Диданд: 745
Рӯзи 27-уми августи соли равон дар Қасри фарҳанги ба номи Кароматулло Қурбони ноҳияи Рӯдакӣ бо иштироки доираи васеи роҳбарони муассисаҳои таълимӣ ва омӯзгорон машварати августии кормандони соҳаи маорифи ноҳияи Рӯдакӣ баргузор гардид.
Дар кори машварати мазкур муовини вазири маориф ва илми Ҷумҳурии Тоҷикистон Гулчеҳра Ғанизода, муовини раиси ноҳияи Рӯдакӣ Муҳаммадшариф Бобошоҳзода, сардори Раёсати маорифи ноҳия Соҳибназар Сафаров, раиси Кумитаи иҷроияи Ҳизби Халқии Демократии Тоҷикистон дар ноҳияи Рӯдакӣ Ҳамзаалӣ Юсуфзода, корманди Прокуратураи ноҳия Абдуллозода Фарҳод, корманди шуъбаи Кумитаи давлатии амнияти миллӣ дар ноҳияи Рӯдакӣ Азимзода Парвиз, мудири бахши кор бо ҷавонон ва варзиш дар ноҳия Абдулло Сатторӣ, директорони муассисаҳои таълимӣ, ғолибони даври ҷумҳуриявии олимпиадаи фаннӣ, ғолибони даври ноҳиявии озмуни ҷумҳуриявии "Фурӯғи субҳи дороӣ китоб аст.", собиқадорон ва дигар кормандони соҳаи маориф иштирок намуданд. 

Диданд: 847
Дар ҳама давру замон ҷомеа ба табибони ҳозиқ ва тавонманд ниёз дорад. Махсусан ҳоло, ки ҷомеаи ҷаҳонӣ бо пандемияи КОВИД-19 дар мубориза аст, нақши табибон ва зарурати таваҷҷуҳ ба соҳаи тандурустӣ бештар мегардад.
Ҳамасола дар мамлакат 18-уми август ҳамчун Рӯзи кормандони соҳаи тандурустӣ таҷлил карда мешавад, ки ин рӯз ба мавлуди алломаи бузург Абӯалӣ ибни Сино алоқамандӣ дорад. Имсол низ, чун анъана, санаи 18-уми август иди касбии кормандони соҳаи тандурустӣ дар Беморхонаи марказии ноҳияи Рӯдакӣ таҷлил гардид. Дар чорабинӣ муовини раиси ноҳияи Рӯдакӣ Муҳаммадшариф Бобошоҳзода сартабиби Беморхонаи марказии ноҳия Абдурасул Абдулмаҷидзода, меҳмонон, кормандони Беморхонаи марказии ноҳияи Рӯдакӣ ва КАТС-и Маркази саломатӣ дар ноҳия иштирок намуданд. 

Диданд: 658

     Рӯзи 29-уми июл дар толори бинои Мақомоти иҷроияи ҳокимияти давлатии ноҳияи Рӯдакӣ бо иштироки раиси ноҳияи Рӯдакӣ Азизулло Исматзода, инчунин роҳбари дастгоҳ ва муовинони раиси ноҳия, роҳбарони бахшу сохторҳои Мақомоти иҷроияи ҳокимияти давлатии ноҳияи Рӯдакӣ ва раисони ҷамоатҳои шаҳраку деҳоти ноҳия нишасти матбуотӣ оид ба натиҷаҳои рушди иҷтимоию иқтисодии ноҳияи Рӯдакӣ дар нимсолаи аввали соли 2021, баргузор гардид.

     Дар нишасти матбуотӣ хабарнигорон аз воситаҳои ахбори оммаи маҳаллӣ, ҷумҳуриявӣ, расонаҳои мустақил ва соҳавӣ, аз ҷумла Агентии миллии иттилоотии Тоҷикистон "Ховар", радиоҳои "Тоҷикистон", "Фарҳанг" нашрияҳои "Халқ овозӣ", "Ҷаҳони Паём", "Ҷумҳурият", "Пайк", "Фараж" ва ғайра иштирок намуданд.

  1. Маркази матбуоти Қӯшунҳои сарҳадии КДАМ ҶТ хабар медиҳад 14 июл
  2. Press Center of the Border Troops of the State Committee for National Security Reports
  3. Пресс-центр Пограничных войск ГКНБ Республики Таджикистан сообщает
  4. Маркази матбуоти Қӯшунҳои сарҳадии КДАМ ҶТ хабар медиҳад