- Диданд: 274
НИШАСТИ МАТБУОТӢ РАИСИ НОҲИЯИ РӮДАКӢ.
Имрӯз дар толори Мақомоти иҷроияи ҳокимияти давлатии ноҳияи Рӯдакӣ нишасти матбуотӣ бо иштироки васеъи намояндагони васоити ахбори оммаи кишвар баргузор гардид.
Сараввал, и.в.раиси ноҳия Абдуғаффор Ҳикматуллозода меҳмононро хайра мақдам гуфта, сипас оид ба натиҷаҳои рушди иқтисодиву иҷтимоии ноҳия дар соли 2022 мухтасар маълумот дод.
Пеш аз оғози саволу ҷавоб ба Мақомоти иҷроияи ҳокимияти давлатии ноҳия ва Идораи "Почта " барои сари вақт иҷро намудани нақшаи обуна ба рӯзномаи "Садои мардум " аз тарафи роҳбарияти рӯзнома бо "Сипоснома " қадр карда шуданд.
Баъдан, саволу ҷавоби озод бо рӯзноманигорон сурат гирифт. Намояндагони васоити ахбори оммаи кишвар саволҳои худро оид ба пешгирии ғасби замин, набудани майдончаҳо барои кӯдакон дар назди биноҳои баландошëна, таъмири роҳҳои аҳамияти маҳаллӣ дошта, фаъолияти соҳибкорӣ, ташкили корхонаҳои саноатӣ, бо қитъаҳои замини наздиҳавлигӣ таъмин шудани омӯзгорони ҷавон, мутахассисони ҷавони соҳаи тандурустӣ, норасоии омӯзгорон ва ҷойи нишаст барои хонандагони муассисаҳои таълимӣ, таъмини сокинони ноҳия бо ҷойи кор, пешгирӣ аз ҷинояткорӣ миëни наврасону ҷавонон, тарбияи ватандӯстии наврасон ва ҷавонон, даъват ба сафи Қувваҳои мусаллаҳи Ҷумҳурии Тоҷикистон пешниҳод намуда, аз ҷониби и.в. раиси ноҳия Абдуғаффор Ҳикматуллозода, муовинони раиси ноҳия, роҳбарони шуъба ва бахшҳои МИҲД-и ноҳия ва ташкилоту муассисаҳо ҷавобҳои мушаххас гирифтанд.
- Диданд: 274
ТАҶЛИЛИ ҶАШНИ САДА ДАР НОҲИЯИ РӮДАКӢ.
«Суннату ойини нек ва ҷашнҳои миллии мо, мисли Наврӯз, Меҳргон ва Сада дар тӯли таърих барои тарғиби ахлоқу маънавиёти созанда хизмат кардаанд. Аз ин рӯ, зарур аст, ки дастовардҳои маънавию моддии мардуми шарифи мо ба феҳристи умумиҷаҳонии ЮНЕСКО ворид гарданд ва нақши тамаддунсози миллати тоҷикро минбаъд низ боло баранд".
Эмомалӣ Раҳмон
Дар замони соҳибистиқлолии кишвар тавассути сиёсати хирадмандона ва фарҳангпарваронаи Асосгузори сулҳу ваҳдати миллӣ-Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон ҷашнҳои миллии мо - Наврӯз, Меҳргон ва Сада эҳё ва шукӯҳу шаҳомати бештар пайдо намудаанд. Аз ҷумла, Сада ҳам яке аз ҷашнҳои қадимаи мардуми тоҷик дар кишвар мақоми хоса пайдо намуда, ҳамасола бо тантана таҷлил карда мешавад.
Имрӯз бошад, дар маркази ноҳияи Рӯдакӣ чун ҳамасола чорабинии фарҳангӣ-фароғатии таҷлили ҷашни таърихии Сада бо иштироки бевоситаи Раиси ноҳия Ҳикматуллозода Абдуғаффор, Раиси Кумитаи давлатии идораи замин ва геодезии Ҷумҳурии Тоҷикистон Хоҷазода Ориф, роҳбарону намояндагони бахшу сохторҳои Мақомоти иҷроияи ҳокимияти давлатии ноҳия, кишоварзону ҳунармандони меҳнатқарин, аҳли ҷамоатчигӣ ва шумораи зиёди сокинони ноҳияи Рӯдакӣ доир гардид.
Сараввал Раиси ноҳияи Рӯдакӣ Ҳикматуллозода Абдуғаффор бо ҳамроҳии меҳмонон ва роҳбарону намояндагони бахшу сохторҳои Мақомоти иҷроияи ҳокимияти давлатии ноҳия аз намоиши маҳсулоти кишоварзӣ, ниҳолу гулу буттаҳо, дастурхони идона ва маҳсулоти ҳунармандон дидан намуда, сипас тамоми сокинони ноҳияро бо фарорасии Ҷашни Сада- мужда аз Наврӯзи дар пешистода табрику муборакбод намуд. Ӯ зимни суханронӣ иброз доштанд, ки:
"Ҷашни Сада пайғомест аз наздикшавии Баҳор ва рамзест аз пирӯзии рӯшноӣ бар зулмот ва ғалабаи гармӣ ба сардӣ. Ин ҷашн ягон ҷанбаи мазҳабӣ надошта, фурсати муносибест барои кишоварзон ҷихати омодагӣ гирифтан ба фасли кишту кор баҳор. Яъне, ин ҷашн ҳар кадоми моро ба сӯи созандагию ободкорӣ ва замина гузоштан барои ба даст овардани маҳсулоти дилхоҳи кишоварзӣ ҳидоят месозад".
Ҳамзамон, Раиси Кумитаи давлатии идораи замин ва геодезии Ҷумҳурии Тоҷикистон Хоҷазода Ориф дар баромади хеш, ҳамчун ҷашни таърихи ниëгони миллати тоҷик пазируфтани иди Сада сухан карда, баëн намуданд, ки:
"Миллати бофарҳангу тамаддунсози тоҷик тамоми ҷашну русуми қадимаи худро ҳеҷ гоҳ фаромӯш накардааст ва нахоҳад кард. Тамоми чораҳоро баҳри аз байн нарафтани ин анъанаҳо андешида истода, ҳамеша барои ҳифзу эҳё намудани онҳо талош мекунад".
Дар идомаи чорабинӣ аҳли санъаткорони фарҳанги ноҳия баҳри болидахотирии иштирокчиён барномаи рангини фарҳангӣ пешниҳод намуда, ба дилҳо шодию фараҳ бахшиданд.
- Диданд: 292
25-Январ дар Қасри фарҳанги ба номи Кароматулло Қурбонови ноҳияи Рӯдакӣ вохӯрии судманд доир ба шарҳу тавзеҳи нуқтаҳои Паёми Асосгузори сулҳу ваҳдати миллӣ-Пешвои муаззами миллат, Президенти Ҷумҳурии Тоҷикистон, муҳтарам Эмомалӣ Раҳмон, ки 23-уми декабри соли 2022 ба мардуми кишвар ироа гардида буд, баргузор гардид.
Дар чорабинӣ, Назриён Васлибек Қурбон-сарнозири Раёсати муқовимат бо коррупсияи Агентии назорати давлатии молиявӣ ва мубориза бо коррупсияи Ҷумҳурии Тоҷикистон, Бобошоҳзода Муҳаммадшариф-муовини раиси ноҳияи Рӯдакӣ, Муҳаммадии Салим-мудири шуъбаи рушди иҷтимоӣ ва робита бо ҷомеаи дастгоҳи раиси ноҳия, Абдулло Сатторӣ-мудири бахши кор бо ҷавонон ва варзиши ноҳия, Муслима Саидмуродова-мудири бахши кор бо занон ва оилаи ноҳия, директорони муассисаҳои таълимии ноҳия ва аҳли ҷамоатчигӣ ширкат варзиданд.
Зимни вохӯрӣ, сарнозири Раёсати муқовимат бо коррупсияи Агентии назорати давлатии молиявӣ ва мубориза бо коррупсияи Ҷумҳурии Тоҷикистон Назриён Васлибек Қурбон баромад намуда, мавриди нуқтаҳои Паёми Асосгузори сулҳу ваҳдати миллӣ-Пешвои муаззами миллат, Президенти Ҷумҳурии Тоҷикистон, муҳтарам Эмомалӣ Раҳмон ибрози андеша намуда таъкид доштанд, ки: “Чуноне ба ҳамагон маълум аст, тамоми ҷаҳду талошҳои Асосгузори сулҳу ваҳдати миллӣ-Пешвои муаззами миллат, Президенти Ҷумҳурии Тоҷикистон, муҳтарам Эмомалӣ Раҳмон ҳамчун фарзанди фарзонаи миллат, баҳри осоиштагии Меҳани биҳиштосои Тоҷикистон дар тӯли таърихи на чандон дури миллати тоҷик беҳамтост.
Дар асоси дастуру супоришҳо ва нуқтаҳои асосии Паёми Роҳбари давлат мо бояд вобаста ба авзои ҷаҳон захираи зеҳнии хешро зиёд намоем.
Масъулияти баланди кории тамоми роҳбарону кормандон натиҷаи мусбат ва намунаи ибрат ба насли ояндаи миллат хоҳад буд. Зеро агар ҳар як хизматчии давлатӣ бо дилу виҷдони пок фаъолият накунад, таъсири манфии хешро метавонад ба табақаи поёнӣ низ расонад.
Ҳамчунин, дар Паёми Асосгузори сулҳу ваҳдати миллӣ-Пешвои муаззами миллат қайд гардид, ки бояд ҳар як шаҳрванди Ҷумҳурии Тоҷикистон пас аз синни 18-солагӣ соҳиби ин ё он касбу ҳунар гардад, ки ин албатта аз манфиат орӣ нахоҳад буд.
Равандҳои ҷаҳонишавӣ, бархурди тамаддунҳо, ифротгароиву одамрабоӣ, экстремизму терроризм, тамоюли шомилшавии ҷавонон ба ҳизбу ҳарактаҳои гуногуни ифротгароӣ ҷомеаи ҷаҳониро ба таҳлука овардааст.
Аз ин лиҳоз, моро зарур аст, ки Паёми Асосгузори сулҳу ваҳдати миллӣ-Пешвои муаззами миллатро сармашқи кори хеш қарор дода, дар ҳамкориву ҳамоҳангӣ саҳми беандозаи худро ба рушду нумӯи мамлакатамон гузорем”.
Саҳифаи 17 аз 69
1USD
1EUR
1RUB