯдакӣ иқдомҳои назаррас рӯйи кор гирифта шуданд. Аз ҷумлаи ин иқдомот фароҳам овардани шароити овоздиҳӣ ба шахсони бемор ва имконияти маҳдуддошта мебошад.  Имрӯз дар ҳама участкаҳои интихоботии ҳудуди ноҳияи Рӯдакӣ қуттиҳои сайёр ташкил гардида, аз ҳисоби аъзои комиссия гурӯҳҳои корӣ ба назди шахсони бемор ва имконияти маҳдуддошта сафарбар шуданд ва ин категорияи аҳолӣ ба тарафдорони номзади арзандаи хеш овоз доданд.

Диданд: 29
     Дар Ҷумҳурии Тоҷикистон интихоботи вакилони Маҷлиси намояндагони Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ идома дорад. Ҷараёни баргузории интихоботро нозирони байналмилалӣ мушоҳида намуда истодаанд.
     Субҳи имрӯз нозирони байналмилалӣ аз Созмони ҳамкориҳои Шанхай, Иттиҳоди давлатҳои мустақил ва мушоҳидачиён аз Ҷумҳурии Қазоқистон ва Ҷумҳурии Белорус бо мақсади назорати кори ҳавза ва ҷараёни баргузории интихобот аз участкаҳои интихоботии ҳудуди ноҳияи Рӯдакӣ дидан карданд. Инчунин, мушоҳидачиёни байналмилалӣ нафаронеро, ки бори аввал дар интихобот ширкат варзиданд, табрик карданд.
     Нозирони байналмилалиро муовини раиси ноҳия Зарина Исмоилзода ҳамроҳӣ намуда, бо фаъолияти участкаҳои интихоботии ҳудуди ноҳия шинос намуд.
 
 
 
  1. ИНТИХОБОТ - МАЪРАКАИ МУҲИММИ СИЁСӢ
  2. ИНТИХОБОТ ИФОДАИ ОЛИИ БЕВОСИТАИ ҲОКИМИЯТИ ХАЛҚ АСТ
  3. ИНТИХОБОТИ ВАКИЛОНИ ХАЛҚ
  4. Оғози овоздиҳӣ дар участкаҳои интихоботӣ