- Диданд: 368
2 августи соли равон дар толори Мақомоти иҷроияи ҳокимияти давлатии ноҳияи Рӯдакӣ нишасти матбуотии раиси ноҳия бо иштироки васеъи намояндагони васоити ахбори оммаи кишвар баргузор гардид.
Дар оғози нишасти матбуотӣ муовини аввали раиси ноҳия Абдуаҳад Саидмуродзода оид ба натиҷаҳои рушди иқтисодиву иҷтимоии ноҳия ба ҳозирин мухтасар маълумот дод.
Сипас саволу ҷавоби озод бо рӯзноманигорон сурат гирифт. Намояндагони васоити ахбори оммаи кишвар саволҳои худро оид ба дастовардҳои соҳаҳои маориф, кишоварзӣ, обёрии заминҳо, сохтмони иншоотҳо ва рушди саноат пешниҳод намуда, аз тарафи муовини аввал ва муовинони раиси ноҳия, роҳбарони шуъба ва бахшҳои дастгоҳи раиси ноҳия, роҳбарони ҷамоатҳо ва ташкилоту муассисаҳо ҷавобҳои мушаххас гирифтанд.
Дар интиҳои нишасти матбуотӣ аз тарафи нашрияи "Халқ овозӣ" ба Мақомоти иҷроияи ҳокимияти давлатии ноҳия ва роҳбарияти Идораи алоқа барои иҷроиши босамари нақшаи обуна ба ин нашрия "Ифтихорнома" супорида шуд.
- Диданд: 471
Семинари илмию амалии минтақавӣ дар мавзӯи "Роҳҳои дастгирии давлатии бахши хусусӣ дар соҳаи кишоварзӣ", ки рӯзи 29 июли соли 2022 дар толори маҷлисгоҳи мақомоти иҷроияи ҳокимияти давлатии ноҳияи Рӯдакӣ баргузор гардид.
Семинари мазкур мувофиқи қарори Раёсати Академияи илмҳои кишоварзии Тоҷикистон аз 28 январи соли 2022 таҳти №1, дар бораи "Нақшаи баргузории конференсияю семигарҳои илмию амалии минтақавӣ, рӯзҳои саҳро, фермерӣ ва мизи мудаввар дар муассисаҳои илмии Академияи илмҳои кишоварзии Тоҷикистон", баргузор шуд. Дар семинари омӯзишӣ намояндагони Академияи илмҳои кишоварзии Тоҷикистон, Вазорати кишоварзии Ҷумҳурии Тоҷикистон, Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва намояндагони ноҳияи Рӯдакӣ иштирок ва суханрони намуданд.
- Диданд: 412
15 июли соли равон дар маҷлисгоҳи Вазорати меҳнат, муҳоҷират ва шуғли аҳолии Ҷумҳурии Тоҷикистон таҳти раёсати муовини Сарвазири Ҷумҳурии Тоҷикистон Сатториён Матлубахон Амонзода ҷаласаи нахустини Шӯрои ҳамоҳангсозӣ оид ба ҳунармандии назди Ҳукумати Ҷумҳурии Тоҷикистон баргузор гардид, ки дар он вазири меҳнат, муҳоҷират ва шуғли аҳолӣ Амонзода Ширин Шодӣ, аъзои Ҳайати Шӯро, раисони Шӯро оид ба ҳамоҳангсозӣ ва рушди ҳунармандӣ дар ВМКБ, вилоятҳои Суғду Хатлон, шаҳри Душанбе, шаҳру ноҳияҳои тобеи ҷумҳурӣ ва намояндагони вазорату идораҳо иштирок доштанд.
Тибқи рӯзномаи маҷлис гузориши вазири меҳнат, муҳоҷират ва шуғли аҳолии Ҷумҳурии Тоҷикистон Ширин Амонзода ва ҳисоботи раисони Шӯро оид ба ҳамоҳангсозӣ ва рушди ҳунармандӣ дар ВМКБ, вилоятҳои Суғду Хатлон, шаҳри Душанбе ва шаҳру ноҳияҳои тобеи ҷумҳурӣ дар бораи рафти татбиқи Нақшаи чорабиниҳо оид ба амалисозии “Барномаи рушди ҳунармандӣ дар Ҷумҳурии Тоҷикистон барои солҳои 2021-2025 ва таъсиси корхонаву коргоҳҳои ҳунармандӣ дар ҷумҳурӣ шунида шуд.
Вазири меҳнат зимни суханронии худ дарҷ намуд, ки дар Ҷумҳурии Тоҷикистон соҳаи ҳунармандӣ, ки бениҳоят ҷавон ва парвардаи даврони Истиқлоли давлатдории мост, таҳти ва ғамхориҳои пайваста ва таваҷҷуҳи хосаи Ҳукумати Ҷумҳурии Тоҷикистон ва Асосгузори сулҳу Ваҳдати миллӣ, Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон қарор дошта, сол то сол рушду нумуъ ёфта истодааст.
Иттилоъ дода шуд, ки дар нимсолаи якуми соли 2022 дар маҷмуъ 4056 нафар шаҳрванд тавассути 47 Маркази ҳунарҳои миллӣ ва муосири назди муассисаҳои таълимии вазорат ба касбомӯзӣ фаро гирифта шуданд. Аз ин шумора 1860 нафарашон курсҳои кутоҳмуддати ҳунармандиро хатм намудаанд, ки ин омор ба вилоятҳои Хатлон 370 нафар, Суғд 879 нафар, шаҳри Душанбе 254 нафар, шаҳру ноҳияҳои тобеи ҷумҳурӣ 322 нафар ва ВМКБ 35 нафар рост меояд.
Дар ҷараёни баррасии масъалаҳо ва дар анҷоми кори ҷаласа бо дарназардошти фикру мулоҳиза ва таклифу пешниҳодҳои баёнгардида аз ҷониби муовини Сарвазири Ҷумҳурии Тоҷикистон, раиси Шӯрои ҳамоҳангсозӣ оид ба ҳунармандии назди Ҳукумати Ҷумҳурии Тоҷикистон М.Сатториён ба вазорату идораҳо ва мақомоти иҷроияи маҳаллии ҳокимияти давлатии вилоятҳо ва шаҳру ноҳияҳо барои тақвият бахшидани фаъолият дар ин самт супоришу дастурҳои мушаххас дода шуданд.
Саҳифаи 26 аз 73
1USD
1EUR
1RUB