Асосӣ

: Нашр шуд: 15 Феврали 2022; Диданд: 543

Вохӯрии аъзоёни Шӯрои Ҳаракати ваҳдати миллӣ ва эҳёи Тоҷикистон бо фаъолон ва аҳли ҷамоатчигии ноҳияи Рӯдакӣ дар ҳошияи Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии мамлакат, ки санаи 11 феврали соли равон дар толори Мақомоти иҷроияи ҳокимияти давлатии ноҳия баргузор гардид.

Раиси ноҳия Азизулло Исматзода сараввал ташрифи меҳмонон-аъзоёни Шӯрои Ҳаракати ваҳдати миллӣ ва эҳёи Тоҷикистонро ба ноҳия хайрамақдам гуфта, сухани ифтитоҳӣ намуд.

Сипас раиси Кумитаи иҷроияи ҳаракати ваҳдати миллӣ ва эҳёи Тоҷикистон Рудобаи Мукаррам дар назди ҳозирин оид ба мавзӯи "Таҳкими Ваҳдати миллӣ-мароми мо" баромад намуда, нақши Пешвои миллатро дар таҳкими Ваҳдати миллӣ назаррас арзёбӣ кард ва иброз дошт, ки ҳар яки мо дар баробари Сарвари кишвар мебояд ҷиҳати таҳкими ин неъмати бебаҳо саҳмгузор бошем.

Меҳмонони дигари ҳамоиш муовини раиси Кумитаи оид ба дин, танзими анъана ва ҷашну маросимҳои назди Ҳукумати Ҷумҳурии Тоҷикистон Азизулло Мирзозода ва аъзои Шӯрои кӯҳансолони Кумитаи иҷроияи Ҳаракати ваҳдати миллӣ ва эҳёи Тоҷикистон Ҳайдаршоҳ Пирумшоев ҳам дар ҷараёни вохӯрӣ ба ҳозирин доир ба масъалаҳои доғи рӯз баромадҳои пурмуҳтаво намуданд.

Дар фарҷом раиси Кумитаи иҷроияи Ҳаракати ваҳдати миллӣ ва эҳёи Тоҷикистон Рудобаи Мукаррам ба раиси ноҳия Азизулло Исматзода «Ифтихорнома»-и кумитаро супорида, ҳамзамон якчанд нусха китоби тозанашри "Ваҳдат, Давлат, Президент" ба Мақомоти иҷроияи ҳокимияти давлатии ноҳия ва муассисаҳои таълимӣ тақдим намуд.

Возможно, это изображение (5 человек и люди стоят)

Возможно, это изображение (2 человека, люди сидят, люди стоят и в помещении)

Возможно, это изображение (4 человека, люди сидят и люди стоят)

Возможно, это изображение (1 человек и стоит)

Возможно, это изображение (2 человека, люди стоят, люди сидят и в помещении)

Возможно, это изображение (2 человека и люди стоят)

Возможно, это изображение (1 человек, сидит и стоит)

: Нашр шуд: 15 Феврали 2022; Диданд: 543

11 феврали соли равон дар толори Мақомоти иҷроияи ҳокимияти давлатии ноҳияи Рӯдакӣ нишасти матбуотӣ баргузор гардид, ки дар он намояндагони 25 расонаҳои хабарӣ, аз ҷумла АМИТ "Ховар", Радиои "Тоҷикистон", Телевизиони "Ҷаҳоннамо", рӯзномаҳои "Ҷумҳурият, "Садои мардум, "Народная газета", "Минбари халқ", "Халқ овозӣ", иштирок карданд.

Раиси ноҳия Азизулло Исматзода хабарнигоронро хайрамакдам гуфта, онҳоро аз натиҷаҳои рушди иҷтимоиву иқтисодии ноҳия дар соли 2021 шинос намуд.

Баъди шиносоӣ пайдо кардан бо натиҷаҳои ноилшуда дар соҳаҳои иҷтимоию иқтисодии ноҳия хабарнигорон ба масъалаҳои иштирок дар озмунҳои ҷумҳуриявӣ ва олимпиадаҳои фаннӣ, таъмири роҳҳо, таъмини сокинон бо оби ошомиданӣ ва нақшаи чорабиниҳо дар доираи ҳадафи саноатикунонии кишвар эълон гардидани солҳои 2022-2026 "Солҳои рушди саноат" бештар таваҷҷуҳ зоҳир намуда, ба раиси ноҳия саволҳои зиёде доданд ва посухҳои мушаххас гирифтанд.

Раиси ноҳия Азизулло Исматзода зимни посух додан ба саволҳо изҳор намуд, ки ҳарчанд дар соли 2021 натиҷаҳо дар соҳаҳои иҷтимоиву иқтисодии ноҳия назаррасанд, вале боз камбудиҳо низ ба мушоҳида мерасанд. Аз ин лиҳоз, Мақомоти иҷроияи ҳокимияти давлатии ноҳия дар соли 2022 ҷиҳати татбиқи дастуру супоришҳои бевоситаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва дастуру супоришҳои Ҳукумати Ҷумҳурии Тоҷикистон, оиди ғанӣ гардонидани буҷет, ҳарчӣ бештар истеҳсол намудани маҳсулоти кишоварзию саноатӣ, баланд бардоштани сатҳи зиндагии аҳолӣ, тарбияи насли наврас дар руҳияи ватанпарастӣ, хештаншиносӣ, эҳтироми арзишҳои миллӣ, танзими расму оин ва ҷашну маросимҳо ва ҳидояти мардум ба корҳои ободонию созандагӣ, тадбирҳои муайянро ба нақша гирифта, ҷиҳати амалисозии онҳо тамоми чораҳоро меандешад.

Возможно, это изображение (2 человека, люди сидят и люди стоят)

Возможно, это изображение (5 человек, люди сидят и люди стоят)

Возможно, это изображение (6 человек, люди стоят и люди сидят)

Возможно, это изображение (один или несколько человек, люди стоят и люди сидят)

Возможно, это изображение (8 человек, люди сидят и люди стоят)

Возможно, это изображение (6 человек, люди сидят и люди стоят)

: Нашр шуд: 31 Январи 2022; Диданд: 501

Сада аз қадимтарин ҷашнҳои миллати тоҷик аст, ки дар замони соҳибистиқлолии кишвари азизамон Тоҷикистон бо ташаббуси Асосгузори сулҳу ваҳдат миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дубора эҳё гардид.

Маънои Сада ин калимаи сад буда, сад шабу рӯзи пеш аз Наврӯзро ифода мекунад, яъне Сада як навъ муждаи омадани Наврӯзро ба ҳамагон мерасонад.

Тайи солҳои охир ҷашни Сада ҳамасола дар тамоми гӯшаву канори мамлакат таҷлил карда мешавад. Имсол иди Сада ба 30 январ рост омад ва имрӯз дар боғи фарҳангӣ-фароғатии ба номи Абулқосим Фирдавсии шаҳри Душанбе бо шукӯҳу шаҳомати хоса ҷашн гирифта шуд.

Дар ин ҷашни миллии ниёгонамон, ки далели фарҳангсолории миллати тоҷик аст, дар баробари дигар шаҳру ноҳияҳо намояндагон, кишоварзон ва ҳунармандони ноҳияи Рӯдакӣ фаъолона бо ҳисси баланди худшиносӣ бо намоиши маҳсулоти кишоварзӣ, ниҳоли гулу дарахтон, ҳунарҳои мардумӣ, дастурхони идона ва рақсу таронахонӣ иштирок намуданд.