- Диданд: 636
30 марти соли 2021 бо мақсади иҷрои сифатноки ҷадвали баргузории фестивал, намоиш, ид ва озмунҳои анъана ва ҳунарҳои мардумӣ дар Ҷумҳурии Тоҷикистон барои солҳои 2020-2021, дар маркази маъмурии ноҳияи Рӯдакӣ шаҳраки Сомониён даври ноҳиявии Фестивали ҷумҳурявии «Сайри гули лола» баргузор гардид.
Дар Фестивал ғолибони даври аввал ва намояндагони 14 шаҳраку деҳоти ноҳия ва 8 ташкилоту муассисаҳо иштирок намуданд.
Намояндагони Кумитаи рушди маҳалли назди Президенти Ҷумҳурии Тоҷикистон Наимзода Мустақим Латиф ва муовини директории Агентии хоҷагии ҷангали назди Ҳукумати Ҷумҳурии Тоҷикистон Набизода Наим аз баргузории фестивал дидан намуда, дар маросими супоридани диплому сипосномаҳо ва туҳфаҳои хотиравии Мақомоти иҷроияи ҳокимияти давлатии ноҳияи Рӯдакӣ иштирок намуда, суханронӣ карданд.
Бо қарори ҳайати доварони даври ноҳиявии Фестивали ҷумҳурявии «Сайри гули лола» дар ноҳияи Рӯдакӣ таҳти роҳбарии муовини Раиси ноҳияи Рӯдакӣ Хайрулло Суфиев аз руйи шартҳои ташкили гулгаштҳо ва бахши санъат, бо назардошти самтҳои наққошии беҳтарини гулҳо, парвариши намудҳои гуногуни гули лола, рақси лола, суруд ва шеърҳо дар васфи лола, Ватан, Тоҷикистон, барномаҳои адабӣ ва фолклорию этнографӣ ғолибони як ҷойи аввал шаҳраки Сомониён, ду ҷойи дуюм деҳти Чортеппа ва Чоргултеппа, се ҷойи сеюм Раёсати маориф, деҳоти Эсанбой ва Роҳдтӣ муаян карда шуда, бо дипломҳо ва туҳфаҳои хотиравии Мақомоти иҷроияи ҳокимияти давлатии ноҳияи Рӯдакӣ кадрдонӣ гардиданд.
Ҳамчунин бо мақсади ҳавасмандгардони барои иштироки фаъолона дар ташкил ва баргузории Фестивали «Сайри гули лола» Коллеҷи техникию омӯзгорӣ, Раёсати кишоварзӣ, Шуъбаи ҳифзи муҳити зист, Корхонаи «Хоҷагии манзилию коммуналӣ», Маркази эҷодиёти кӯдакону наврасон ва Бахши ҷавонон ва варзиши ноҳия бо сипосномаҳои Мақомоти иҷроияи ҳокимияти давлатии ноҳияи Рӯдакӣ сарфароз гардонида шуданд.
- Диданд: 947
Имрӯз, 12-уми феврал дар маҷлисгоҳи бинои Мақомоти иҷроияи ҳокимияти давлатии ноҳияи Рӯдакӣ бо иштироки доираи васеи хабарнигорони расонаҳои ҷумҳуриявӣ ва ноҳиявӣ нишасти матбуотии раиси ноҳияи Рӯдакӣ оид ба натиҷаҳои рушди иқтисодию иҷтимоии ноҳия дар соли 2020 баргузор гардид. Дар нишасти матбуотӣ раиси ноҳияи Рӯдакӣ Исматзода Азизулло, муовини аввал, муовинон, кормандони дастгоҳи раиси ноҳия, роҳбарони сохторҳои Мақомоти иҷроияи ҳокимияти давлатии ноҳия, роҳбарони соҳаҳои маориф, фарҳанг, тандурустӣ ва раисони ҷамоатҳои шаҳраку деҳот ширкат варзиданд.
Нишасти матбуотӣ бо суханронии муқаддимавии Раиси ноҳия оғоз гардида, иштироки фаъолонаи хабарнигорони расонаҳои ахбори оммаро дар нишастњои матбуотӣ қайд намуда, қаноатмандии Мақомоти иҷроияи ҳокимияти давлатии ноҳияро аз ҳамкориҳо бо хабарнигорони васоити ахбори омма, изҳор намуд.
- Соли 2020 барои мардуми ноҳияи Рӯдакӣ давраи хотирмонӣ созандагӣ, бунёдкориҳо ва рушди иҷтимоию иҳтисодӣ гардида, ташрифҳои Асосгузори сулҳу ваҳдати миллӣ, Пешвои миллат, Президенти мамлакат, муҳтарам Эмомалӣ Раҳмон ба ноҳия, мардуми диёрро ба бунёдкориву созандагиҳои навин раҳнамун сохт, ки дар натиҷа тавонистем ба муътадилгардии вазъи иқтисодӣ - иҷтимоӣ ва афзоиши воқеии нишондиҳандаҳо ноил гардем.
Дастовардҳои ноҳия қабл аз ҳама, аз татбиқи сиёсати воқеан хирадмандонаю бунёдкоронаи Пешвои муаззами миллат ва вазифагузориҳои Паёми Президенти кишвар ба Маҷлиси Олии Ҷумҳурии Тоҷикистон, ки барои истифодаи ҳарчи бештари иқтидори созандаи ватандӯстӣ баҳри ҳар як шаҳрванди мамлакатамон имкониятҳои васеъ фароҳам меоварад, сарчашма мегиранд.
Мақомоти иҷроияи ҳокимияти давлатии ноҳияи Рӯдакӣ фаъолияти худро ҷиҳати таъмини ҳадафҳои олии кишвар ва нақшаҳои бузурги бунёдкорӣ, баҳри татбиқи барномаҳои тараққиёти иҷтимоиву иқтисодӣ, таъмини инкишофи устувори тамоми соҳаҳои хоҷагии халқ, рушди соҳибкорӣ, шаклҳои мухталифи моликият ва ҷалби сармояҳо, ки дар маљмӯъ ба болоравии сатҳи зиндагии аҳолӣ нигаронида шудааст, равона намуда, ҷиҳати фароҳам овардани шароити зиндагии арзанда барои сокинони диёр, тадбирҳои зарурӣ андешида истодааст, - қайд намуд Раиси ноҳия Исматзода Азизулло Убайдулло.
- Диданд: 705
Рӯзи 11 феврали соли 2021 вохӯрии Раиси ноҳияи Рӯдакӣ, муҳтарам Исматзода Азизулло Убайдулло бо собиқадорони ҷангу меҳнати ноҳия баргузор гардид.
Саҳифаи 47 аз 69
1USD
1EUR
1RUB