- Диданд: 428
Дар толори Мақомоти иҷроияи ҳокимияти давлатии ноҳия 8 апрели соли равон Маҷлиси ҷамъбасти натиҷаҳои рушди иқтисодиву иҷтимоии ноҳия дар семоҳаи якуми соли 2022 ва вазифаҳо барои семоҳаи дуюми соли 2022 баргузор гардид ва муовини аввали раиси ноҳия Абдуаҳад Саидмуродзода оид ба ин масъала ҳисобот дод.
Дар ҷараёни кори ҷаласа раиси ноҳия Азизулло Исматзода ба кормандони нозироти андоз ҷиҳати иҷрои пурраи ҷамъоварии андозҳо дар семоҳаи аввали соли равон изҳори миннатдорӣ намуд. Сипас ҷиҳати рушди соҳаи кишоварзӣ ва таъмини сабади истеъмолии сокинони ноҳия ба сардори Раёсати кишоварзӣ дастурҳои мушаххас дода шуд.
Ҳамзамон раиси ноҳия Азизулло Исматзода аз дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мулоқот бо роҳбарону фаъолони вилояти Хатлон ёдовар шуда, сартабиби ноҳия, сардори Раёсати маориф ва раиси кумитаи идораи замини ноҳияро барои дастгирии омӯзгорон ва табибони ҷавон ва вобаста ба имконоти мавҷуда бо хонаи истиқоматӣ ё қитъаи замин таъмин намудани онҳо вазифадор намуд.
Дар идомаи маҷлис ба масъулин, роҳбарони ташкилоту муассисаҳо, раисони ҷамоатҳои шаҳраку деҳот ва фаъолон супориш дода шуд, ки ҷиҳати амалигардонии як қатор тадбирҳову вазифаҳои аввалиндараҷа, ки аз ҷониби Мақомоти иҷроияи ҳокимияти давлатии ноҳия зарур дониста шудаанд, дар семоҳаи дуюми соли 2022 саҳм бигиранд.
Маҷлис дар анҷом оид ба натиҷаҳои рушди иқтисодиву иҷтимоии ноҳия дар семоҳаи якуми соли 2022 ва вазифаҳо барои идомаи соли 2022 қарори дахлдор қабул намуд.
- Диданд: 581
Дар ноҳияи Рӯдакӣ ба муносибати сафарбар намудани ҷавонон ба сафи Қувваҳои Мусаллаҳи Ҷумҳурии Тоҷикистон бо иштироки роҳбарияти мақомоти иҷроияи ҳокимияти давлатии ноҳия, роҳбарияти мақомоти ҳифзи ҳуқуқ, собиқадорони меҳнат ва падару модарони наваскарон чорабинии тантанавӣ баргузор шуд.
Раиси ноҳия Азизулло Исматзода зимни суханронӣ иброз дошт, ки “Хизмат ба Ватан-Модар қарзи фарзандӣ ва имониву виҷдонии ҳар як ҷавонмарди бонангу номус буда, мактаби бузурги тарбияи ирода, ҷасорат, шуҷоат ва ватандорӣ ба ҳисоб меравад. Иҷрои ин қарз нишонаи камолоти инсонии ҳар як ҷавон мебошад”.
Аз номи волидайни наваскарон Ҷавҳарбӣ Сатторова суханронӣ намуда, изҳор дошт, ки “Барои мо модарон аввало сулҳу амонии кишвар зарур буда, таъмини ҳаёти осоишта ба дӯши Қувваҳои Мусаллаҳ мебошад. Мо ба матонату далерии афсарону сарбозони шуҷои Ватан эътимод дорем ва ман ифтихор мекунам, ки имрӯз фарзандам ба сафи муҳофизони Ватан пайваста, қарзи фарзандиро дар назди Модар-Ватан иҷро менамояд. Боварӣ дорам, ки давоми ду сол дар ин мактаби мардонагӣ аз лиҳози сиёсӣ, ҳарбию ҷисмонӣ ва ҷасорату матонат обутоб ёфта, дар оянда низ ба халқу Ватани азиз сарбаландона хизмат менамояд” .
Наваскар Идибеков Ҳасан иброз дошт, ки “ Ман дар сафи Артиши миллӣ хизмат намуданро шарафу ифтихор ва соҳибимонӣ медонам. Аз ҷумлаи ҷавонони шаҳр даъват менамоям, ки сафи ихтиёриёнро барои хизмат дар Қувваҳои Мусаллаҳ бояд зиёд кунем, зеро Ватан номӯси инсон ва ҳадяи раббонӣ маҳсуб ёфта, ватанбонӣ, яъне хизмат ба Ватан нишони имондорист”.
Барномаи фарҳангӣ ба маъракаи гусели наваскарон шукӯҳи идона бахшид. Бо анъанаи «Кулчагазон»-у дуои неки волидон ҷавонон ба сафи Қувваҳои Мусаллаҳи Ҷумҳурии Тоҷикистон сафарбар гардиданд.
- Диданд: 667
1 апрели соли равон раиси Кумитаи давлатии идораи замин ва геодезии Ҷумҳурии Тоҷикистон Ориф Хоҷазода ҳамчун намояндаи доимии Ҳукумати Ҷумҳурии Тоҷикистон дар ноҳияи Рӯдакӣ бо роҳбарону фаъолони ноҳия вохӯрӣ доир намуд ва дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро, ки дар маҷлиси Ҳукумати кишвар ироа гардиданд, ба ҳозирин расонид. Мавсуф таъкид сохт, ки барои сазовор пешвоз гирифтани ҷашни 35-солагии Истиқлолияти давлатии Ҷумҳурии Тоҷикистон мақомоти маҳаллиро мебояд нақшаи чорабиниҳо тартиб дода, ин ҷашни бузурги миллиро бо дастовардҳои назаррас истиқбол намоянд.
Ҳамзамон О.Хоҷазода аз камбудиҳои ҷойдошта ёдовар шуда, бо роҳбарону намояндагони сохторҳо ҷиҳати сари вақт бартараф намудани мушкилоти соҳаҳо ва боз ҳам беҳтар намудани шароити зиндагии мардум маслиҳатҳои муфид дод.
Саҳифаи 38 аз 73
1USD
1EUR
1RUB