- Диданд: 102
23-юми феврал дар саросари кишвар ҳамчун Рӯзи таъсисёбии Қувваҳои Мусаллаҳи Ҷумҳурии Тоҷикистон таҷлил карда мешавад. Имсол аз таъсисёбии Қувваҳои Мусаллаҳи Ҷумҳурии Тоҷикистон 31 сол пур шуд.
Бахшида ба ин санаи муборак рӯзи 23-юми феврали соли 2024 дар маркази ноҳияи Рӯдакӣ як қатор чорабиниҳо баргузор шуданд. Аз ҷумла, раиси ноҳияи Рӯдакӣ Абдуғаффор Ҳикматуллозода дар якҷоягӣ бо муовинон ва роҳбарони сохторҳои қудратӣ дар Боғи фарҳангӣ-фароғатии ноҳия бар пояи муҷассамаи қаҳрамони халқи тоҷик - Спитамен гулчанбар гузоштанд.
Сипас, дар толори Қасри фарҳанг бахшида ба 31-умин солгарди таъсисёбии Қувваҳои Мусаллаҳи Ҷумҳурии Тоҷикистон бо иштироки раиси ноҳия, муовинони раис, мудирони бахшу шуъбаҳои мақомоти иҷроияи ҳокимияти давлатии ноҳия, роҳбарони сохторҳои қудратӣ, раисони ҷамоатҳои шаҳраку деҳот, кормандони раёсати маориф, директорони коллеҷҳо, муассисаҳои таълимӣ ва афсарону сарбозон чорабинии фарҳангӣ баргузор гардид.
Зимни баргузории чорабинӣ раиси ноҳия Абдуғаффор Ҳикматуллозода баромад карда, ҳозиринро бахшида ба 31-умин солгарди таъсисёбии Қувваҳои Мусаллаҳ табрик намуд. Дар рафти чорабинӣ муовини аввали раиси ноҳия - Аҳлиддин Шарифзода бо медали ҷашнии "25-солагии Қувваҳои Мусаллаҳи Ҷумҳурии Тоҷикистон" ва муовини раиси ноҳия - Муслима Саидмуродзода бо рутбаи ҳарбии навбатӣ - капитан қадрдонӣ шуданд. Ҳамчунин, аз ҷониби раиси ноҳия як қатор афсарону сарбозони қисмҳои ҳарбии ҳудуди ноҳия бо Ифтихорномаи Мақомоти иҷроияи ҳокимияти давлатии ноҳияи Рӯдакӣ сарфароз гардиданд.
Дар хотимаи чорабинӣ аз ҷониби бахши фарҳанги ноҳия барномаи рангини фарҳангӣ пешниҳод гардид.
- Диданд: 218
Нишасти матбуотии Раиси ноҳияи Рӯдакӣ Абдуғаффор Ҳикматуллозода
оид ба натиҷаҳои рушди соҳаҳои иҷтимоию иқтисодии ноҳияи Рӯдакӣ дар соли 2023
Рӯзи 9-уми феврали соли 2024 дар маҷлисгоҳи бинои мақомоти иҷроияи ҳокимияти давлатии ноҳияи Рӯдакӣ бо иштироки намояндагони воситаҳои ахбори оммаи ҷумҳуриявӣ, минтақавӣ ва маҳаллӣ нишасти хабарии раиси ноҳияи Рӯдакӣ оид ба натиҷаҳои рушди иқтисодию иҷтимоии ноҳия дар соли 2023 баргузор гардид.
Дар нишасти хабарӣ раиси ноҳияи Рӯдакӣ Абдуғаффор Ҳикматуллозода, муовини аввал, муовинон, роҳбар ва кормандони дастгоҳи раиси ноҳия, роҳбарони сохторҳои Мақомоти иҷроияи ҳокимияти давлатии ноҳия, соҳаҳои маориф, фарҳанг, тандурустӣ ва раисони ҷамоатҳои шаҳраку деҳот иштирок карданд.
Дар оғози нишасти хабарӣ ба намояндагони воситаҳои ахбори омма барои шинос шудан бо натиҷаҳои рушди иқтисодию иҷтимоии ноҳия дар соли 2023 маълумотномаи мухтасар пешниҳод гардид.
Дар қисмати саволу ҷавоби нишаст хабарнигорон ба саволҳои хеш вобаста ба соҳаҳои маориф, тандурустӣ ва ҳифзи иҷтимоӣ, роҳу коммуникатсия, саноату сохтмон, обёрии заминҳо ва таъмини оби ошомиданӣ, сатҳи ҷинояту ҷинояткорӣ дар миёни наврасону ҷавонон ва дигар мавзуъҳои мавриди назар ҷавобҳои мушаххас гирифтанд.
Бояд гуфт, ки дар нишасти хабарӣ хабарнигорон аз АМИТ "Ховар", рӯзномаҳои " Ҷумҳурият", "Садои Мардум", "Халқ овозӣ", "Омӯзгор", "Тоҷикистон", "Насими айём" ва телевизиони "Синамо" ширкат варзиданд.
Дар хотима раиси ноҳия ба намояндагони воситаҳои ахбори омма ҷиҳати ба роҳ мондани ҳамкориҳои пайваста, инъикоси дастовардҳои ноҳия ва пайгирии камбудиҳои ҷойдошта изҳори сипос намуд.
- Диданд: 106
Таҷлили иди Сада дан ноҳия
Бо шарофати Истиқлоли давлатӣ ва сиёсати фарҳангпарваронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон яке аз ҷашнҳои қадимаи миллати тоҷик - ҷашни Сада баробари дигар маросиму суннатҳои миллӣ умри дубора пайдо карда, таҷлили ҳарсолаи он дар тамоми гӯшаву канори кишвар ба ҳукми анъана даромад.
Мардуми сарбаланди ноҳияи Рӯдакӣ рӯзи 27-уми январи соли ҷорӣ иди Садаро чун анъанаи неки аҷдодон бо тантана ҷашн гирифтанд. Дар таҷлили ҷашни Сада раиси ноҳияи Рӯдакӣ Абдуғаффор Ҳикматуллозода, намояндагони сохтору ташкилот, муассисисаву идораҳо, аҳли маориф, фарҳанг, кишоварзону деҳқонон ва намояндагон аз ҷамоатҳои шаҳраку деҳот иштирок намуданд.
Раиси ноҳия ва иштирокдорон аз намоиши ниҳол, гулу буттаҳо, маҳсулоти кишоварзӣ, таомҳои миллӣ ва ҳунарҳои мардумӣ, ки аз ҷониби кишоварзон, боғпарварон ва ҳунармандони фаъоли ноҳия ороста шуда буд, дидан намуданд.
Раиси ноҳия Абдуғаффор Ҳикматуллозода зимни сухани табрикӣ бахшида ба ҷашни Сада зикр намуд, ки “неъмати бузурги соҳибистиқлолӣ ба мо - сокинони саодатманди ноҳияи Рӯдакӣ ва кулли мардуми кишвар имкониятеро фароҳам овард, ки бо шукргузорӣ аз фазои амну осоиштаи кишвар ҷашнҳои миллӣ ва қадимии хешро таҷлил намоем. Бояд гуфт, ки ҷашни Сада бо монанди Наврӯзу Меҳргон ва Тиргон яке аз идҳои қадимаи миллати тоҷик ба ҳисоб меравад. Сада пайғом аз наздикшавии фасли баҳор буда, рамзи пирӯзии рӯшноӣ бар зулмот ва ғалабаи гармӣ бар сардӣ аст".
Баъд аз суханронии раиси ноҳия бо барномаҳои фарҳанги дар сатҳи баланд иди Сада дар ноҳия таҷлил карда шуд.
Саҳифаи 13 аз 69
1USD
1EUR
1RUB