- Диданд: 28
Вохӯрии навбатӣ дар муассисаҳои таҳсилоти миёнаи умумии №30 ва №52-и деҳаи Шӯриёни Ҷамоати деҳоти Эсанбой.
Дар асоси нақшаи муштараки Мақомоти иҷроияи ҳокимияти давлатии ноҳияи Рӯдакӣ дар ҳамбастагӣ бо сохторҳои дахлдори ноҳия бо усули "Мактаб ба мактаб" рӯзи 22-юми апрели соли 2026 гурӯҳи корӣ бо хонандагон, омӯзгорон ва маъмурияти муассисаҳои таҳсилоти миёнаи умумии №30 ва №52-и деҳаи Шӯриёни Ҷамоати деҳоти Эсанбой вохӯрӣ анҷом доданд.
Дар вохӯрии мазкур муовини раиси ноҳияи Рӯдакӣ Зарина Исмоилзода, раиси кумитаи иҷроияи Ҳизби халқии демократии Тоҷикистон дар ноҳия Ҳамидзода Насимҷон,муовини раёсати маориф Қодирзода Баҳриддин, мудири шуъбаи рушди иҷтимоӣ ва робита бо ҷомеа Мирзоева Мунира ва Сармуҳаррири рӯзномаи ноҳиявии "Насими айём" Умеда Алимова иштирок ва суханронӣ намуданд. Дар вохӯрӣ муҳтавои Паёми Пешвои миллат, масъалаҳои муҳимми рӯз, роҳ надодан ба пӯшидани либоси бегона, пешгирии аз таҳсил дур мондани фарзандон, интихоби касб, тарғиби фарҳанги миллӣ, "Шоҳнома"-хонӣ, баланд ба роҳ мондани раванди таҳсил, иштироки фаъолона дар озмунҳои ҷумҳуриявӣ ва ғайра мавриди таҳлилу муҳокима қарор гирифтанд.
Бояд гуфт, ки чунин вохӯриҳо дар ҳамаи муассисаҳои таълимии ноҳия тибқи нақшаи чорабиниҳои гурӯҳи муштарак идома доранд.
- Диданд: 15
Санаи 3 – юми апрели соли ҷорӣ дар Муассисаи тахсилоти томактабии №5- деҳаи Мавҷи Ҷамоати шаҳраки М. Турсунзода чорабинии тантанавӣ ба муносибати ҷашни Наврӯзи байналмилалӣ баргузор гардид. Дар чорабинии мазкур муовини раиси ноҳияи Рӯдакӣ Исмоилзода Зарина, муовини сардори раёсати маорифи ноҳия Қодирзода Баҳриддин, мудири бахши томактабии раёсати маориф Раҳматуллоева Мақсуда, роҳбарият ва мураббиёну кормандони муассиса иштирок ва суханронӣ намуданд. Дар чорабинӣ аз ҷониби кӯдакон шеърҳо дар васфи фасли баҳор ва Наврӯз қироат гардид. Ҳамзамон кӯдакон бо либосҳои миллӣ рақсҳои зебои тоҷиконаро пешкаши ҳозирин намуданд, ки ба фазои идона ҳусну таровати тоза зам намуд. Баргузории чунин чорабиниҳо миёни насли хурдсоли ҷомеа, аз пайравии сиёсати хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баҳри дар роҳи ватандӯстӣ ва меҳанпарастӣ тарбия намудани насли оянда ва арҷгузорӣ ба муқаддасоти миллӣ мебошад.
- Диданд: 20
Санаи 1- уми апрели соли ҷорӣ дар Муассисаи таҳсилоти миёнаи умумии №107-и деҳаи Истиқлоли 3-и Ҷамоати шаҳраки Мирзо Турсунзода бахшида ба ҷашни Наврӯзи ҷаҳонӣ чорабинии тантанавӣ ва фарҳангӣ дар сатҳи баланд ва бо шукӯҳу шаҳомат таҷлил карда шуд. Омӯзгорону муҳассилини муассиса намунаи ҳунарҳои мардумии маҳсули дасти худ ва маҳсулотҳои нонию таомҳои миллиро ба маръази тамошо гузошта, соли нави аҷдодиро бо тамоми анъанаву суннатҳо ва расму ойинҳои хосаш истиқбол намуданд. Дар қисмати тантанавии чорабинӣ мудири шуъбаи занони Мақомоти иҷроияи ҳокимияти давлатии ноҳияи Рӯдакӣ Усмонзода Моҳира ҳозиринро аз номи роҳбарияти мақомоти иҷроияи маҳаллии ҳокимияти давлатии ноҳия бо ҷашни Наврӯзи байналмилалӣ табрику шодбош намуд. Аз ҷумла қайд гардид, ки Наврӯз аз зумраи маҳбубтарин ҷашни миллати мо буда, бо талошҳои Пешвои миллат муҳтарам Эмомалӣ Раҳмон мақоми байналмилалиро касб намудааст ва мо ворисони аслии ин ҷашни муҳим бояд бо ифтихор ва бо арҷ гузоштан ба арзишҳои миллӣ, фарҳангу тамаддуни ғании миллат ба ҷаҳониён онро муаррифӣ намоем. Ҳамзамон директори муассисаи мазкур Ризвоншоева Хайринисо суханронӣ намуда, бо шукргузорӣ аз фазои сулҳу осоиштагии кишвар кулли иштирокчиёнро бо ин ҷашни бостонии миллат табрику таҳният намуд. Сониян аз ҷониби муҳассилини муассиса таҳти суруду мусиқиҳои миллию ватандӯстона барномаи рангини фарҳангӣ манзури меҳмонону дигар тамошобинон гардид.
Саҳифаи 2 аз 9
1USD
1EUR
1RUB