Нашр шуд: 29 Майи 2020

Диданд: 701

     Санаи 29 майи соли 2020 бо иштироки Муовини Сарвазир Чумхурии Точикистон мухтарам Ширин Исматуллозода дар ноҳияи Рӯдакӣ ҷаласаи корӣ баргузор гардид.
     Дар толори Мақомоти иҷроияи ҳокимияти давлатии ноҳияи Рӯдакӣ таҳти роҳбарии муовини Сарвазири мамлакат мухтарам Ширин Исматуллозода ва муовини якуми Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон мухтарам Назарзода Ризо, раиси ноҳия Рӯдакӣ мӯҳтарам Акрамзода Рустам, муовинон ва роҳбари дастгоҳи раиси ноҳия, сарварони дармонгоҳҳои ноҳия, роҳбарони марказҳои саломатӣ, рохбарони сохторхои махалли ва фаъолони ноҳия бо мақсади таҳлили вазъи воқеӣ ҷиҳати пешгирӣ ва табобати бемории коронавируси навъи COVID-19 ҷаласаи ситоди корӣ баргузор гардид.
     Муовини Сарвазири мамлакат вобаста ба гузаронидани суҳбатҳо байни аҳолӣ, дарёфти нафарони табашон баланд, равон намудани онҳо ба беморхонаҳо ва дигар масъалаҳои муҳим аз масъулини соҳаи тандурустӣ ва роҳбарони марказҳои саломатӣ пурсон шуд.
     Зикр гардид, ки айни замон дар ноҳияи Рӯдакӣ 1 маркази саломатии ноҳияви, 30 маркази саломатии деҳот ва 81 бунгоҳҳои саломатӣ фаъолият мекунанд.
    Дар самти пешгирӣ аз паҳншавии бемории коронавирус дар ноҳия тадбирҳо пурзӯр карда шудаанд. Тибқи иттилои масъулини Маркази назорати давлатии санитарию эпидемиологии ноҳия, ҳамарӯза корҳои безараргардонӣ бо истифода аз нақлиёту дастгоҳи зарурӣ анҷом дода мешаванд. Барои иҷрои саривақтии корҳои безараргардонӣ миқдори заруриии маҳлулҳо захира карда шудаанд.
     Дар ин самт корҳо аз ҷониби марказҳои кумаки аввалини тиббию санитарӣ низ тақвият дода шуда, табибони оилавии ҳамаи марказҳои саломатӣ имрӯзҳо корҳои фаҳмондадиҳӣ ва назорати солимии сокинонро дар мадди аввал қарор додаанд. Маводи доруворӣ, корҷомаҳои тиббӣ ва дигар лавозимоти зарурӣ ба таври кофӣ захира карда шудаанд.
    Дастур дода шуд, ки корҳои фаҳмондадиҳӣ, бо усули хона ба хонаи табибони оилавӣ ва ташхиси саривақтии нафарони дорои нишонаҳои коронавирус ба таври ҷиддӣ ба роҳ монда шавад.
     Муовини Сарвазири мамлакат дастур доданд, ки барои бурдани корҳои фаҳмондадиҳӣ ва дарёфти нафарони гирифтор ба бемории COVID-19 фаъолияти масъулин, занону ҷавонон,омӯзгорони муассисаҳои таълимӣ ва Волонтиёрони Бахши кор бо чавонон ва варзиши нохия низ ҷоннок карда шавад.
     Дар интиҳои ҷаласа мухтарам Ширин Исматуллозода ҷиҳати боз ҳам хубтар ба роҳ мондани фаъолият, пеш аз ҳама, иҷрои саривақтии корҳои безараргардонӣ ба масъулин дастуру супоришҳои мушаххас дода шуд.

Нашр шуд: 26 Майи 2020

Диданд: 713

Ҷавонони созанда ва ғаюру далери кишвар!

         Шумо ва  дар симои шумо кулли ҷавонони кишварро ки ояндагони боэътимоди Ватани маҳбубу соҳибистиқлоламон маҳсуб  меёбад, ба муносибати   Рӯзи ҷавонони Тоҷикистон самимона табрику шодбош мегӯям ва ба ҳар яки Шумо дар ин айёми пурнишот хотири ҷамъу тансиҳатӣ, дастоварду муваффақият ва дар татбиқи ҳадафҳои неку созандаи        Асосогузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дастоварду муваффақиятҳои нав ба нав орзу менамоям.

        Сиёсати давлатӣ дар соҳаи ҷавонон аз солҳои аввали соҳибистиқлолӣ яке аз самтҳои афзалиятноки фаъолияти Ҳукумати кишвар таҳти роҳбарии Пешвои муаззами миллат  эълон гардидааст. Ин таваҷҷуҳ ва ғамхории бузург Шумо ҷавононро дар роҳи иҷрои вазифаҳои арзишманде, ки давлат ва Ҳукумати мамлакат ба зиммаатон вогузор намудаст, як ҷаҳон ифтихору рӯҳбаландӣ мебахшад

     Тазаккур бояд дод, ки имсол Рӯзи ҷавонони Тоҷикистон бо яке аз идҳои мусулмонони ҷаҳон Иди саиди Фитр ба ҳам омадааст. Ин воқеъият боз ҳам масъулинро водор месозад, ки баҳри некӯаҳолии зиндагии ҷавонон, бахусус ҷавонони имконияташон маҳдуд аҳамияти ҷиддӣ зоҳир намоянд.

        Дар ин радиф, мақомоти иҷроияи ҳокимияти давлатии ноҳия Рӯдакӣ баҳри дар амал татбиқ намудани сиёсати иҷтимоии Пешвои муаззами миллат мӯҳтарам Эмомалӣ Раҳмон дар   ноҳия ҷавонони имконияташон маҳдудро аёдат намуда, ба онҳо кӯмакҳои моддӣ расонида истодааст.

        Ба  1- уми майи соли ҷорӣ ҷавонони ноҳияи Рӯдакӣ 188043 нафар, аз ҷумла 92901 нафар духтарон буда, тақрибан 35 фоизи шумораи умумии аҳолиро ташкил медиҳанд. Боиси қаноатмандист, ки шумораи зиёди ҷавонони мо имрӯз дар соҳаҳои мухталифи омӯзгорӣ, тиб, кишоварзӣ, алоқа, корманди мақомоти ҳифзи ҳуқуқ, омор, ронанда, сохтмончӣ, соҳибкор ва ғайраҳо кору фаъолият менамоянд. Аз ҷумла зиёда аз 1835 нафар ҷавонони ноҳия аз он 1156 ё беш аз 60 фоизашон   дар соҳаи маориф,  820 нафар дар соҳаи тандурустӣ, зиёда аз 7000 дар соҳаи кишоварзӣ фаъолият дошта, 800 нафар ҷавонон ба соҳибкорӣ ва тиҷорат машғул ҳастанд. Ин воқеан нерӯи бузургест, ки бояд ба раванди созандагӣ ва бунёдкориҳо мутобиқ гардонида шуда, ҷомеаро пеш барад.

       Яке аз масъалаҳои мубраме, ки ҳамаи мо бояд бо тамоми масъулият ва ҷиддият муносибат намоем, дар қалбу шуури ҷавонон бедор намудани ҳисси баланди миллӣ, ватандӯстиву ватанпарастӣ ва худогоҳиву худшиносӣ буда, имрӯз ҷавонони мо бояд дар чунин рӯҳияе ба воя расанд, ки барояшон ҳар як пораи хоки ватанамон азизу муқаддас бошад ва ҳифз кардани онро барои худ қарзи фарзандиву имонӣ ва шарафи бузург донанд.

Ҷавонони азиз!

     Боварии комил дорам, ки Шумо ҷавонон аз ӯҳдаи иҷрои ҳама вазифаҳои дар наздатон гузошташуда сарбаландона мебароед ва минбаъд низ кӯшиш мекунед, ки ба нафъи давлату ҷомеа боз ҳам содиқона хизмат намоед.

        Бо чунин орзуҳои нек, бори дигар, кулли ҷавонони саодатмандро ба ифтихори Рӯзи ҷавонони Тоҷикистон самимона табрик гуфта, ба ҳар яки Шумо саломатӣ, иқболи нек ва дар роҳи хизмат ба халқу Ватан ғайрату матонат ва азму иродаи қавӣ орзу менамоям.

  Рӯзи ҷавонони Тоҷикистон муборак!